ROMRÜ KILIM PAULNÜ ATHRÜTKHI KIHÜM HUHTANYU 9:7 - AMÜSÜH HÜM CL Bible (BSI)

⁷ tüsho api tsühsoniuso thsümonü alala Abraham tsührü yung; tüshe Isak hode nüsa tsühsoniusobo mung jibah.

ROMRÜ KILIM PAULNÜ ATHRÜTKHI KIHÜM HUHTANYU 9:7 Iomraidhean Croise

THRÜNTAN 21:12

Tüshe Thrünpuhnü Abraham ki tha, “Azürü tüsho nü yo azhorü liberü dünkheaknü nü masühde düla. Saranü tümüpürü nü ki thadünü, anihbe yu aniang; tümütüsho Isak hode inü alokhikhi nü tsühsoniusobo labah.

MATHI 3:9

tüsho nüsa küdah thsüde, ‘Abraham ju isa abuh ah,’ de athapü dülüm. Tümüde Thrünpuhnü harü lungbo kheaknü Abraham kilim tsührübo akhiukshihkhuklah de inü nüsa ki thachoh.

LUKNÜ ATHRÜTKHI THIYUSHEAK-ATSÜ HUHTANYU 16:30

Tüsho apinü tha, ‘Yung, abuh Abraham; tümüde khürü ashekhi chingnü arü kilim yüsho arünü mulong müthribah.’

LUKNÜ ATHRÜTKHI THIYUSHEAK-ATSÜ HUHTANYU 3:8

Mulong müthrikhi ayede aso asoang, tüsho nüsa küdah thsüde, ‘Isa abuh Abraham lah’ de athapü dütankih; tümüde inü nüsa ki thachoh, Thrünpuhnü harü lungbo chingnü Abraham tsührübo asürüshihpü kuklah.

JOHAN 8:33

Arünü api ki alo, “Isa Abraham tsühsoniusobo ah, tüsho she bukkhüp laamükheah. ‘Nüsa zuzu kamshihbah,’ de nünü küde thacho?”

GALATIA 4:23

Azhorü tsührü ju püpüki ruk lang zübe, tüshe zuzu liberü tsührü ju a alokhikhi hode alakheah.

GALATIA 4:28

Kheakü keoniorübo, Isak nangde nüsa ju alokhikhi tsührübo ah.

FILIPI 3:3

Tümüde isa ju me ching Thrünpuh kingaünrü, Jisu Khrista ching müretahrü, tüsho shih ching mulongram mülakhi thiyuro tsütabahkhi lah.

IBRI 11:18

shepü dünkheak ha tha, “Isak hode nü tsühsoniuso mung jibah.”