THRÜNTAN 11:4 - AMÜSÜH HÜM CL Bible (BSI)

⁴ Tüsho arünü tha, “Arang, isanü kiuto khülang, tüsho rünchang thüning khiungde thsanü; isanü isa thsungkheak mung khülang thsanü, judü yungsho alomi alala ching isa hiumüzütabahbah.”

THRÜNTAN 11:4 Iomraidhean Croise

THRÜNTAN 6:4

Judüki alomi ching Nephilimrübo lakheah, tüsho ju dunglim Thrünpuh tsührübonü mihtsürü tsührübebo kheak müyam tüsho arü kilim tsührübo zübejih. Jurübo adüsonü athrungrü tüsho mungkhung mihtsürübo lakheah.

2 SAMUEL 8:13

Davidnü anihbuh thsungkheak mungthu ngü. Küyimki api alodarükhea, apinü Thimi Jindükhün chingnü Edomrü 18,000 laksah.

MUNGSHIKHÜN 107:26

Arünü thüning khiungde yükih, arünü kheaküshe asükbo ching yüki; küpkhukkhinü arü me niuthünakchoh.

MUNGSHIKHÜN 92:9

Tümüde kheahang, nü riribo, O Atungpuh , tümüde kheahang, nü riribo dükheakbah; amülim rhimorü alala hiumüzütbah.

MÜCHITMUDU 10:7

Thiyuro-lungkirü lümkhitpü ju müngühmühi ah, tüshe mihbukmuyukrü mung nahde mihabahbah.

JEREMIA 51:53

Babilonnü thüning lim yükihkih she, tüsho anihbenü chipi changde ayünyün she, I kilimnü athsümünimrü anihbe kheak arübah, Atungpuhnü thachoh.

DANIEL 4:11

Sangdung ju tode yükih tüsho müküpde kam, tüsho amuyunü thüning khiung, tüsho alomi athrünkhi akheam chingnü ju ngüde alakheah.

DANIEL 4:22

ju nü ah, O kiulongthsüpuh! Nü tode zokih tüsho düküngde kam. Nü tokhi alü kam tüsho thüning khiung tüsho nü wunü alomi akheambo khiung.

DANIEL 4:27

Jumonü, O kiulongthsüpuh, inü athakhi yanang. Neak yihbeakpü tukloang, tümü alim lanü rhimoang, tüsho zhochihrü ki müthsümang. Junangde nü lalim tsüde alabah.”

DANIEL 4:30

tüsho kiulongthsüpuhnü tha, “ Kheahang Babilon küdükhüh ato a! Ha inü I wu tüsho sühmüh, I müretah tüsho mungthu huhpü I yo kiuying thsükheah.”

LUKNÜ ATHRÜTKHI THIYUSHEAK-ATSÜ HUHTANYU 1:51

Apinü anihbuh binnü sühmüh huhdo; apinü arü mulong ching lülüshishide alümkhi hiumüzütshih.

JOHAN 5:44

Nüsa khülangnü khülang wüntre luachihchoh tüshe Thrünpuh kilimnü arükhi wüntre müyimde nüsanü küde thsah akinpü?

YUZÜNGTHALO 1:28

Isa küching yükhukpü? Isa keoniorübonü isa mulong ninishihde tha, Mihtsürübo isa kheaknü atoshang ah; kiutobo thüning khiungde chipi ayünlah; kheaküshe isanü ju ching Anakim tsührübo ngüdo.

YUZÜNGTHALO 4:27

Tüsho Atungpuhnü mihtsürü bolung nüsa hiumüzütshihbah, tüsho Atungpuhnü nüsa külimpeang bebanü trükshih bolung nüsa nükde alabah.

YUZÜNGTHALO 9:1

“O Israel aniang: Nüsa khihni Jordan hode ayübah, tüsho nüsa kheaknü atobe tüsho sühmüh lakhi trükbo, chipi ato tüsho thüning khiungde ayünkhi kiutobo yanabahbah,