RUTH 1:14 - AMÜSÜH HÜM CL Bible (BSI)

¹⁴ Kheaküshe anenü atrippü tankih. Junangde Orpanü ani kheak mün müthsüpde chode thabah wulunglo, tüshe, Ruth a Naomi kheak kapkih.

RUTH 1:14 Iomraidhean Croise

THRÜNTAN 31:28

Tüsho nünü I tsührübo le tsührübebo mümüthsüpshih. Nünü makhade rhimodo.

THRÜNTAN 31:55

Yapsu mükikde Laban asürü, tüsho api tsührübo le tsührübebo müthsüp tüsho arü müngühjih. Judüki Labannü chamachih tüsho api lapung lim alode yü.

2 SAMUEL 19:39

Judüki mihtsürü alala Jordan ho, tüsho kiulongthsüpuh she ho; kiulongthsüpuhnü Barzillai kheak müthsüp tüsho api müngühjih, tüsho api nihbuh yam lim alode yü.

1 KIULONG THSÜRÜ 19:20

Apinü moshipungbo zojihbah Elija dunglim alihde yü, tüsho tha, “Inü I buh le I be müthsüpde chode thaanü tüsho I nü yanbah.” Judüki Elijanü tha, “Alode yüang; tümüde inü nü ki tümü thsüa la?”

MÜCHITMUDU 17:17

Müyamrü khülangnü kim alala ching muzhochoh, tüsho keoniorü ju azhihpü thsungkheak zübea lah.

MÜCHITMUDU 18:24

Khürü müyamrü thsükhea rünmukhiung, tüshe keoniorü kheaknü alü dakkihde alakhi müyamrü khülang lah.

ISAIA 14:1

Tüshe Atungpuhnü Jakob kheak mihmüthsüm labah tüsho kheaküshe Israel mokhitbah, tüsho arü lomi ching lashihbah; khiungkerünü arü lung arihbah tüsho arünü Jakob yamkhün lung labah.

ZEKARIA 8:23

Wuto Atungpuhnü ha thachoh: Judüki nimungbo ching trükshih yutha aban chingnü mihtsürü 10nü Jihudarü 1 kheak ramlobah, api khimmih kheak zamlobah athabah, “ Isa nü lung yüanü, tümüde Thrünpuh nü lung lah de isanü sodo.”

MATHI 10:37

Shepünü I kheaknü abuh yungsho abe alü muzhochonü I jingyanrü thsüpü müthülün. Tüsho shepünü I kheaknü tsührü yungsho tsührübe alü muzhochonü I jingyanrü thsüpü müthülün.

MATHI 16:24

Judüki Jisunü api jingyanrübo ki tha, “Khürünü I dunglim arünesho api küdah thsüde danyukang tüsho nihbuh sangkim shuhbah I yanang.

MATHI 19:22

Küyimki athrününgtsüngbuhnü ha sokhea, mulong rozhakde api tsoabah; tümüde api lakhit ato lakheah.

YUNIRÜBO RHIMO 17:34

Mihtsürü khürünü api lung arih tüsho kin, arü bolung ju kiuthsü-binkiu kheyuk ching berü Dionysia la; kheaküshe aliberü amung Damari, tüsho arü lung püpürübo lakheah.

YUZÜNGTHALO 10:20

Nünü Atungpuh nü Thrünpuh wüntreang tüsho api tankihang. Api kheak düngdüngde ramrihang tüsho api mung chingnü thiyuchihchimang.

YUZÜNGTHALO 4:4

Tüshe nüsa Atungpuh kheak zhimkihbah alarü alala khihni rhangdung lah.

2 TIMOTHI 4:10

Tümüde Demanü kheakü ha lomi muzhode I bahbah Tesalonika ching yüdo; Kresen Galatia ching, tüsho Tita Palmatia ching yüdo.

IBRI 10:39

Tüshe isa a tuklode tsobah adükheakrü yung, tüshe akin lah tüsho khümkhita lah.

RUTH 1:13

nükenü arü zo khiungde aleangba de? Ju dünkheaknü mührü ki mürhangyiba shi? Yung, I tsühne, ju amukukkhi ah de nükenü mükheahlah. Nüke kheaknüa I pü khide mulong rozhakbe ah tümüde Atungpuhnü I kheak khide khühde rhimodo.”

RUTH 1:15

Jumonü Naominü tha, “Ruth, nü chi a nihbe mihtsürü tüsho thrünpuhbo kilim alode wulungdo, nü she yande wulungang.”

RUTH 1:7

Jumonü anihbenü atsühmeakne bebah arü lapung chingnü Juda lomi lim alungpü limtsahmusu.

RUTH 2:11

Boaznü alo, “Nü yamkhünbuh sheshu nünü nü ni thsungkheak tümü rhimokheanü alala inü sodo. Tüsho nü be nü buh tüsho nü zübe lomi bahjihbah küruk nünü püpüki mümükheahkhi mihtsürü bolung lapü arükheanü inü mükheahlah.