RUTH 2:20 - AMÜSÜH HÜM CL Bible (BSI)

²⁰ Noaminü atsühmeakbe ki tha, “Atungpuh shepünü arhang larü tüsho asherü mübahyukde muzhochonü apinü müngühshang!” Kheaküshe Noaminü anihbe ki tha, “ Ju buh isa trükrü tüsho buhtsührü ah.”

RUTH 2:20 Iomraidhean Croise

2 SAMUEL 2:5

Davidnü yunithsürübo thiyia Jabesh-gilead mihtsürü kilim yüshih, tüsho tha, “Atungpuhnü nüsa müngühjang, tümütüsho nüsanü ha thiyuro amuzho nüsa tungpuh Saul ki huh, tüsho api kiuyuka bahdo!

2 SAMUEL 9:1

Davidnü keokhi, “Jonathan thsülimnü inü mihmuzho huhpü thsüde Saul yamkhün khürü aninga la shi?”

JOB HU H T ANYU 19:25

Tümüde I Rhokhitrü rhangdung lah de inü mükheahlah tüsho akheam ching api alomi kheak zhipbah;

MÜCHITMUDU 17:17

Müyamrü khülangnü kim alala ching muzhochoh, tüsho keoniorü ju azhihpü thsungkheak zübea lah.

LEVI 25:25

Nü keoniorü khürü zhochihrü kambahle lakhit khürü yinsho api keoniorü khungnü arübah arhokhitbah.

FILIPI 4:10

Nüsanü akheam ching I lümrhihkhi aso kamlokhi Atungpuh lung inü tode asühchoh; nüsanü I thsungkheak lümrhihde lado, tüshe nüsa kim müngüde lado.

RUTH 2:21

Tüshe Moabberü Ruthnü tha, “ Apinü I ki ha she tha, Müyimlukhamyi khiungde I yamlarü lung hi moang.”

RUTH 3:12

Ha thiyuro, I betsührü khung ah, tüshe mihtsürü khülang I kheaknü alü betsührü khung lah.

RUTH 4:14

Aliberübonü Naomi ki tha, “Atungpuh shiang! Nü kümshihpü thsüde khihni tsührü nü kilim jihdo. Azübuh ju Israel ching thushang!

RUTH 4:4

jumonü inü nü ki hanangde thaanü de lümlah: Ha ching bina larübo tüsho I mihtsürü azothsürübo mikinü thuloang. Nünü hoju rhokhitnesho rhokhitang. Tüsho nünü hoju mürhokhitnesho inü amükheahpü thsüde I ki thaang. Tümütüsho nü hobah hoju rhokhitpü she müla tüsho nü dunglim lang I ah.” Tüsho apinü tha, “Inü ju rhokhitbah.”

RUTH 4:6

Apinü tha, “I yamrüplurüp dükheakbah mütsüle inü ha mürhokhit; inü arhokhitbe yak ah tütüshe nünü luang, tümüde inü mürhokhitkhuk.”