RUTH 2:12 - AMÜSÜH HÜM CL Bible (BSI)

¹² Atungpuh Israel Thrünpuh shepü ghidükeang bukkhüp nü tsoyukpü arükheanü, apinü nü rhimo tüsho nü mihkhah mode thsambah jihshang!”

RUTH 2:12 Iomraidhean Croise

MUNGSHIKHÜN 17:8

Nü mükjibo nangde I kümdoang; nü ghidükeang alamme khüp I jikshang,

MUNGSHIKHÜN 19:11

Jurünü I nü yamlarü kilim mükheahmudu jihchoh; jurübo mihyuanikhi ching I thsambah ato lah.

MUNGSHIKHÜN 36:7

O Thrünpuh, nü muzhodakkhi küdükhüh shoto a! Mihtsürü tsührübonü nü ghidükeangbo me khüp tsoyukchoh.

MUNGSHIKHÜN 57:1

I ki müthsümang, O Thrünpuh, I ki müthsümang! tümüde I menü nü kheak kinchoh; tüsho harü thsümütsü muhoyikia nü ghidükeang alamme küp I tsoyukbah.

MUNGSHIKHÜN 58:11

Mihtsürübonü athabah, “Tsükjide thiyuro-lungkirü thsungkheak thsambah khülang lah; tsükjide alomi ching mahkhaprü Thrünpuh khülang lah.”

MUNGSHIKHÜN 61:4

Nü khimyam ching lünnü I labah; nü ghidükeang khüp inü akinbah.

MUNGSHIKHÜN 63:7

Tümütüsho nü I rungrü lakheah, jumonü nü ghidükeang alamme khüp inü asühachihbah.

MUNGSHIKHÜN 91:4

Apinü nü api moghidungbonü alüpdobah, tüsho api ghidükeangbo khüp nü tsoyukbah; api yo thiyuro ju nü tsung tüsho tsungnini thsübah.

MÜCHITMUDU 11:18

Mihbukmuyuk mihtsürünü mülapmüji rhimo thsüchoh, tüshe shepünü thiyuro-lungki hiuchonü atsütsü thsambah ngüchoh.

MÜCHITMUDU 23:18

Tsükjide nü thsungkheaknü mulonglamkhi arübe lah, tüsho nü mulonglam müdükheak.

JEREMIA 31:16

Atungpuhnü ha thachoh: Nü atripkhi düsheak chingnü tüsho mük ching chike bukkhi chingnü tukloang; tümüde nü rhimo dünkheak thsambah khülang lah, Atungpuhnü thachoh: arü riri lomi chingnü arü alodarübah;

MATHI 23:37

“O Jirusalem, Jirusalem, shepünü wukihrübo laksah tüsho anihbe kilim yüshihrü lungnü rusahkhea! Thunu dretonü ajipjipbo aghidükeang khüp bemukhungkhi nangde, küdükhüh ki lang inü nü tsührübo bemukhungpü künkhea, tüshe nünü mümulong!

MATHI 5:12

Asühachihang tüsho asühang, tümütüsho yinmi ching nüsa thsambah ato lah, tümüde nüsa müngüh larü wukihrübo arünü hanangde thsümüchikheah.

MATHI 6:1

“Mihtsürübonü angüshihpü arü miki nüsanü thiyuro-lungki mürhimopü kümkangang. Nüsanü rhimosho, yinmi ching nüsa Abuh kilimnü nüsa thsambah müngü.

LUKNÜ ATHRÜTKHI THIYUSHEAK-ATSÜ HUHTANYU 6:35

Tüshe nü riribo muzhoang, atsü rhimoang, tüsho angülopü mükkin dülade nipjang; tüsho nü thsambah ato labah, tüsho nüsa ju Khide Achang tsührübo thsübah; tümüde apinü makshe-müjihrü tüsho mihbukmuyuk ki muzholah.

KOLOSI 2:18

Michihbo, arükchih azhihayih tüsho yunirübo kingaünkhi hode ato khea lurünü nüsa dübahyukshih. Tümü amütsan mülade, hadürü mihtsürü nihbuh lümkhinü sheak dükipchoh

2 TIMOTHI 1:18

Ju nimung Atungpuh kilimnü mihmüthsüm apinü angüpü Atungpuhnü mülüshang! Efisia ching apinü I rungde arhimokhi alala nünü mükheahlah.

2 TIMOTHI 4:8

Kheakü Atungpuh, thiyuro-lungki mahkhapbuhnü ju nimung I kilim thsambah jihpü zowupung ching thiyuro-lungki kuthranbo zojihlah–I kilim lang yung tüshe api arüpü lakhi muzhode aleangrü alala kilim she ah.

IBRI 11:26

Apinü Ijip rahpungbo kheaknü alü thsüde Khrista dünkheaknü mungchih ngüpü muzho, tümütüsho apinü nihbuh thsambah mikhuh kheahde alakheah.

IBRI 11:6

Tüsho akin mübedüa Thrünpuh asühshihpü mukuk. Tümütüsho shepünü Thrünpuh thüninde yüchonü api lah tüsho api yimrü thsambahbo jihchoh de akin labeah.

IBRI 6:10

Thrünpuh ju mulungkirü yung; apinü nü rhimo, api mihtsürü rungkhi tüsho mutukzhakde arü rungkhinü api ki amuzho huhkhi mihamübah.

RUTH 1:16

Tüshe Ruthnü alo, “Nü bahbah atsopü I ki dümushu! I nü lung yüanü. Nü küching yübanü I she ayübah, nü küching labanü I she alabah; nü mihtsürü ju I mihtsürü thsübah, tüsho nü Thrünpuh ju I Thrünpuh thsübah.

RUTH 2:11

Boaznü alo, “Nü yamkhünbuh sheshu nünü nü ni thsungkheak tümü rhimokheanü alala inü sodo. Tüsho nü be nü buh tüsho nü zübe lomi bahjihbah küruk nünü püpüki mümükheahkhi mihtsürü bolung lapü arükheanü inü mükheahlah.

RUTH 2:13

Ruthnü alo, “I tungpuh, nünü I kheak khide amüthsüm huhchoh, tümüde I nü yamlaberü ruk yunga lalashe mulong sühakhimde asuk.”

RUTH 4:15

Apinü nü rhangdung reangzahloshihbah tüsho ashinshu nü mütrübah. Tümüde nü tsühmeakbe shepü nünü muzhocho tüsho shepü tsührü athrürü thüne kheaknü atsübeanü, anihbenü api zübejih.”

1 SAMUEL 24:19

Tümüde shepünü nihbuh riri ngübah khümkhita tsoshihdü le? Jumonü khihni nünü I ki atsü rhimokhi dünkheak Atungpuhnü nü kilim thsambah jihshang.

1 SAMUEL 24:20

Kheakü tsükjide nü kiulongthsürü thsübah de inü mükheahlah, tüsho Israel kiulongthsü nü khah ching labah.