RUTH 4:4 - AMÜSÜH HÜM CL Bible (BSI)

⁴ jumonü inü nü ki hanangde thaanü de lümlah: Ha ching bina larübo tüsho I mihtsürü azothsürübo mikinü thuloang. Nünü hoju rhokhitnesho rhokhitang. Tüsho nünü hoju mürhokhitnesho inü amükheahpü thsüde I ki thaang. Tümütüsho nü hobah hoju rhokhitpü she müla tüsho nü dunglim lang I ah.” Tüsho apinü tha, “Inü ju rhokhitbah.”

RUTH 4:4 Iomraidhean Croise

THRÜNTAN 23:11

“Yung, I tungpuh, I ki aniang; inü thulu tüsho ju ching lungkhün nü kilim jihchoh, inü ju I mihtsürübo mikinü nü kilim jihchoh. Nü yo ashemi kiuyuka bahang.”

THRÜNTAN 23:18

kiuto chipiripit ki arükhi Hitrü alala mikinü Abraham kukruk thsüpü jih.

JEREMIA 32:25

Tütüshe, O Atungpuh T H RÜ NPU H , nünü I ki thado, “Shonü thulu thuloang tüsho thiyumütsanbo luang”–tütüshe kiuto ju Kaldearü khah ching jih.

ROMRÜ KILIM PAULNÜ ATHRÜTKHI KIHÜM HUHTANYU 12:17

She ki she amütsü dün amütsü düjihlo, tüshe alala miki tümü atsüanü lümang.

2 KORINT 8:21

tümüde isanü mükkheahkih lakhi ju Atungpuh miki lang yungde mihtsürü miki she wüntre lapü lah.

YUZÜNGTHALO 25:8

Judüki kiuto azothsürübonü api jibahle athabah; tüsho inü anihbe mulune de düngyingde thasho,

FILIPI 4:8

Akheam ching, keoniorübo, tümüpürü thiyuro la, tümüpürü wüntrepü la, tümüpürü alim la, tümüpürü atsangkhit la, tümüpürü akhamkhi la, tümüpürü amuzho la, tümüanü atsüdak lasho, tümüanü mungshipü thülünde lasho, judürü dünkheak lümakheahang.

RUTH 2:20

Noaminü atsühmeakbe ki tha, “Atungpuh shepünü arhang larü tüsho asherü mübahyukde muzhochonü apinü müngühshang!” Kheaküshe Noaminü anihbe ki tha, “ Ju buh isa trükrü tüsho buhtsührü ah.”

RUTH 3:12

Ha thiyuro, I betsührü khung ah, tüshe mihtsürü khülang I kheaknü alü betsührü khung lah.

RUTH 3:9

“Nü shea?” de apinü keokhi. Alibenü alo, “I nü yamlarü Ruth ah, tümüde nü ju betsührü khung ah, jumonü muzhobahle I luang.”