THRÜNTAN 11:29 - AMÜSÜH HÜM CL Bible (BSI)

²⁹ Judüki Abram tüsho Nahor ane niuberü lu: Abram niube mung Sarai, tüsho Nahor niube mung Iska abuh Haran tsührübe Milka lakheah.

THRÜNTAN 11:29 Iomraidhean Croise

THRÜNTAN 17:15

Judüki Thrünpuhnü Abraham ki tha, “Nü niube Sarai thsungkheaknü, nünü anihbe mung Sarai de müji, tüshe amung Sara labah.

THRÜNTAN 20:12

Tüshe atsütsü anihbe I niurü ah. Alibe I buh tsührü ah, tüshe I be tsührü yung; tüsho anihbe I niube kamkheah.

THRÜNTAN 22:20

Kim anükhüh dunglim aniurü Nahor kilim Milkanü tsührübo zübejih-a lah de Abrahamnü so:

THRÜNTAN 22:23

Bethuel ju Rebeka abuh kam. Milkanü Abraham niurü Nahor kilim harü tsührü 8 zübejih.

THRÜNTAN 24:10

Judüki yamlabuhnü api putungrü yo kemel 10 lu tüsho chamachih, tümüde api putungrü kukrukbo alala anihbuh khah ching lakheah. Tüsho apinü tsahmusubah Mesopotamia lim, Nahor kiuto ching yü.

THRÜNTAN 24:15

Apinü müthakhamyide, Rebeka adubuh kheak kephüh shuhbah akhiuk. Alibe ju Abraham niurü Nahor le aniube Milka ane tsührü Bethuel tsührübe lakheah.

THRÜNTAN 24:24

Alibenü alo, “I a Milkanü Nahor kilim zübejihkhi Bethuel tsührübe ah.”