THRÜNTAN 1:9 - AMÜSÜH HÜM CL Bible (BSI)

⁹ Thrünpuhnü tha, “Thüningbo bukkhüp lakhi ke alala dangpungkhüh kingmukhungang tüsho alo akung akhiukang”; tüsho junangde kam.

THRÜNTAN 1:9 Iomraidhean Croise

THRÜNTAN 1:8

Apinü akhunung ki ju “Thüning” de ji. Tüsho ju mahnepü nimung arelim tüsho yapsu lakheah.

NEHEMIA 9:6

Israelrünü hade tamkhüntamnü: Nü, Atungpuh , nü lang Atungpuh ah; nünü thüning, achangbe thüningbo tüsho chiningbo thrün. Nünü alo, keto tüsho ju ching mungjithürü bebah thrün; nünü alala kilim rhangdung jih. Thüningrü botonü khukningbah nü kingaün.

JOB HU H T ANYU 26:10

Apinü ke mi kheak ayin tüsho amiting dükeak aredung khülang thsungkheak khitmükam khülang thsü.

JOB HU H T ANYU 26:7

Apinü thüning kumung dukulim züngkhiunglah, tüsho akeangkeang kheak alomi zhinlah.

MUNGSHIKHÜN 104:3

tüsho kebo kumung nü yam thsü. Nünü amobo nü khora-lolungbe thsü, tüsho apung ghidükeangbo kheak bin.

MUNGSHIKHÜN 33:7

Apinü ketobo dangpung khülang bemukhung; apinü muliuke asükbo zowupung ching rihdoa zo.

MUNGSHIKHÜN 95:5

Keto api yo, tümüde apinü ha thrün; tüsho api khahbonü alo akung kamkhitshih.

T H S AN GYU T H S AN GR ARÜ 1:7

Ayung alala keto ching bukyukchoh, tüshe keto mümi; kebo ju anü ching yülochoh tüsho mutuklode bukchoh.

JEREMIA 5:22

Nüsanü I mütre de? Atungpuhnü thachoh; nüsanü I miki majancho de? Inü keto aredung thsungkheak loyi zojihlah, lünnü muhokhukbe rhü khülang; kenü abükbük she müzünhokhuk, arungrung she muhokhuk.

JONA 1:9

Apinü alo, “ I Ibrirü ah. Inü yinmi Thrünpuh, keto tüsho akung lomi thrünrü Atungpuh kingaünchoh.”

2 PETER 3:5

Tüshe adüso Thrünpuh yu hode thüningbo lakheah tüsho ke chingnü tüsho ke hode alomi kamkheah dükhi akhekhungnü thiyuro mihchoh.

AMIKHEAKAKHIUKKHI 10:6

tüsho lünnü lün labuh, thüning tüsho ju ching lakhi, alomi tüsho ju ching lakhi, keto tüsho ju ching lakhi thrünrü tamde mashupü thiyuchihchim thsü,