THRÜNTAN 1:29 - AMÜSÜH HÜM CL Bible (BSI)

²⁹ Thrünpuhnü tha, “Alomi ching lakhi aso asobe, sangrung tüsho aso asobe sangdung alala inü nüsa kilim jihchoh; nüsa thsungkheaknü ju tsühyungbe thsübah.

THRÜNTAN 1:29 Iomraidhean Croise

THRÜNTAN 2:16

Atungpuh Thrünpuhnü mihtsürü ki thiyukhüm jihde tha, “Shahwün ching sangdung aban kheaknü nünü atsühpü kuklah;

THRÜNTAN 6:21

Atsühpü thsüde tsühyungbe mungji aban nünü lubah nü tüsho arübo thsungkheak tsanglunga zoang.”

THRÜNTAN 9:3

Aphapde rhangdung lakhi lüpdükhi nüsa thsungkheak tsühyungbe labah. Sangrung phüyakbo alala inü nüsa kilim jihdo.

JOB HU H T ANYU 36:31

Tümüde harünü apinü mihtsürübo mahkhapchoh; apinü tsühyungpü suhdahde jihchoh.

MUNGSHIKHÜN 111:5

Apinü api trerü kilim tsühyungbe jih; apinü api tangzüng lünnü lümanude alabah.

MUNGSHIKHÜN 115:16

Achangbe yinmibo Atungpuh yo ah; tüshe apinü alomi ju mihtsürü tsührübo kilim jih.

MUNGSHIKHÜN 136:25

shepünü rhangdung lakhi alala kilim tsühyungbe jihcho, tümüde api amüthsüm lünnü rünkhiungde lah.

MUNGSHIKHÜN 146:7

shepünü junoa larü thsungkheak thiyuro rhimocho, shepünü akhümrü kilim tsühyungbe jihcho. Atungpuhnü aramrübo zuzu jihchoh.

MUNGSHIKHÜN 147:9

Apinü mütüm shiwühbo tüsho khungde alakhi khüyak nunu kilim tsühyungbe jihchoh.

MUNGSHIKHÜN 24:1

Alomi tüsho ju ching lüpdükhi, alomiküp tüsho ju ching lakhi alala Atungpuh yo ah;

ISAIA 33:16

arübo achangbo kheak labah; arü tsoyukpung ju lung-chipi labah; arü tsühyungpü ahiuhbah, arü ke yungpü ngübah.

HOSEA 2:8

Inü anihbe ki hi, yukhu tüsho müdangke tüsho anihbenü Baal kingaünkhi ching ahorikhi suna jihkheah de alibenü mümükheah.

MATHI 6:11

Khihni isa kilim nimung aban tsühyungpü kü;

YUNIRÜBO RHIMO 14:17

tüshe apinü anihbuh thiyumütsan mülade müthsü, tümüde apinü atsü rhimo tüsho thüning chingnü tsüng le akheahmünchi ching sangsolungsobonü nüsa mulong reangkeamde asühshihchoh.”

YUNIRÜBO RHIMO 17:28

tümüde ‘Api kheak isa lah, aphapchoh tüsho rhangdung lah’; tümüde nüsa yo thiyutsü thrütrü khürünü thaa lah, ‘Isa api tsührübo ah.’

1 TIMOTHI 4:3

Arünü mihtsürübo yamkhün thsüpü zhipdochoh tüsho akinrü le thiyuro mükheahrünü makshe jihde aleangkhishihpü Thrünpuhnü athrünjihkhi tsühyungbe khürü mütsühpü thiyukhüm jihchoh.

1 TIMOTHI 6:17

Ha lomi ching mükükheangpü tüsho mümütsankhi lakhit ching yungde, isa asühshihpü lüpdükhi muzhomopungde ajihbuh Thrünpuh kheak arü mulonglam zopü alarü ki thiyukhüm jihang.