ROMRÜ KILIM PAULNÜ ATHRÜTKHI KIHÜM HUHTANYU 9:5 - AMÜSÜH HÜM CL Bible (BSI)

⁵ arü ju Ibri jipürübo kheaknü atrükkhitkhi; tüsho mihtsürü ayannü Khrista ju arü mihtsürü. Alala kurungkheak yakzanshuhrü Thrünpuh lünnü shishang! Amen.

ROMRÜ KILIM PAULNÜ ATHRÜTKHI KIHÜM HUHTANYU 9:5 Iomraidhean Croise

THRÜNTAN 12:3

Shepünü nü müngühjihchonü inü müngühjihbah, tüsho shepünü nü athruchonü inü muthrumüneanbah; tüsho nü lung alomi yamkhün alala müngühjihbah.”

THRÜNTAN 49:10

Judanü kiulongthsü tso zhimbah, tüsho api tsühsoniusobonü kamruhroro yakzan shuhbah. Trükshihbonü api kilim ruk hande arübah tüsho api miki wüntre jihde khukningbah.

1 KIULONG THSÜRÜ 1:36

Jehoiada tsührü Benaianü kiulongthsüpuh ki tha, “Ju ruk thsang! I tungpuh kiulongthsüpuh Thrünpuh, Atungpuhnü ju ruk hahmülang jihshang.

1 KIUTHSÜYUKHEAN 16:36

Akheam mülakhi chingnü akheam mülakhi khiungde, Israel Thrünpuh, Atungpuh shiang.” Judüki mihtsürü alalanü tha, “Amen!” tüsho Atungpuh shijih.

MUNGSHIKHÜN 103:19

Atungpuhnü api kiulongthsü-binkiu yinmi ching thsüa zolah, tüsho api kiulongthsünü alala kurungkheak yakzan shuhchoh.

MUNGSHIKHÜN 106:48

Atungpuh Israel Thrünpuh akheam mülakhi chingnü akheam müla khiungde shiang, Mihtsürü alalanü thashang, “Amen!” Atungpuh shiang.

MUNGSHIKHÜN 41:13

Israel Thrünpuh Atungpuh shiang! kheakü tüsho lünnü api shiang! Amen! Amen!

MUNGSHIKHÜN 45:6

O Thrünpuh, nü kiulongthsü-binkiu lünnü lün lah; thiyuro-lungki tso ju nü kiulongthsü tso lah.

MUNGSHIKHÜN 72:19

Api müretahkhi mung lünnü shiang, tüsho alomi athrünkhi api müretahnü mishang. Amen tüsho Amen.

MUNGSHIKHÜN 89:52

Lünnü Atungpuh shiang! Amen! Amen!

ISAIA 11:1

Jesse sangme kheaknü adübit khülang chinbah tüsho api yingbo kheaknü akhah khülang akhiukbah.

ISAIA 7:14

Jumonü Atungpuhnü nü kilim amütsan khülang jihbah. Kheahang, anünürü khülang mübünkeangde akambah tüsho tsührü khülang zübebah, tüsho api mung Immanuel de ajibah.

JEREMIA 28:6

tüsho wukihbuh Jeremianü tha, “Amen! Atungpuhnü jude thsüshang; Atungpuhnü nünü müchitkhi yubo dünjishang shi, tüsho Atungpuh yam ching yo phühlungbo tüsho ramtsorü alala Babilon chingnü ha dangpung belode arüshang shi.

MIKA 5:2

Tüshe nü, O Bethlehem Ephratha shepü Juda gukbo ching aninibe la, nü kheaknü I thsungkheak Israel ching yakzan shuhpü arübah, shepü ying awün chingnü, jipü nimungbo chingnü la.

MATHI 28:20

inü nüsa ki thiyukhüm jihkhi alala anipü arü ki thsangyuang; tüsho kheahang, I nüsa lung kamruhroro, lün akheam khiungde alabah.”

MATHI 6:13

tüsho rükaki ching isa dübeshih, tüshe amütsübe chingnü isa bekhitang. Tümütüsho nü kiulongthsü, wu tüsho müretah lünnü lah. Amen.

LUKNÜ ATHRÜTKHI THIYUSHEAK-ATSÜ HUHTANYU 20:44

Jumonü Davidnü api ki ‘Atungpuh’ de ji; dale küde thsah api ju atsührü thsüpü?”

JOHAN 10:30

I tüsho I Buh khülang ah.”

YUNIRÜBO RHIMO 20:28

Nüsa le Amüsüh Menü nüsa aheangrü kamshihkhi namfimihnu boto tüsho api tsührü thiyih hode nihbuh yo kamkhi Thrünpuh borü kümpü kurhangang.

YUNIRÜBO RHIMO 3:13

Abraham Thrünpuh, Isak Thrünpuh, tüsho Jakob Thrünpuh, isa jipürü Thrünpuhnü, apinü adükhepü pungkhia lachoki nüsanü Pilat miki jihabahde abahyukbuh api yamlarü Jisu müretahshihdo.

ROMRÜ KILIM PAULNÜ ATHRÜTKHI KIHÜM HUHTANYU 1:25

tümütüsho arünü Thrünpuh dünkheak thiyuro ju akeangyu dün müthriachih tüsho lünnü müngühmühikhi Athrünrü müthri loriloko kingaün tüsho tankih! Amen.

ROMRÜ KILIM PAULNÜ ATHRÜTKHI KIHÜM HUHTANYU 1:3

mihtsürü ayannü David müjih chingnü azübekhi, api tsührü isa Atungpuh Jisu Khrista dünkheak,

ROMRÜ KILIM PAULNÜ ATHRÜTKHI KIHÜM HUHTANYU 10:12

Tümüde Jihudarübo le Greekrü dükeak achamnak müla; ju Atungpuh alala Tungpuh tüsho api mung jirü alala kilim api lakhitbo jihchoh.

ROMRÜ KILIM PAULNÜ ATHRÜTKHI KIHÜM HUHTANYU 11:28

Tümütüsho arünü thiyusheak atsü bahyukkhinü nüsa khiungkerü dünlimnü Jihudarü ju Thrünpuh riribo. Tüshe Thrünpuhnü amokhitkhi, arü jipürübo dünlimnü api müyamrübo ah.

1 KORINT 14:16

Nünü menü Thrünpuh ki mungshi jihsho, manikhitrü bolung larünü nünü athakhi yu mümükheahle küde thsah nünü makshe jihkhi ching “Amen” de athaba?

2 KORINT 11:31

Lünnü ashijihpü lakhi Atungpuh Jisu Abuh tüsho Thrünpuhnü inü akeangyu müthachoh de mükheahlah.

YUZÜNGTHALO 10:15

Tüshe khihni lakhi nangde Atungpuhnü nüsa jipürü kheak mulong keamde muzho tüsho apinü arü tsührü-tsührübo, nüsabo trükshih alala kurungkheak mokhit.

1 TIMOTHI 3:16

Isanü alokhikhi isa kingaün aramyu ato lah: Api shih ching akhiuk, me ching alim mütsanjih, yunirübonü ngü, trükshih bolung thsangyuthsangra, alomi alala chingnü kin, müretahkhi ching bekih-a lu.

1 TIMOTHI 6:15

tüsho ha kim dükdü ching, müngühmühi tüsho wuto ju lang, kiulongthsürübo kheaknü Kiulongthsürü tüsho atungrübo kheaknü Atungrü,

2 TIMOTHI 2:8

David kheaknü atrükkhitkhi, ashe chingnü arhang kamlokhi Jisu Khrista lümkhitang. Ha I yo thiyusheakatsü,

IBRI 7:24

tüshe api a lünnü alakhinü api amükeam rhimo lün thsungkheak lah.

1 JOHAN 5:20

Thrünpuh tsührü arüdo tüsho thiyuro lakhi api mükheahpü isa kilim anikhitkhi jihdo de isanü mükheahlah; tüsho thiyuro lakhi, api tsührü Jisu Khrista kheak isa lah. Ha thiyuro Thrünpuh tüsho lün rhangdung.

AMIKHEAKAKHIUKKHI 1:18

tüsho arhang labuh ah; I ashekheah, tüsho kheahang, lün thsungkheak lah, tüsho Ashe tüsho athsümüchi mükhipbebo inü zhimlah.

AMIKHEAKAKHIUKKHI 22:16

“I Jisunü borübo thsungkheak ha thiyumütsan lubah I yunirü nüsa kilim thiyido. I ju David ying tüsho tsühsoniuso, yapsu chiningthülü ah.”

AMIKHEAKAKHIUKKHI 22:20

Shepünü harü thiyumütsan thsüchonü thachoh, “Tsükjide I nahde arüchoh.” Amen. Arang Atungpuh Jisu!

AMIKHEAKAKHIUKKHI 5:14

Tüsho arhang shiwühbo phüyinü tha, “Amen!” Tüsho azothsürübonü khukningbah kingaün.