THRÜNTAN 11:31 - AMÜSÜH HÜM CL Bible (BSI)

³¹ Teranü atsührü Abram le Haran tsührü Lot, tüsho atsühmeakbe Abram niube Sarai bea lu, tüsho arünü Kanan lo ching yüpü Kaldearü yo Ur chingnü wukhiuk; arünü Haran ching arü tüsho ju ching la.

THRÜNTAN 11:31 Iomraidhean Croise

THRÜNTAN 10:19

Tüsho Kanan aredungbo ju Sidon chingnü Gerar lim Gaza khiung, tüsho Sodom, Gomorra, Adama tüsho Zeboiim lim, Lasha khiung.

THRÜNTAN 11:32

Tera kam 205 la, tüsho Haran ching sheabah.

THRÜNTAN 12:4

Jumonü Atungpuhnü api ki thakhi nangde Abramnü chamachih, tüsho Lot api lung yü. Tüsho Abram ju Haran chingnü tsahmusuchoki kam 75 azorü lakheah.

THRÜNTAN 12:5

Judüki Abramnü aniube Sarai le aniurü tsührü Lot, arünü ahanmukhungkhi lakhit-kukruk tüsho Haran ching arübo azhorübo alala bea lu tüsho Kanan lomi ching yüpü tsahmusu. Junangde arü Kanan lomi ching arü.

THRÜNTAN 14:12

Arünü Sodom ching lakhi Abram niurü tsührü Lot she api kukrukbo bede lubah tso.

THRÜNTAN 15:7

Judüki Atungpuhnü api ki tha, “I ha lomi nü kilim jih-a yamrüplurüp lushihpü Kaldea ching lakhi Ur chingnü nü bekhitbuh Atungpuh ah.”

THRÜNTAN 24:10

Judüki yamlabuhnü api putungrü yo kemel 10 lu tüsho chamachih, tümüde api putungrü kukrukbo alala anihbuh khah ching lakheah. Tüsho apinü tsahmusubah Mesopotamia lim, Nahor kiuto ching yü.

THRÜNTAN 24:15

Apinü müthakhamyide, Rebeka adubuh kheak kephüh shuhbah akhiuk. Alibe ju Abraham niurü Nahor le aniube Milka ane tsührü Bethuel tsührübe lakheah.

THRÜNTAN 27:43

Jumonü I tsaha, kheakü I yu aniang: Tsahmusubah Haran ching I khiung Laban kilim yüang,

THRÜNTAN 28:10

Jakobnü Beersheba chingnü chamachih tüsho Haran lim yü.

2 KIULONG THSÜRÜ 19:12

I buh pürünü athsümünimkhi trükshihbo, Gozan, Haran, Rezeph tüsho Telassar ching lakhi Eden mihtsürübo arü thrünpuhbonü bekhitkhea de?

NEHEMIA 9:7

Nü, Atungpuh Thrünpuhnü Abram mokhit tüsho Babilon lomi Ur chingnü bekhit; nünü api mung Abraham de müthrijih.

JOB HU H T ANYU 1:17

Api thade alachoki, püpürü arü tüsho tha, “ Kaldearünü bo mahsam thsübah kemelbo yande lubah tsodo, tüsho yamlarübo nukshangnü laksahdo; nü ki thapü I lang atsokhitkheah.”

ISAIA 37:12

I müngührünü athsümünimkhi trükshihbo, Gozan, Haran, Rezeph, tüsho Telassar ching lakhi Eden mihtsürübo, arü thrünpuhbonü bekhitdo de?

IBRI 11:8

Akin hode Abrahamnü apinü yamrüplurüp lupü dangpung ching yüpü jichoki mihyuani; tüsho apinü küching yübeanü mümükheahde wukhiuk.