RUTH 2:3 - AMÜSÜH HÜM CL Bible (BSI)

³ Jumonü Ruthnü thulu ching yü tüsho yamlarü dunglim hi-müdre mode tsah. Tüshe thulu ju Elimelek buhtsührü Boaz lu lakheah.

RUTH 2:3 Iomraidhean Croise

2 SAMUEL 1:6

Athrününgtsüngbuhnü api ki thiyusheak jihde tha, “I Gilboa wung kheak lakheah; tüsho küyimki lolungbe le khoraberü api thüninkheanü Saulnü athsüh kheak keamkih.

2 SAMUEL 20:1

Kheakü yakli mütsükhi Benjaminrü Bikri tsührü amung Sheba lakheah. Apinü hulipungpung khung tüsho zhi, “Isa David lung shihcham müla, Jesse tsührü lung shihcham müla! Mihbüm aban nihbuh khimyam lim yüang, O Israel!”

2 KIULONG THSÜRÜ 8:5

Apinü küruk Elishanü ashekhi mihtsürü arhang kamloshihkheanü ju kiulongthsüpuh ki thachoki, apinü ashekhi chingnü arhang kamloshihkhi tsührü abenü kiulongthsüpuh ki anihbe yamkhün tüsho lomi thsungkheak mushu. Gehazinü tha, “I tungpuh kiulongthsüpuh, ha ching azoberü khülang lah, tüsho anihbe tsührü Elishanü arhang kamloshihkhi ha kheak lah.”

MATHI 10:29

Shonak 1 mo khüjak mahne müyincho de? Tüshe arü khülang she nüsa Abuhnü mümükheahde alo ching mayokhichoh.

LUKNÜ ATHRÜTKHI THIYUSHEAK-ATSÜ HUHTANYU 10:31

Kheakü kükidonanü amükeamrü khülang ju limro ching aki. Tüsho küyimki apinü anihbuh ngükheanü püpü thripnü hoabah.

2 TESALONIKA 3:12

Kheakü hadürü mihtsürü ki malande arü rhimo rhimopü tüsho arü rhangdung lapü mulomüthsüpü Atungpuh Jisu Khrista mung chingnü isanü thiyukhüm jihde tuthsukchoh.

RUTH 2:2

Moabberü Ruthnü Noami ki tha, “Yimlurünü abahkhi himüdre mopü thsüde I thulu ching yüanü. Mihtsürü khürünü a I ki amuzho huhpü labah de lümlah.” Noaminü alo, “I tsah-a, Yüang,”

RUTH 2:4

Adükeak anükhüh dunglim Boaz ju Bethlehem chingnü arübah yimlurübo ki makshe jihde tha, “Atungpuh nüsa lung lashang!” Arübonü api ki alo, “Atungpuhnü nü müngühshang!”