THRÜNTAN 1:26 - AMÜSÜH HÜM CL Bible (BSI)

²⁶ Judüki Thrünpuhnü tha, “Isanü isa kiphahkhi ching mihtsürü thrünanü; tüsho keto ngüh, thüning wuhnubo, akam-shiwüh tüsho mütüm shiwüh tüsho alo kheak abübe alala kurungkheak arü atungrü thsüshihanü.”

THRÜNTAN 1:26 Iomraidhean Croise

THRÜNTAN 11:7

Arang, isanü yükianü tüsho arü yutha yingyingde kamshihanü, junangde arü khülangnü khülang manikhitachihde alabah.”

THRÜNTAN 2:19

Jumonü Atungpuh Thrünpuhnü shiwüh le wuhnubo alala alonü kamshih, tüsho arü mung jishihpü Adam kilim bedarü; tüsho Adamnü rhangdung lakhi loriloko aban tümü jikheanü ju arü mungbo kam.

THRÜNTAN 3:22

Judüki Atungpuh Thrünpuhnü tha, “Kheahang, mihtsürü ju atsü tüsho amütsü mükheahpü isa nangde kamdo; api khah chungde rhangdung sangdung chingnü rhoa tsühbah lünnü api rhangdung lapü mümülübeah.”

THRÜNTAN 5:1

Ha Adam lünkhe hüm ah. Thrünpuhnü mihtsürü thrün nimung, apinü anihbuh ju Thrünpuh kiphahkhi chingnü thrün.

THRÜNTAN 9:6

Shepünü mihtsürü thiyih bukbanü, mihtsürünü api thiyih bukshihbah; tümüde Thrünpuh kiphahkhi ching mihtsürü ju thrün.

JOB HU H T ANYU 35:10

Tüshe shenü mütha, “I Thrünrü Thrünpuh küching la, shepünü azhing ching mulonglam jihcho,

JOB HU H T ANYU 39:11

Api sühmüh tomonü nünü ju kheak düthsün angüba de, tüsho nü rhimo api ki zojihba de?

JOB HU H T ANYU 5:23

Tümüde thulu ching lungbo kheak nünü tangzüng labah, tüsho mütüm shiwühbonü nü kheak mungtsü labah.

MUNGSHIKHÜN 100:3

Atungpuh , api ju Thrünpuh ah de mükheahang; isa thrünkhi ju api ah, tüsho isa küdahnü yung; isa api mihtsürü tüsho api rimlopung namfimihnubo.

MUNGSHIKHÜN 149:2

Israelrü arü Thrünrü lung asühachihshang; Zion tsührübonü arü kiulongthsüpuh lung asühachihshang.

T H S AN GYU T H S AN GR ARÜ 7:29

Kheahang, ha lang inü yimkhitdo, junangde Thrünpuhnü mihtsürübo lungkide thrün, tüshe arünü lümkhi ahihkhüh thsümüchih.

KHÜNBOLUNGKHÜN 1:11

Isanü nü khilim shotoyinchinü amükhipbe thsübah suna nüpübo thsüjihbah.

ISAIA 45:18

Tümüde Atungpuhnü ha thachoh, shepünü thüningbo thrünkhea, api Thrünpuh ah; shepünü alomi kamshihkhea tüsho athsükhea, apinü thrünkihdo; apinü akeangkeang zopü müthrün, apinü alashihpü kamshih: I Atungpuh tüsho püpürü müla.

ISAIA 6:8

Judüki Atungpuhnü athakhi düsheak inü so, “ Inü shepü yüshihba, tüsho isa thsungkheak shepü yüba?” Tüsho inü tha, “ I ha ching lah; I yüshang!”

ISAIA 64:8

Tütüshe, O Atungpuh , nü a isa Abuh; isa ju alo, tüsho nü isa phühdamrü; isa alala nü khah rhimo ah.

JEREMIA 27:6

Kheakü inü harü lomi alala I yamlarü, Babilon kiulongthsüpuh Nebukednezar khah ching jihdo, tüsho inü api kilim mütüm shiwühbo she api tankihpü jihdo.

JOHAN 14:23

Jisunü api ki alo, “Khürünü I muzhosho, apinü I yu zobah; I Buhnü api muzhobah, tüsho ike api kilim arübah tüsho api lung ike yam thsübah.

JOHAN 5:17

Tüshe Jisunü arü ki alo, “I Buhnü kheakü khiungde rhimochoh, tüsho I she rhimochoh.”

YUNIRÜBO RHIMO 17:20

Nünü hande arükhi khürü aso thsüde isanü sochoh; jumonü harü amütsan isanü mükheahnelah.”

YUNIRÜBO RHIMO 17:26

Apinü mihtsürü khülang kheaknü mihtsürü trükshih aban lomi alala ching lapü thsüde thrün; tüsho apinü arü kimbo tüsho lapungbo akhualojih,

1 KORINT 11:7

Tümüde athrürünü api ku müdukiubeah; tümütüsho Thrünpuh kiphahkhi tüsho müretahkhi lah; tüshe aliberü a athrürü müretahkhi lah.

2 KORINT 3:18

Tüsho isa miro müyihdode Atungpuh müretah tahkihlode, Me lakhi Atungpuh kilimnü arükhi lünnü rünkihde ayükhi müretah lade api kiphahkhi ching müthriloa lah.

2 KORINT 4:4

Thrünpuh kiphahkhi, Khrista müretah thiyusheak-atsü ayin arünü müngüshihpü ha lomi thrünpuhnü amükinrü lümkhibo yihdojih.

EFISIA 4:24

tüsho thiyuro-lungki tüsho amüsüh ching Thrünpuh kiphahkhi ching thrünkhi yakli aso khümyukang.

KOLOSI 1:15

Api ju amüngübe Thrünpuh mejak, thrüna lakhi alala kheaknü adüjibuh ah;

KOLOSI 3:10

tüsho athrünrü mejak yande mükheahmudu ching aso kamlokhi yakli aso yihbah.

JAKOB 3:7

Tümüde shiwüh mungji aban tüsho wuhnu, keakninphuru tüsho keto loriloko dankhuklah tüsho mihtsürünü danyukdo,

JAKOB 3:9

Hanü isanü Atungpuh jichoh tüsho Abuh shijihchoh, tüsho hanü isanü Thrünpuh kiphahkhi ching thrünkhi mihtsürü athruajichoh.

1 JOHAN 5:7

Tüsho Me ju thiyumütsan lah, tümütüsho Me thiyuro ah.