THRÜNTAN 1:1 - AMÜSÜH HÜM CL Bible (BSI)

¹ Atankih ching Thrünpuhnü thüningbo tüsho alomi thrün.

THRÜNTAN 1:1 Iomraidhean Croise

2 KIULONG THSÜRÜ 19:15

Tüsho Hezekianü A TUN GPU H miki tamkhüntamnü, tüsho tha: “O Atungpuh Israel Thrünpuh, shepü cherubim kumung binla, lomi kiulongthsübo alala kurungkheak nü lang Thrünpuh; nünü thüning tüsho alomi thrün.

1 KIUTHSÜYUKHEAN 16:26

Tümümüde mihtsürü alala thrünpuhbo ju sangthsübo, tüshe Atungpuhnü thüningbo thrün.

2 KIUTHSÜYUKHEAN 2:11

Judüki Tair kiulongthsüpuh Hiramnü kihüm chingnü Solomon kilim alode mühah, “Tümütüsho Atungpuhnü api mihtsürü muzhokhinü apinü nü arü kurungkheak kiulongthsürü kamshih.”

NEHEMIA 9:6

Israelrünü hade tamkhüntamnü: Nü, Atungpuh , nü lang Atungpuh ah; nünü thüning, achangbe thüningbo tüsho chiningbo thrün. Nünü alo, keto tüsho ju ching mungjithürü bebah thrün; nünü alala kilim rhangdung jih. Thüningrü botonü khukningbah nü kingaün.

JOB HU H T ANYU 26:13

Api sheaknü thüning müsühde kam; api khahnü chinde atsokhi phuruto chinkhitchoh.

JOB HU H T ANYU 38:4

Inü alomi khimtanchoki nü küching lakhea? Nü anikhitkhi lasho I ki thaang.

JOB HU H T ANYU 9:8

apinü lang thüningbo thoshangchoh, tüsho keto shiwüh düthsün kheak jungchoh;

MUNGSHIKHÜN 102:25

Atankih ching nünü alomi khimtanbo thsü, tüsho thüningbo nü khah rhimo ah.

MUNGSHIKHÜN 104:24

O Atungpuh , nü rhimobo küdükhüh she la! Lümlung ching nünü arü alala thrün. Alomi ju nü lorilokobonü milah.

MUNGSHIKHÜN 104:30

Küyimki nünü nü me thiyibanü arü thrüna lachoh; tüsho nünü alomi aso kamloshihchoh.

MUNGSHIKHÜN 115:15

Yinmi tüsho alomi thrünrü, Atungpuhnü nüsa müngühshang.

MUNGSHIKHÜN 121:2

I arung ju thüning tüsho alomi thrünrü Atungpuh kilimnü arüchoh.

MUNGSHIKHÜN 124:8

Isa arung ju thüning tüsho alomi thrünrü Atungpuh mung ching lah.

MUNGSHIKHÜN 134:3

Thüning tüsho alomi thrünrü Atungpuhnü Zion chingnü nü müngühjihchoh!

MUNGSHIKHÜN 136:5

lümlung hode thüningbo thsübuh kilim, tümüde api amüthsüm lünnü rünkhiungde lah;

MUNGSHIKHÜN 146:6

shepünü thüning tüsho alomi, keto tüsho ju ching lakhi alala thrün; shepünü lünnü thiyuro zocho,

MUNGSHIKHÜN 33:6

Atungpuh yu hode thüningbo, tüsho api mün sheak hode ani, khinu tüsho chiningbo thrün.

MUNGSHIKHÜN 33:9

Tümüde apinü asuk, tüsho ju rhimo; apinü thiyukhüm jih, tüsho ju düküngde zhip.

MUNGSHIKHÜN 8:3

Küyimki inü nünü athsükhi thüning kheahba, nünü arü dangpung lashihkhi khinu tüsho chiningbo–

MUNGSHIKHÜN 8:4

nünü alümjihpü thsüde, tüsho api kümpü thsüde mihtsürü tsührü ju tümü a?

MUNGSHIKHÜN 90:2

Müzüngbo müthrünkhityide, yungsho nünü alomi tüsho alomiküp mükamshihyide, akheam mülanü akheam müla khiungde, nü Thrünpuh ah.

MUNGSHIKHÜN 96:5

Tümüde mihtsürü thrünpuhbo alala sangthsübo ah, tüshe Atungpuhnü thüningbo thrün.

ABEKHIT 20:11

Tümütüsho Atungpuhnü nimung thuruk chingnü thüningbo tüsho alomi, keto tüsho ju ching lakhi alala thrün, tüsho thüne nipü sühakhim. Jumonü Atungpuhnü amunimung müngühjih tüsho müsühkhit.

ABEKHIT 31:18

Tüsho küyimki apinü Sinai Müzüng kheak Mosa ki asukachihkhamkhea, apinü anihbuh kilim Thrünpuhnü thiyukhüm thrütkihkhi lungbeak mahne jih.

MÜCHITMUDU 16:4

Atungpuhnü lüpdükhi api thsungkheak thsü, am, thsümütsü nimung thsungkheak mihbukmuyuk she ah.

MÜCHITMUDU 3:19

Lümlung hode Atungpuhnü alomi khimtan thsü; api anikhitkhi hode apinü thüningbo adangpung ching zo;

T H S AN GYU T H S AN GR ARÜ 12:1

Nü athunu nimungbo ching nü Thrünrü lümkhitang, küpkhuk nimungbo marüyide, tüsho nünü hade athapü kambo müthüninyide, “ Inü jurü ching shih asühpü müla”;

ISAIA 37:16

“ O Wuto Atungpuh , Israel Thrünpuh, shepü cherubim kumung binla, nü lang alomi kiulongthsü alala Thrünpuh; nünü yinmi tüsho alomi thrün.

ISAIA 40:21

Nünü mümükheahkhea de? Nünü muso de? Ha atankih chingnü nü ki mütha de? Nünü alomi khimtanchokinü manikhitkhea de?

ISAIA 40:26

Nü mükjibo achang kheak züngkihang tüsho kheahang: Shenü harü thrünkhea? Shepünü chining boto akhiukshih tüsho arübo khecho, arü alala mungnü jichoh; tümütüsho api sühmüh ching tolah, wu ching tolah, khülang she mükhemüdüm.

ISAIA 40:28

Nünü mümükheah de? Nünü muso de? Atungpuh ju akheam mülakhi Thrünpuh, alomi akheambo Thrünrü. Api sühmükeakea yungsho mükeak; api anikhitkhi mümüyimkhukbe lah.

ISAIA 42:5

Atungpuh , Thrünpuhnü ha thachoh, shenü thüningbo thrünkhea tüsho atoshihkhea, shenü alomi tüsho ju ching lakhi jashihkhea, shenü ju kheak mihtsürübo kilim sheak tüsho ju ching tsahrü kilim me jihcho:

ISAIA 44:24

Atungpuhnü rhokhitrünü ha thachoh, Shepünü nuyam chingnü kamshihkhea: I Atungpuh , shepünü alala thrünkhea, shepünü lang thüningbo züngshangkhea, shepünü I küdahnü alomi jashih;

ISAIA 45:18

Tümüde Atungpuhnü ha thachoh, shepünü thüningbo thrünkhea, api Thrünpuh ah; shepünü alomi kamshihkhea tüsho athsükhea, apinü thrünkihdo; apinü akeangkeang zopü müthrün, apinü alashihpü kamshih: I Atungpuh tüsho püpürü müla.

ISAIA 51:13

Nünü nü Thrünrü, thüningbo jashihkhi tüsho alomi khimtanbuh Atungpuh mihdo. Nü mutuklode nimungroro ajunorü bukakhiukkhi hode trechoh, shepü athsümünimpü mükhüma la. Tüshe ajunorü bukakhiukkhi kükheak la?

ISAIA 51:16

Inü nü mün ching I yubo yukjihdo, tüsho I khah me khüp nü jikshihdo, thüningbo jashihde tüsho alomi khimtande, tüsho Zion ki tha, “ Nü I mihtsürü ah.”

ISAIA 65:17

Tümüde inü yinmibo aso tüsho alomi aso thrünpü thsüchoh; akhuhlim dünjikhibo mülümkhit yungsho lüm ching marü.

JEREMIA 10:12

Api wu-sühmüh hode alomi thrünkhi ju api ah, shepünü api lümlung hode alomi thrünkhit, tüsho api anikhitkhi hode thüningbo thoshang.

JEREMIA 32:17

Ah, Atungpuh T H RÜ NPU H ! Nünü nü wu ato tüsho nü khah chungkhitkhinü thüningbo tüsho alomi thrün! Nü thsungkheak tümü she achak müla.

JEREMIA 51:15

Api wunü alomi thrün, api lümlungnü alomi lashih, tüsho api anikhitkhinü thüningbo thoshang.

ZEKARIA 12:1

Müchityu khülang. Israel dünkheak Atungpuh yu: Atungpuhnü ha thachoh, shepünü thüningbo thoshang tüsho alomi khimtan tüsho ju ching mihtsürü kheak me lashih:

MATHI 11:25

Ju kim ching Jisunü tha, “Inü nü shichoh, Abuh, thüning tüsho alomi Tungpuh, tümütüsho nünü harü lümlung larü tüsho anikhitrü kheaknü müyima zo, tüsho azürü aninibo ki akhiuka huh.

MARK 13:19

Tümüde jurü nimungbo ching Thrünpuhnü athrünkhi atankih chingnü ha kim khiungde, yungsho küyimkishe mülabe thsümütsü labah.

YUNIRÜBO RHIMO 14:15

“Mihtsürübo, tümüde nüsanü ha rhimocho? Isa she nüsa ruk mihtsürü ah, tüsho nüsanü harü akeangkeang chingnü rholobah thüning le alomi tüsho boto le ju ching lakhi alala thrünrü arhang Thrünpuh kilim yüshihpü thiyusheak atsü hande arükheah.

YUNIRÜBO RHIMO 17:24

Alomiküp tüsho ju ching lüpdükhi Thrünpuh ju alomi tüsho yinmi Atungpuh ah tüsho khahnü athsükhi arüngyam ching mülachoh.

YUNIRÜBO RHIMO 4:24

Küyimki arünü ju sokhea, arünü rukhüh thsübah Thrünpuh ki zhi: “Atungpuh, nü a thüning le alomi, keto, tüsho ju ching alala thrünkhi Thrünpuh ah.

ROMRÜ KILIM PAULNÜ ATHRÜTKHI KIHÜM HUHTANYU 11:36

Tümüde lüpdükhi api kilimnü, api hode tüsho api kilim lah. Lünnü api müretahshang. Amen.

1 KORINT 8:6

isa thsungkheak a isa api thsungkheak lakhi Thrünpuh khülang, Abuh lah; tüsho api hode lüpdükhi arükhi tüsho api hode isa lakhi, Atungpuh khülang, Jisu Khrista lah.

EFISIA 3:9

tüsho lüpdükhi thrünrü Thrünpuh kheak lünbo ching rama lakhi aramyu lümkhi mihtsürü alalanü angüshihpü lakheah;

IBRI 1:10

Apinü tha, “Nü Atungpuhnü atankih ching alomi thrün, tüsho thüningbo ju nü khah rhimobo lah;

IBRI 1:2

tüshe harü akheam nimungbo ching a api hode alomi thrünbah alala yamrüplurüp lubuh kamshihkhi atsührü hode isa ki asuk.

IBRI 11:3

Thrünpuh yu hode alomiküp thrünkheah de akin hode isanü anikhitchoh, junangde tümü ngülanü amülakhi kukruk chingnü thrünkhit.

IBRI 3:4

Tümüde thüyam aban khürünü thsü, tüshe kimkethürü thsübuh ju Thrünpuh ah.

2 PETER 3:5

Tüshe adüso Thrünpuh yu hode thüningbo lakheah tüsho ke chingnü tüsho ke hode alomi kamkheah dükhi akhekhungnü thiyuro mihchoh.

1 JOHAN 1:1

Atankih chingnü alakhi, isanü asokhi, isa müknü angükhi, isanü kheahbah isa khahbonü aqiukhi rhangdung yu dünkheak–

AMIKHEAKAKHIUKKHI 10:6

tüsho lünnü lün labuh, thüning tüsho ju ching lakhi, alomi tüsho ju ching lakhi, keto tüsho ju ching lakhi thrünrü tamde mashupü thiyuchihchim thsü,

AMIKHEAKAKHIUKKHI 14:7

tüsho apinü düsheak achangnü tha, “Thrünpuh treang tüsho api müretahang, tümüde api mahkhappü kim arüdo; tüsho shepünü thüning, alomi, keto tüsho kenübo thrünkheanü api kingaünang.”

AMIKHEAKAKHIUKKHI 21:6

Tüsho apinü I ki tha, “Ha rhimodo! I Alpha tüsho Omega, Atankih tüsho Akheam. Kethürirü kilim amo mulude rhangdung kekhip chingnü inü ayungpü jihbah.

AMIKHEAKAKHIUKKHI 22:13

I Alpha tüsho Omega, akhuhbuh tüsho ashubuh, atankih tüsho akheam.”

AMIKHEAKAKHIUKKHI 3:14

“Tüsho Laodikea ching borü yunirü ki thrütang: ‘Amen de athakhi, athülünkhi, thiyuro thiyumütsan, Thrünpuhnü athrünkhi atankih yubo.

AMIKHEAKAKHIUKKHI 4:11

“Isa Atungpuh tüsho Thrünpuh, müretah, wüntre tüsho wu leangkhipü nü athülün ah, tümüde nünü alala thrün, tüsho nü lümkhinü arü thrün tüsho rhangdung lah.”