THRÜNTAN 10:10 - AMÜSÜH HÜM CL Bible (BSI)

¹⁰ Tüsho api kiulongthsü atankih Shinar lomi ching Babel, Erek, Akkad tüsho Kalne lakheah.

THRÜNTAN 10:10 Iomraidhean Croise

THRÜNTAN 10:9

Api ju Atungpuh miki amüzhak shihyanrü lakheah; jumonü hade tha, “Atungpuh miki amüzhak shihyanrü Nimrod nangde.”

THRÜNTAN 11:2

Mihtsürübo aniakhiuklimnü yüde alachoki, arünü Shinar ching adükhün khülang ngü tüsho ju ching la.

THRÜNTAN 11:9

Jude athsükhinü ha ki Babel de ji, tümütüsho Atungpuhnü alomi yutha alala yingyingabahshih. Ju chingnü Atungpuhnü arü alomi alala ching hiumüzütshih.

THRÜNTAN 14:1

Ju kim ching Shinar kiulongthsüpuh Amraphel, Ellasar kiulongthsüpuh Ariok, Elam kiulongthsüpuh Kedorlaomer tüsho Goiim kiulongthsüpuh Tidal arübo,

ISAIA 10:9

Kalno ju Karkemish ruk yung de? Hamath ju Arpod ruk yung de? Samaria ju Damaska ruk yung de?

ISAIA 11:11

Ju nimung Asiria, Ijip, Pathros, Ethiopia, Elam, Shinar, Hamath, tüsho keto kekunglo chingnü aninga larü khümkhitpü mahne kipü Atungpuhnü akhah chungbah.

ISAIA 39:1

Ju kim ching Baladan tsührü Merodak-baladan Babilon kiulongthsüpuhnü kihümbo le thsambahbo mühahbah yunithsürübo Hezekia kilim yüshih, tümüde api tukthsübah angukhi apinü so.

JEREMIA 21:2

“Muzhobah isa thsung thsüde Atungpuh ki keojang, tümüde Babilon kiulongthsüpuh Nebukednezarnü isa azhihde thirithsüchoh; khükia apinü rhimode alakhi nangde Atungpuhnü amüyinsahbe isa thsungkheak rhimobah, tüsho isa kheaknü api tsoloshihbah.”

JEREMIA 50:1

Babilon tüsho Kaldea lomi dünkheak wukihbuh Jeremia hode Atungpuhnü asukkhi yu:

JEREMIA 50:21

Merathaim lomi lim wutuang; anihbe azhihde wutuang, tüsho Pekod ching larü yanang tüsho shahde arü dükheakshang, Atungpuhnü thachoh; inü nü ki thiyukhüm jihkhi alala rhimoang.

EZEKIEL 27:23

Haran, Kanne, Eden, Sheba shothsümolorü, Asshur, tüsho Kilmadnü nü lung shothsümolo.

DANIEL 1:2

Atungpuhnü Juda kiulongthsüpuh Jehoiakim tüsho Thrünpuh yam ching yo pungphuru khürü api khah ching jih. Apinü harü Shinar lomi ching handarü, tüsho pungphurubo ju api thrünpuhbo rahpung-yam ching zo.

AMOS 6:2

Kalne hode yüang, tüsho kheahang; ju chingnü Hamath ato ching yüang; jushu Filistia ching Gath lim yükiang. Nüsa kiulongthsü mahne kheaknü arü atsübea de? Yungsho arü lomi nüsa kheaknü atobea de?

MIKA 4:10

O Zion mihtsürü, aliberü thsünüchoki nangde kolahang tüsho asheang; tümüde kheakü nü kiuto chingnü ayübah tüsho mükeak ching binkheambah; nü Babilon lim yübah. Ju ching nü bekhitbah, ju ching Atungpuhnü nü riribo khah chingnü nü rhokhitbah.

MIKA 5:6

Arünü Asiria lomi nukshangnü, tüsho Nimrod lomi nukshang dukkhitbah yakzan shuhbah; mürangkhüh arünü isa lomi ching yungsho isa aredungyean ching thrümsho arünü Asiriarü kheaknü isa khümkhitbah.

ZEKARIA 5:11

Apinü I ki alo, “Ha thsungkheak arüngyam thsüpü Babilon lim yüchoh; tüsho küyimki ha thsükhibanü, anenü muluk ju kingaünpü dangpung kheak zobah.”