ROMRÜ KILIM PAULNÜ ATHRÜTKHI KIHÜM HUHTANYU 9:3 - AMÜSÜH HÜM CL Bible (BSI)

³ Tümüde I keoniorü, I buhtsührü, I mihtsürü dünkheaknü I muthrumüneana tüsho Khrista kheaknü chamkhia lah de inü lüm.

ROMRÜ KILIM PAULNÜ ATHRÜTKHI KIHÜM HUHTANYU 9:3 Iomraidhean Croise

THRÜNTAN 29:14

Judüki Labannü api ki tha, “Nü I shih tüsho thiyih ah.” Tüsho apinü anihbuh lung khinu khülang bin.

2 SAMUEL 18:33

Kiulongthsüpuh mulong sükde tukthsü, tüsho ripit kumung akhiungshak ching wutu, tüsho trip; tüsho anihbuh tsochoki, apinü tha, “O I tsah-a Absalom! Nü müthri I müshede, O Absalom, I tsah-a, I tsah-a!”

ESTER 8:6

I mihtsürübo kheak thsümütsü arükhi tüsho I trük laksahsho inü küde arümkhukpü?”

ABEKHIT 32:32

Kheakü muzhobah arü neak bahjang; jude yungsho, nünü athrütkhi hüm chingnü I nankhita bahang.”

YUNIRÜBO RHIMO 13:26

“Keoniorübo, Abraham yamkhün tsührübo, tüsho nüsa bolung Thrünpuh trerübo, ha akhümkhit yu isa kilim arüshihdo.

YUNIRÜBO RHIMO 22:5

Inü thiyuro thachoh de achangbe amükeambuh tüsho kiuthsü-binkiu abümnü thiyumütsan jihpü kuklah. Arünü keoniorü Jihudarü kilim kihüm thrütkhi inü leangkhi, junangde inü arü rhüka lubah Jirusalem chingnü athsümüchipü Damaska ching yü.

YUNIRÜBO RHIMO 28:21

Tüsho arünü api ki tha, “Judea chingnü nü dünkheak isanü tümü kihüm müleangkhi, tüsho keoniorü ha ching arürü shenü she nü dünkheak thiyusheak müjih yungsho amütsü masuk.

ROMRÜ KILIM PAULNÜ ATHRÜTKHI KIHÜM HUHTANYU 1:3

mihtsürü ayannü David müjih chingnü azübekhi, api tsührü isa Atungpuh Jisu Khrista dünkheak,

ROMRÜ KILIM PAULNÜ ATHRÜTKHI KIHÜM HUHTANYU 11:1

Dale tüsho inü keokhichoh: Thrünpuhnü api mihtsürü bahyukdü de? Jude yung! I she Israelrü, Abraham tsühsoniuso, Benjamin trük kheyukrü ah.

ROMRÜ KILIM PAULNÜ ATHRÜTKHI KIHÜM HUHTANYU 11:14

Junangde inü I mihtsürü Jihudarü mükthsüde akamshihbah, tüsho arü khürü khümkhitbah.

ROMRÜ KILIM PAULNÜ ATHRÜTKHI KIHÜM HUHTANYU 16:11

I keoniorü Herodion ki salüm jihang. Narkisa yamkhün ching Khristan keoniorübo ki salüm jihang.

ROMRÜ KILIM PAULNÜ ATHRÜTKHI KIHÜM HUHTANYU 16:21

I lung rukhüh rhimorü Timothinü nüsa kilim salüm jihchoh; I keoniorübo Lucia, Jason tüsho Sosipaternü she ah.

ROMRÜ KILIM PAULNÜ ATHRÜTKHI KIHÜM HUHTANYU 16:7

I keoniorü tüsho rukhüh aramrübo Andronika tüsho Junia ki salüm jihang; ane ju amüsüh-thsangyurü bolung amükheahkhi tüsho I müngüh Khrista ching lakheah.

ROMRÜ KILIM PAULNÜ ATHRÜTKHI KIHÜM HUHTANYU 9:2

junangde I mulong ching mulong rozhak ato tüsho mükheamkhi thsünü lah.

1 KORINT 12:3

Jumonü shenü she Thrünpuh Me hode atharünü a, “Jisu muthrumüneanshang,” de müthachoh tüsho Amüsüh Me hode yungsho shenü she, “Jisu ju Atungpuh,” de müthachoh de nüsanü anikhitshihnelah.

1 KORINT 16:22

Khürü Atungpuh thsungkheak amuzho mülasho, api muthrumüneanshang. O Atungpuh, arang!

2 KORINT 12:15

Nüsa me thsungkheaknü inü asühde bahzübahdobah tüsho I she shuhmülanga jihbah. Inü nüsa khide muzhosho, I a nükde amuzhoba de?

GALATIA 1:8

Tüshe isa, yungsho yinmi ching yunirü thsüthsü, isanü thiyusheakatsü thsangyuthsangrakhi kheaknü püpü thiyusheak-atsü nüsa ki thsangyuthsangrasho, api muthrumüneanshang.

GALATIA 1:9

Isanü püpüki thakhi nangde, kheaküshe inü thalochoh, nüsanü leangkhikhi kheaknü püpü thiyusheak-atsü khürünü nüsa ki thsangyuthsangrasho, api muthrumüneanshang.

GALATIA 3:10

Yakzan rhimo kheak angükihrü alala muthrumünean khüp lah, tümüde ha thrüta lah: “Yakzan hüm ching thrütkhi yande mülarü tüsho ju mürhimorü aban muthrumünean thsang.”

GALATIA 3:13

Isa thsungkheaknü muthrumünean kamde yakzan muthrumünean chingnü Khristanü isa rhokhit, tümüde ha thrüta lah: “Shepü sangdung kheak zhinbanü muthrumünean.”

EFISIA 6:5

Yamlarübo, Khrista ki nangde trede tüsho ajande, mulong khülangnü nüsa alomi putungrübo ki mihyuaniang;

YUZÜNGTHALO 21:23

api mi ju sangdung kheak tsüngreroro düzo, tüshe nüsanü api ju ninü kiuyuka bahang, tümüde shepü zhindünü Thrünpuh muthrumüneankhi ah. Atungpuh nüsa Thrünpuhnü nüsa kilim yamrüplurüp jihkhi lo nüsanü mümüneanbeah.

1 SAMUEL 14:24

Kheakü ju nimung Israelrü lümthsünü ching lakheah, tümüde Saulnü bonungrü kheak thiyuchihchimde tha, “ Arelim mükamchoki tüsho inü I riri kheak romüyimlochoki shepünü yimtsühbanü api kheak muthrumünean yükihang.” Jumonü bonungrü shenü she jim mütsühake.

1 SAMUEL 14:44

Saulnü tha, “ Thrünpuhnü I kheak alübe she rhimoshang; nü tsükjide ashebah, Jonathan!”