ROMRÜ KILIM PAULNÜ ATHRÜTKHI KIHÜM HUHTANYU 9:30 - AMÜSÜH HÜM CL Bible (BSI)

³⁰ Dale tüsho isanü tümü thaba? Junangde thiyuro-lungki mümüshamrü khiungkerünü akin hode thiyuro-lungki ngüdo;

ROMRÜ KILIM PAULNÜ ATHRÜTKHI KIHÜM HUHTANYU 9:30 Iomraidhean Croise

MÜCHITMUDU 15:9

Mihbukmuyuk limro ju Atungpuh kilim athraneanbe lah, tüshe shepünü thiyuro-lungki yanchonü apinü anihbuh muzhochoh.

MÜCHITMUDU 21:21

Shepünü thiyuro-lungki tüsho amüthsüm yimchonü rhangdung tüsho wüntrepü ngüchoh.

ISAIA 51:1

I ki aniang, nüsa thiyuro-lungki müshamrübo, nüsa Atungpuh yimrübo. Nü phukkhipung lung kheak tüsho nü kiupung alokhün kheahang.

ROMRÜ KILIM PAULNÜ ATHRÜTKHI KIHÜM HUHTANYU 10:10

Tümüde mihtsürünü api mulongnü kinchoh, junangde alim mütsando tüsho api münküpnü alokhichoh tüsho api khümkhit.

ROMRÜ KILIM PAULNÜ ATHRÜTKHI KIHÜM HUHTANYU 10:20

Tüsho Isaianü mulong tode thachoh, “I müyimrünü I ngü; I dünkheak mükeokhirü ki inü I huh.”

ROMRÜ KILIM PAULNÜ ATHRÜTKHI KIHÜM HUHTANYU 10:6

Tüshe akin kheak ningkihkhi thiyuro-lungkinü, “Shepü yinmi ching yükihba?” (ju, Khrista bekhipü) de nüsa mulong ching dütha de thachoh.

ROMRÜ KILIM PAULNÜ ATHRÜTKHI KIHÜM HUHTANYU 3:5

Tüshe isa mihbukmuyukkhinü Thrünpuh thiyuro huhpü thsüsho, isanü tümü thaba? Apinü isa thsümüchichoki Thrünpuhnü amülim thsüchoh de isanü athakhukba de? (Inü mihtsürü ayannü thachoh.)

ROMRÜ KILIM PAULNÜ ATHRÜTKHI KIHÜM HUHTANYU 4:11

Apinü tsütabahkhi ju api tsütamübahyichoki akin hode alakhi thiyuro-lungki amütsan yungsho mütsanyüm khülang nangde leangkhi. Jumonü api ju tsütamübahde akinrü alala abuh ah, junangde arü ki thiyurolungki khejihbah.

ROMRÜ KILIM PAULNÜ ATHRÜTKHI KIHÜM HUHTANYU 4:13

Abraham tüsho api tsühsoniusobo ki alomi yamrüplurüp arünü alubah de alokhikhi ju yakzan hode yung tüshe akin thiyuro-lungki hode arü.

ROMRÜ KILIM PAULNÜ ATHRÜTKHI KIHÜM HUHTANYU 4:22

Jumonü api ki thiyuro-lungki khejih.

ROMRÜ KILIM PAULNÜ ATHRÜTKHI KIHÜM HUHTANYU 4:9

Ha müngühmühi ju tsütabahrü ki lang akhipkhitkhea shi, tsütamübahrü ki she a? Akin ju Abraham kilim thiyuro-lungki khejih de isanü thachoh.

ROMRÜ KILIM PAULNÜ ATHRÜTKHI KIHÜM HUHTANYU 5:1

Jumonü akin hode alim kamshihkhinü isa Tungpuh Jisu Khrista hode Thrünpuh lung isa mungtsü lah.

ROMRÜ KILIM PAULNÜ ATHRÜTKHI KIHÜM HUHTANYU 9:14

Dale tüsho isanü tümü thaba? Thrünpuh kilim jakkheahkhi la shi? Jude yung!

ROMRÜ KILIM PAULNÜ ATHRÜTKHI KIHÜM HUHTANYU 9:31

tüshe yakzan ching ningkihbah thiyurolungki müshamrü Israelnü yakzan dünjipü ching akuk müngü.

GALATIA 2:16

yakzan yande arhimokhinü mihtsürü khülang ju alim mükamshih, tüshe Jisu Khrista kheak kinkhi hode ah de mükheahlah. Jumonü isa she Khrista kheak kinkhi hode alim kampü thsüde Jisu Khrista kheak kinchoh, tüsho yakzan rhimokhinü yung, tümütüsho yakzan rhimokhinü sheshe alim mükamshih.

GALATIA 3:24

Jumonü akin hode alim kampü thsüde Khrista marüyi khiungde yakzan ju isa thorü lakheah.

GALATIA 3:8

Thrünpuhnü akin hode khiungkerü alim kamshihbah de amüsühyunü müchit, tüsho amüngühnü thiyusheak-atsü Abraham ki mükheahshih: “Trükshih alala nü hode müngühmühibah.”

GALATIA 5:5

Tüshe akinnü, Me hode thiyuro-lungki mulonglam isanü aleangchoh.

EFISIA 2:12

junangde ju kim ching nüsa Khrista mülade, Israel boto-lakhit chingnü chamkhide tüsho alokhikhi tangzüng chingnü limshude, alomiküp ching mulongram tüsho Thrünpuh mülade alakheah.

FILIPI 3:9

tüsho yakzan yande I küdahnü thiyuro-lungki kamkhi yung tüshe Khrista ching akin hode akin kheak ningkihkhi Thrünpuh kilimnü arükhi thiyuro-lungkinü I api kheak ngübah;

1 TIMOTHI 6:11

Tüshe nü Thrünpuh mihtsürü, ha alala bahkhiang; thiyuro-lungki, akinrü thsüpü, akin, amuzho, arümkheam, azhihayih kheak kheahkihang.

IBRI 11:7

Akin hode Noanü adünjipü lakhi müngüyia lalashe Thrünpuhnü athakhi yande api yamkhün khümkhitpü sangkung khülang thsü; ha hode apinü alomiküp bahyuk tüsho akin hode arükhi thiyuro-lungki yamrüplurüp lurü kam.

1 PETER 4:3

Tümüde nüsanü ahokhi ching amükinrünü arhimopü mokhitkhi rhimopü kim suhdahde bahdo–mümüsühkhi ching lapü, shihkünkhi, müshangmuru, yüliyüra, kushimkhi tüsho athraneanbe sangthsübo.