RUTH 2:11 - AMÜSÜH HÜM CL Bible (BSI)

¹¹ Boaznü alo, “Nü yamkhünbuh sheshu nünü nü ni thsungkheak tümü rhimokheanü alala inü sodo. Tüsho nü be nü buh tüsho nü zübe lomi bahjihbah küruk nünü püpüki mümükheahkhi mihtsürü bolung lapü arükheanü inü mükheahlah.

RUTH 2:11 Iomraidhean Croise

2 SAMUEL 21:11

Küyimki Saul hanniube Aia tsührü Rizpanü arhimokhi David ki thakhea,

MUNGSHIKHÜN 45:10

Aniang, O tsührübe, lümakheahang, tüsho nü nükhün muphoang; nü mihtsürü tüsho nüsa buhtsührü mihabahang;

LUKNÜ ATHRÜTKHI THIYUSHEAK-ATSÜ HUHTANYU 14:33

Ju kiphahde, shepünü nihbuh lakhi alala mübahyuknü I jingyanrü müthsükhuk.

LUKNÜ ATHRÜTKHI THIYUSHEAK-ATSÜ HUHTANYU 5:11

Tüsho küyimki arü sangkungbo alo ching bede arükhea, arünü lüpdükhi bahbah api dunglim yan.

LUKNÜ ATHRÜTKHI THIYUSHEAK-ATSÜ HUHTANYU 5:23

‘Nü neakbo bahjihdo,’ yungsho, ‘Asürang tüsho tsahang,’ de athakhi küpü amülübe laba?

RUTH 1:11

Tüshe Naominü tha, “I tsühne, nüke alode ayübeah, tümüde nükenü I lung arünela? Nüke yihlulopü thsüde I tsührü athrürü lalobah de lümcho shi?

RUTH 2:10

Ruthnü alo lim ami mükhümbah Boaz ki tha, “I khiungkeberü khülang ah dale nünü I mürühpü thsüde nü mük ki tümü kheahkhitkhea?”

RUTH 2:12

Atungpuh Israel Thrünpuh shepü ghidükeang bukkhüp nü tsoyukpü arükheanü, apinü nü rhimo tüsho nü mihkhah mode thsambah jihshang!”

RUTH 3:10

“I tsah-a, Atungpuhnü nü mügühjang,” apinü tha. “Nünü atan nü ni muzhokhi kheaknü kheakü I kheak atobe amuzho huhdo. Junangde nünü alarü yungsho zhochihrü thrürü mümüsham.

RUTH 4:15

Apinü nü rhangdung reangzahloshihbah tüsho ashinshu nü mütrübah. Tümüde nü tsühmeakbe shepü nünü muzhocho tüsho shepü tsührü athrürü thüne kheaknü atsübeanü, anihbenü api zübejih.”