THRÜNTAN 1:16 - AMÜSÜH HÜM CL Bible (BSI)

¹⁶ Jumonü Thrünpuhnü ayinatrüm atobo mahne thrün; animung thsungkheak ani, tüsho azhing thsungkheak khinu. Apinü chiningbo she thrün.

THRÜNTAN 1:16 Iomraidhean Croise

THRÜNTAN 1:15

tüsho alomi kheak yinshihpü thüning ching ayinatrümbo lashang”; tüsho jude alakheah.

JOB HU H T ANYU 31:26

ani tahchoki yungsho khinu tsüde yinde atsahchoki inü kheah-a lasho,

JOB HU H T ANYU 38:7

küyimki yapsu chiningbonü rukhüh khün thsücho, tüsho Thrünpuh tsührübo alalanü asühachihde zhicho?

MUNGSHIKHÜN 148:3

Api shiang, ani tüsho khinu; api shiang, nüsa azhingzhing chiningbo alala!

MUNGSHIKHÜN 148:5

Arünü Atungpuh mung shishang, tümüde apinü thiyukhüm jih tüsho arübo thrün.

MUNGSHIKHÜN 19:6

Ha thüning akheam khülang chingnü akhiukchoh, tüsho akheam püpü lim yüchoh, tüsho ha atak chingnü tümü she jika müla.

MUNGSHIKHÜN 74:16

Nimung nü yo, azhing she nü yo; nünü ayin tüsho ani thsakham.

MUNGSHIKHÜN 8:3

Küyimki inü nünü athsükhi thüning kheahba, nünü arü dangpung lashihkhi khinu tüsho chiningbo–

ISAIA 13:10

Tümüde thüning ching chiningbo tüsho chirhangshuhrübonü arü ayin müjih; ani akhiukkhi mitingdo akambah tüsho khinunü nihbuh ayin müjih.

ISAIA 24:23

Judüki khinu mitingdo akambah, tüsho aninü ayin mütah; tümüde Wuto Atungpuhnü Zion Müzüng kheak tüsho Jirusalem ching kiulongthsübah, tüsho api yo azothsürü miki api müretahkhi akhiukbah.

ISAIA 40:26

Nü mükjibo achang kheak züngkihang tüsho kheahang: Shenü harü thrünkhea? Shepünü chining boto akhiukshih tüsho arübo khecho, arü alala mungnü jichoh; tümütüsho api sühmüh ching tolah, wu ching tolah, khülang she mükhemüdüm.

ISAIA 45:7

Inü ayinatrüm kamshih tüsho amiting thrünchoh, inü müngühmühi tüsho thsümütsü thrünchoh; I Atungpuhnü ha alala thsüchoh.

JEREMIA 31:35

Atungpuhnü ha thachoh, Shepünü animung yinshihpü ani jihcho tüsho azhing ching yinshihpü khinu tüsho chining zojihla, shepünü keto rhucho, junangde arungde abükcho– Wuto Atungpuh ju api mung lah:

HABAKKUK 3:11

Nü hühzobo phürapkhi ching, nü thsüh rakrakkhi ching, ani tüsho khinu thüningbo ching zhikde zhip.

MATHI 24:29

“Jurü nimungbo ching thsümütsü-ato dunglim yanalünde ani mitingde akambah, tüsho khinunü ayin müjihde akambah; thüning chingnü chiningbo keamkhibah, tüsho thüning sühmühbo niukbah.

MATHI 27:45

Kheakü animuro kim chingnü 3 king khiungde alomi alala ching amiting lakheah.

1 KORINT 15:41

Ani müretah khülang lah, tüsho khinu müretah püpü, chiningbo müretah püpü; chining bolung müretah büthsüthsü lah.

YUZÜNGTHALO 4:19

Tüsho küyimki nüsanü thüning lim abinkih-a kheahbanü tüsho ani, khinu, chiningbo, thüning ching lakhi alala ngübanü Atungpuh nüsa Thrünpuhnü thüning bukkhüp mihtsürü alala ki jihkhibonü nüsa dümünityukshih tüsho mükhümde arü dütankihshih.

AMIKHEAKAKHIUKKHI 21:23

Tüsho kiuto yinpü ani yungsho khinu yihnüpü müla, tümüde Thrünpuh müretahkhi ju ayin, tüsho Namfimihnunu ju tsün ah.