RUTH 1:6 - AMÜSÜH HÜM CL Bible (BSI)

⁶ Judüki Atungpuhnü amihtsürübo kilim latsühlayung müngühjih-a lah de Naominü so; jumonü atsühmeakbe büne bebah Moab lomi chingnü rholodarüpü thsakham.

RUTH 1:6 Iomraidhean Croise

THRÜNTAN 21:1

Apinü athakhi nangde Atungpuhnü Sara rhua kheah, tüsho apinü alokhikhi nangde Atungpuhnü Sara thsungkheak rhimo.

THRÜNTAN 28:20

Judüki Jakobnü thiyuchihchim khülang thsü, “Thrünpuh I lung lasho, tüsho I yüchoki ha limro ching I aheangsho, tüsho I kilim atsühpü yikhap tüsho aphuyupü khimmih jihsho,

THRÜNTAN 48:15

Apinü Josep müngühjih, tüsho tha: “Thrünpuh shepü müngüh I buh pürü Abraham tüsho Isak tsahkhea, Thrünpuh shepünü I rhangdung amuyung khihni ha khiungde abekhea,

THRÜNTAN 50:25

Judüki Josepnü Israel tsührübo ki thiyuchihchimshihde tha, “Thrünpuhnü tsükjide nüsa rhuakheahbah, tüsho nüsanü I robo ha chingnü lude awutubah.”

MUNGSHIKHÜN 102:14

Tümüde nü yamlarübonü anihbe lungbo kheak asühchoh, tüsho anihbe asungthulung ki amuzho huhchoh.

MUNGSHIKHÜN 111:5

Apinü api trerü kilim tsühyungbe jih; apinü api tangzüng lünnü lümanude alabah.

MUNGSHIKHÜN 132:15

Inü anihbe yihnüpü lakhi suhdahde müngühjihbah; inü anihbe zhochihkhi yikhapnü reangkeamshihbah.

MUNGSHIKHÜN 145:15

Alala mükbonü nü kheak mükkin thsüde kheahchoh, tüsho nünü arü kilim akheahmünchi dükdü ching tsühyungbe jihchoh.

MUNGSHIKHÜN 146:7

shepünü junoa larü thsungkheak thiyuro rhimocho, shepünü akhümrü kilim tsühyungbe jihcho. Atungpuhnü aramrübo zuzu jihchoh.

MUNGSHIKHÜN 147:14

Apinü nüsa aredungyeanbo ching mungtsü thsüchoh, tüsho wheat hi atsüdaknü nüsa reangkeamshihchoh.

ABEKHIT 3:16

Yüang tüsho Israel azothsürübo bemukhungbah thaang, Atungpuh nüsa jipürü Abraham, Isak tüsho Jakob Thrünpuh I ki akhiukbah tha, I nüsa kilim arükheah tüsho Ijiprübonü nüsa kheak rhimokhi alala ngüdo.

ABEKHIT 4:31

Mihtsürübonü kin, tüsho küyimki arünü Atungpuhnü Israelrü rhuakheahdo tüsho arü küpkhukkhi ngüdo de asokhea, arünü mükhümbah kingaün.

MÜCHITMUDU 30:8

I kheaknü arükchih tüsho akeangyu limshude kamshang; I alarü yungsho zhochihrü she dükamshih. I nimung aban yikhap lang jihang;

ISAIA 55:10

Tümüde tsüng tüsho phürüm thüning chingnü akichoh, tüsho alo müpangyi khiungde ju ching müyükihlo, bemusushihde tüsho mukhuhshihde, müjih-hiurü kilim müjih jihde tüsho atsührü kilim yikhap jihde,

JEREMIA 29:10

Tümüde Atungpuhnü ha thachoh: Babilon ching kam nerü bankhitsho lang inü nüsa rhuakheahbah, tüsho inü nüsa ki alokhikhi dünjishihbah tüsho nüsa ha dangpung ching belodarübah.

JOEL 2:19

Api mihtsürü ki alojihde Atungpuhnü tha: Inü nüsa kilim hi, yukhu tüsho müdangke arüshihchoh, tüsho nüsa reangkeambah; tüsho kheaküa inü nüsa trükshih bolung mükhemükim mükamshih.

ZEPHANIA 2:7

Kemungyean ju Juda yamkhün aningkhi yamalo thsüde, ju kheak arünü mihnu boto yimkipbah, tüsho Ashkelon yambo ching arünü azhing ching yapbah. Tümüde Atungpuh arü Thrünpuhnü arü kümbah tüsho arü kuhibo jihlobah.

MATHI 6:11

Khihni isa kilim nimung aban tsühyungpü kü;

LUKNÜ ATHRÜTKHI THIYUSHEAK-ATSÜ HUHTANYU 1:68

“Atungpuh Israel Thrünpuh shiang, tümüde apinü rhuakheahdo tüsho api mihtsürü rhokhit,

LUKNÜ ATHRÜTKHI THIYUSHEAK-ATSÜ HUHTANYU 19:44

tüsho nü lung nü tsührübo alo kheak arih-a yapbah; tüsho nü kheak lung khülangnü khülang kheak kheangkihkhi maningshih, tümütüsho Thrünpuh nü kilim arüpü kim nünü mümükheahde lado.”

1 TIMOTHI 6:8

tüshe isa tsühyungbe tüsho khimmih lasho isa thsungkheak ju suhdahkhi labeah.

1 PETER 2:12

Khiungkerü bolung tsüde rhimoang, junangde arünü nüsa azhihde amülim rhimorü ah de thasho, api arü nimung arünü nüsa rhimobo atsü ngübah tüsho Thrünpuh müretahbah.

RUTH 1:5

tüsho Mahlon le Kilion ane chido sheabah, jumonü Naomi a niubuhrü tüsho tsührü mülade alangzü lungride la.

RUTH 1:7

Jumonü anihbenü atsühmeakne bebah arü lapung chingnü Juda lomi lim alungpü limtsahmusu.

1 SAMUEL 2:21

Tüsho Atungpuhnü Hanna müngühjih; anihbe mübünkeangde kam tüsho athrürü 3 tüsho aliberü 3 zübejih. Tüsho azübuh Samuel Atungpuh miki zode asürü.