RUTH 4:11 - AMÜSÜH HÜM CL Bible (BSI)

¹¹ Azothsürü tüsho chipimurung ki larübonü tha, “ Am, isa thiyumütsan thsürü ah. Rachel le Lea bünenü Jakob kilim tsührü hihde zübejihkhi nangde Atungpuhnü nü yamkhünbe müngühshang. Ephra trük ching nü alarü kamshang tüsho Bethlehem ching nü thushang.

RUTH 4:11 Iomraidhean Croise

THRÜNTAN 23:10

Mihtsürü bolung Hitrü Ephron bina lakheah tüsho anihbuh kiuto chipiripit ki arüa lakhi Hitrü alalanü sode apinü Abraham ki alo,

THRÜNTAN 24:60

Tüsho arünü Rebeka müngühjih tüsho tha: “Isa niurü, nü a chithürü thürübo abe thsüang shi; tüsho nü tsührübonü arü riri kiutobo kukkhitshang.”

THRÜNTAN 29:16

Kheakü Laban tsührübe 2 lakheah: adüjibe mung Lea, tüsho akheambe mung Rachel.

THRÜNTAN 29:25

Küyimki ayinkhikheanü, ju Lea lakheah! Tüsho apinü Laban ki tha, “Nünü I ki rhimokhi ha tümü a? Rachel dünkheak inü nü tankihkhi yung de? Dale tümüde nünü I mülapyukkhea?”

THRÜNTAN 29:32

Jumonü Lea mübünkeangde kambah tsührü khülang zübe, tüsho anihbenü api mung Reuben de ji; tümüde alibenü tha, “Atungpuhnü tsükjide I küpkhuk ngüdo. Jumonü kheakü I niubuhnü I muzhobah.”

THRÜNTAN 35:23

Lea tsührübo Reuben (Jakob tsührü adüjibuh), Simeon, Levi, Juda, Issakar, tüsho Zebulun;

THRÜNTAN 35:24

Rachel tsührübo Josep tüsho Benjamin;

1 KIULONG THSÜRÜ 21:8

Jumonü alibenü Ahab mung chingnü kihümbo thrüt tüsho anihbuh yo mütsanyümnü yüm; alibenü kihümbo ju api kiuto ching Naboth lung larü azothsürübo tüsho amükheahrübo kilim mühah.

1 KIUTHSÜYUKHEAN 2:51

Salma kheaknü Bethlehem trükkhit, tüsho Hareph kheaknü Beth-gader trükkhit.

MUNGSHIKHÜN 132:6

Kheahang, isanü ju Ephratha ching sodo; isanü ju Jearim mükeakbo ching ngüdo.

MÜCHITMUDU 14:1

Lümlung lakhi liberü abannü nihbe yam thsüchoh, tüshe makharünü anihbe khahnü ju thokheamchoh.

MÜCHITMUDU 31:23

Anihbe yamkhünbuh ju lomi azothsürü bolung chipiripit ki binchoki wüntre jihchoh.

JEREMIA 32:10

Inü münrünhüm mütsan dokihbah yihdo, thiyumütsan lu, tüsho wuhzhin kheak sho adün.

MIKA 5:2

Tüshe nü, O Bethlehem Ephratha shepü Juda gukbo ching aninibe la, nü kheaknü I thsungkheak Israel ching yakzan shuhpü arübah, shepü ying awün chingnü, jipü nimungbo chingnü la.

MATHI 2:6

‘Tüshe nü, Juda lomi ching lakhi Bethlehem, Juda yakzanshuhrü bolung aninibe yung; tümüde nü kheaknü I mihtsürü Israel neakpü yakzanshuhrü khülang arübah.’ ”

YUZÜNGTHALO 25:7

Tüshe apinü akeonio niube ju mulunesho, anihbe chipimurung ching azothsürübo ki wutubahle thashang, ‘I niubuh keoniorünü akeonio mung Israel ching zolopü reanglochoh; apinü I niubuhnü arhimobebo I ki mürhimo.’

YUZÜNGTHALO 25:9

akeonio niubenü azothsürü mikinü api ki arübah ajing chingnü api jingkhümpü yihkhitbah, amiro kheak mukhiukkihbah, tüsho athabah, ‘Shepünü nihbuh keoniorü yamkhün mushuhkihbanü ju mihtsürü kheak hade arhimobah.’

RUTH 1:2

Ju buh mung Elimelek, aniube mung Naomi, tüsho atsührüne mung Mahlon tüsho Kilion; arübo ju Juda ching lakhi Bethlehem chingnü Ephrarü lakheah. Arübo Moab lomi ching yü tüsho ju ching la.