THRÜNTAN 1:11 - AMÜSÜH HÜM CL Bible (BSI)

¹¹ Thrünpuhnü tha, “Alonü rim, sangrungbo mungji alala akhiukshang, tüsho jurübo müjihphünü asobebo tüsho sangsolungso asobe thsüang”; tüsho junangde kam.

THRÜNTAN 1:11 Iomraidhean Croise

THRÜNTAN 1:12

Alonü rim, sangrung mungji alala, müjih asobe tüsho aso asobe sangdung alala akhiukshih. Tüsho Thrünpuhnü ju tsülah de kheah.

THRÜNTAN 1:29

Thrünpuhnü tha, “Alomi ching lakhi aso asobe, sangrung tüsho aso asobe sangdung alala inü nüsa kilim jihchoh; nüsa thsungkheaknü ju tsühyungbe thsübah.

THRÜNTAN 2:16

Atungpuh Thrünpuhnü mihtsürü ki thiyukhüm jihde tha, “Shahwün ching sangdung aban kheaknü nünü atsühpü kuklah;

THRÜNTAN 2:5

ju alomi ching thulu sangrung tüsho thulu ching rim tümü mümukhuhyi. Tümüde Atungpuh Thrünpuhnü alomi kheak tsüng marüshih, tüsho alo wochakpü mihtsürü mülade alakheah;

THRÜNTAN 2:9

Tüsho Atungpuh Thrünpuhnü alo chingnü tsühyungbe jaktsükhi sangdungbo mukhuhshih. Shahwün phulung ching rhangdung sangdung tüsho atsü amütsü mükheahbe sangdung she alakheah.

JOB HU H T ANYU 28:5

Alo chingnü tsühyungpü akhiukchoh; tüshe alunglim monü atakkhi ruk lahthünaka lah.

MUNGSHIKHÜN 1:3

Api ju ayung yean mukhuhkhi sangdung khülang kiphahlah, akheahmünchi ching aso asochoh tüsho ayü yiuhamübah. Apinü arhimokhi alala ching akuk ngüchoh.

MUNGSHIKHÜN 147:8

shepünü thüningbo amobonü yihdocho, shepünü alo thsungkheak tsüng thsakhamcho, shepünü müzüngbo kheak rimbo mukhuhshihcho.

ISAIA 61:11

Tümüde alonü adübit chinshihkhi nangde, tüsho ayündo ching yangkhi mukhuhkhi nangde, junangde Atungpuh Thrünpuhnü thiyuro-lungki tüsho mungshi ju trükshih alala miki mukhuhshihbah.

JEREMIA 17:8

Api a keyean khimkhi sangdung nangde ayingbo keyung ching chinde yüchoh. Alamlam arüchoki mütre; ayübo kamruhroro phüyaklah. Tsüng marüchoki atrepü müla, aso asodü lang lachoh.

MATHI 3:10

Awü ju sangdungbo ying kheak dünkihbah lah, tüsho aso masokhi sangdung aban kiushakbah tüsho mo ching jipyukbah.

MATHI 6:30

Khihni ha ching labah, shido mo ching jipyukbe mütüm sangrung Thrünpuhnü junangde phuyujihchosho, apinü nüsa alü thsüde müphuyujihba de, O nüsa akin anikhüh larübo?

MARK 4:28

Alonü aküdah thsüde hi akhiukshihbah asochoh–akhuhde adung, jushu amüchekhi, tüsho aye akhiukchoh.

1 KORINT 15:38

Tüshe Thrünpuhnü ju kilim apinü alümkhi nangde pang, tüsho müjih mungji aban kilim nihbuh pang jihchoh.

IBRI 6:7

Alo küpünü tsüng alochode akeamkhi yungabahcho, tüsho thulu thsürü kilim yihnübe wokephüyak akhiukshihchonü, Thrünpuh kilimnü müngüh mühi leangkhichoh.

JAKOB 3:12

I keoniorübo, khubasodungnü olivbo, yungsho kurungasoliunü khubaso asopü kukla de? Yungsho hukenü ke tsütsü akhiukshihpü mukuk.