ROMRÜ KILIM PAULNÜ ATHRÜTKHI KIHÜM HUHTANYU 9:4 - AMÜSÜH HÜM CL Bible (BSI)

⁴ Arü ju tsührü kamkhi müretah, tangzüng, yakzan jihkhi, kingaün, tüsho alokhikhi lakhi ah;

ROMRÜ KILIM PAULNÜ ATHRÜTKHI KIHÜM HUHTANYU 9:4 Iomraidhean Croise

THRÜNTAN 15:18

Ju nimung Atungpuhnü Abram kheak tangzüng khülang thsü tüsho tha, “Nü tsühsoniusobo kilim inü ha lo jihchoh, Ijip ayung chingnü Euphra ayung ato–

THRÜNTAN 17:10

Ha nü tüsho nü dunglim nü tsühsoniusobonü azopü I tangzüng ah: Nüsa bolung athrürü aban tsütabahbah.

THRÜNTAN 17:2

Tüsho inü nü le I dükeak tangzüng thsübah, tüsho inü nü hihdakde wüh bushihbah.”

THRÜNTAN 17:7

Tüsho nü le nü dunglim nü tsühsoniusobo Thrünpuh thsüpü, inü I le nü tüsho nü dunglim nü tsühsoniuso lünbo dükeak akheam müla tangzüng zobah.

THRÜNTAN 32:28

Tüsho apinü tha, “Nü mung kheaküa Jakob de müji, tüshe Israel; tümüde nünü Thrünpuh tüsho mihtsürübo bede shochih, tüsho kukdo.”

1 KIULONG THSÜRÜ 8:11

Junangde amo lakhinü amükeamrübonü tankihpü müzhipkhukde kam; tümüde Atungpuh müretahkhinü api arüngyam mide kam.

NEHEMIA 13:29

O Thrünpuh, harü mihtsürübonü amükeamrübo rhimo yam müneankhi tüsho amükeamrübo le Levirü kheak nünü tangzüngkhi müneanjihkhi lümkhitjang.

MUNGSHIKHÜN 147:19

Apinü Jakob ki api yu, api yakzan thsükhibo tüsho api mahkhapkhibo Israel ki khipkhitchoh.

MUNGSHIKHÜN 63:2

Jumonü nü wu tüsho nü müretah ngüpü, inü arüngakopung ching nü kheahdo.

MUNGSHIKHÜN 73:1

Tsükjide Thrünpuh a Israel, mulong müsührü ki tsülah.

MUNGSHIKHÜN 78:61

tüsho apinü api wu tüsho müretah amütsan lakhi tangzüng sangdan isa riribonü yankhia lushih.

MUNGSHIKHÜN 89:3

“Inü mokhitkhi kheak inü tangzüng khülang thsüdo, inü I yamlarü David ki thiyuchihchimdo:

MUNGSHIKHÜN 89:34

Inü I tangzüng müthsümünim, yungsho I mün chingnü wukhiukkhi yu mümüthri.

MUNGSHIKHÜN 90:16

Nü yamlarübo ki nü rhimo, tüsho arü tsührübo ki nü müretah akhiuka huhang.

ABEKHIT 12:25

Küyimki Atungpuhnü nüsa jihpü alokhikhi lo ching arübanü, nüsanü ha mukhung laang.

ABEKHIT 34:27

Atungpuhnü Mosa ki tha, “Harü yubo thrütang, tümüde harü yubo yande inü nü tüsho Israel kheak tangzüng khülang thsüdo.”

ABEKHIT 4:22

Judüki nünü Pharao ki thabah, Atungpuhnü ha thachoh, Israel I tsührü adüjibuh ah.

ABEKHIT 40:34

Judüki amonü arüngkhimyam shodo, tüsho Atungpuh müretahkhinü mide kam.

ISAIA 41:8

Tüshe nü, Israel, I yamlarü, Jakob, shepü inü mokhitkhea, I müyambuh Abraham tsührü;

ISAIA 46:3

I ki aniang, O Jakob yamkhün, Israel yamkhün aningkhi alala, shepü zübechokinü inü akümkhea, nuyam chingnü abuhkhea;

ISAIA 5:2

Apinü alo kiu tüsho lungbo moa bah tüsho amokhitkhi kurungasobo khim; apinü ju ching aheangsadam khülang thsü tüsho yukhu zopung kiu; apinü kurungaso asoshihpü mükkin thsü tüshe kurungaso ju asan aso.

ISAIA 60:19

Kheaküa animuro ani ju nü yo ayin müthsü yungsho azhing ching khinunü nü kilim ayin mütah; tüshe Atungpuh lang akheam mülakhi nü yo ayin labah, nü Thrünpuh ju nü müretahkhi labah.

JEREMIA 31:20

Ephraim a inü amuzhokhi tsührü a de? Api ju inü asühkhi tsührü a de? Alochode inü api azhihde asuksuk she, judü lang inü api lümkhitchoh. Jumonü api thsungkheak I mulong niuthünaka lah; tsükjide inü api kheak mihmüthsüm labah, Atungpuhnü thachoh.

JEREMIA 31:33

Tüshe ju nimungbo dunglim inü Israel yamkhün ki tangzüngpü ju ha, Atungpuhnü thachoh: Inü arü kheak I yakzan yukbah, tüsho inü ju arü mulong kheak thrütbah; tüsho I arü Thrünpuh thsübah, tüsho arübo I mihtsürü thsübah.

JEREMIA 31:9

Tripde arübo arübah tüsho shukheamde inü arü belodarübah, inü arübo yungzü ke yeande atsahshihbah, limro mukhiungkhi ching arü jing mümükhe; tümüde I Israel abuh kamdo tüsho Ephraim ju I tsührü adüjibuh.

EZEKIEL 1:28

Tsüng arükhi nimung amo ching mürechin nangde, ju mükamde ayin-zhingzhing lakheah. Ha Atungpuh müretah akhiukkhi lakheah. Küyimki inü angükhea, inü I miro koyu tüsho khülangnü asukkhi düsheak inü so.

HOSEA 11:1

Küyimki Israel azürü lakhea, inü api muzhokheah, tüsho I tsührü nangde Ijip chingnü jikhit.

WÜHKHE 7:89

Küyimki Mosanü Atungpuh ki asukachihpü ashorupung khimyam ching yüzahkhea, tangzüng sangdan kheak lakhi akhidobe cherubim mahne dükeaknü api ki thakhi düsheak so; ha ruk apinü anihbuh kheak asuk.

MATHI 21:33

“Shihdanglimyu püpü: Kurungasolu putungrü khülang lakheah. Apinü ju mükamde shahwün ayün, ju ching anitpung kiu tüsho aheangsadam khülang thsü. Judüki apinü kurungasolu ju thulu-thsürü khürü kilim amüche jihbah hantsah yü.

JOHAN 1:17

Tümüde yakzan ju Mosa hode jih, tüshe Jisu Khrista hode amüthsüm tüsho thiyuro arü.

JOHAN 1:47

Jisunü Nathanael api kilim arüde ngü, tüsho api dünkheak tha, “Kheahang, amülim mülakhi thiyuro Israelrü!”

YUNIRÜBO RHIMO 2:39

Tümüde alokhikhi ju nüsa le nüsa tsührübo tüsho limshu ching larü, Atungpuh isa Thrünpuhnü ajirü aban kilim lah.”

ROMRÜ KILIM PAULNÜ ATHRÜTKHI KIHÜM HUHTANYU 3:2

Limro aban ching hihde lah. Akhuhde, Jihudarü ju Thrünpuh müchityu bede thiyia lah.

ROMRÜ KILIM PAULNÜ ATHRÜTKHI KIHÜM HUHTANYU 8:15

Tümüde nüsanü trede atsopü azhorü me müleangkhi, tüshe tsührü thsüpü me leangkhido. Api hode isanü zhichoh, “Abba, Abuh!”

ROMRÜ KILIM PAULNÜ ATHRÜTKHI KIHÜM HUHTANYU 9:6

Tüshe ha Thrünpuh yu akuk müngükhi yung. Tümüde Israel kheaknü atrükkhitkhi alala Israelrü yung,

2 KORINT 11:22

Arü Ibrirü a shi? I she ah. Arü Israelrü a shi? I she ah. Arü Abraham tsühsoniusobo a shi? I she ah.

GALATIA 3:16

Kheakü Abraham ki alokhikhibo thsü. Ahihkhüh ki thade, “Tüsho nü müjihbo,” de mütha; tüshe khülang ki, “Tüsho nü müjih,” de Khrista ki thalah.

EFISIA 2:12

junangde ju kim ching nüsa Khrista mülade, Israel boto-lakhit chingnü chamkhide tüsho alokhikhi tangzüng chingnü limshude, alomiküp ching mulongram tüsho Thrünpuh mülade alakheah.

YUZÜNGTHALO 14:1

“Nüsa ju Atungpuh nüsa Thrünpuh tsührü ah; asherü thsungkheaknü nüsanü nihbuh küdah thsüde dütsüt yungsho kingkang kheak kuyü dühüt.

YUZÜNGTHALO 29:1

Harübo ha apinü arü kheak Horeb ching tangzüngkhi lung ajakde Israel mihtsürübo ki Moab ching thiyukhüm jihshihpü Atungpuhnü Mosa ki tangzüngkhi jihkhibo ah.

YUZÜNGTHALO 29:14

Inü ha tangzüng tüsho thiyuchihchim nüsa ki lang müthsü,

YUZÜNGTHALO 31:16

Tüsho Atungpuhnü Mosa ki tha, “Kheahang, nü nü buh pürü lung sühakhimbah; tüsho ha mihtsürübonü asürübah tüsho khiungkerü lo thrünpuhbo kheak müzammüram ahoribah, küching arü yübanü jurü bolung labah, tüsho arünü I bahyukbah tüsho inü arü kheak tangzüngkhi thsümünimbah.

YUZÜNGTHALO 4:13

Jumonü apinü nüsa ki arhimoshihpü tangzüng jihkhi ju thiyuzüng thürü lakheah; tüsho apinü jurübo lungbeak mahne kheak thrüt.

YUZÜNGTHALO 7:6

Tümüde nüsa Atungpuh Thrünpuh kilim amüsüh mihtsürü lah; Atungpuh nüsa Thrünpuhnü nüsa api mihtsürü thsüpü alomi ching mihtsürü alala kurungkheak atsüdakbe lakhit thsüde nüsa mokhit.

IBRI 9:1

Kheakü akhuhbe tangzüngkhi ju kingaün yuzüngbo tüsho alomi arüngakopung lakheah.

IBRI 9:10

tümütüsho arünü jim, ayungbe, tüsho atsangkhitbe aphuaphu arüngako thsungkheak lang amüthrilokhi khiungde arhimokhukpü lakhi akhualokhi lah.

IBRI 9:3

Mahnepü zhindokhim dunglim ju Khide Amüsüh Dangpung de ajikhi khiungshak khülang lakheah.

IBRI 9:5

ju kumung mihmüthsüm binkiu alamdode müretahkhi cherubim lakheah. Harü dünkheak kheakü isanü mütsanmükhide athapü mukuk.

IBRI 9:6

Küyimki harü tsanglungkhi banbanü, amükeamrübonü arü tankih rhimopü mutuklode aleangbe khiungshak ching yüzah;