ROMRÜ KILIM PAULNÜ ATHRÜTKHI KIHÜM HUHTANYU 9:20 - AMÜSÜH HÜM CL Bible (BSI)

²⁰ Tüshe Thrünpuh ki alokhukpü thsüde mihtsürü khülang ju nüsa she a? Azünkhinü azünbuh ki, “Tümüde nünü I hade azünkhea?” de athaba de?

ROMRÜ KILIM PAULNÜ ATHRÜTKHI KIHÜM HUHTANYU 9:20 Iomraidhean Croise

2 SAMUEL 16:10

Tüshe kiulongthsüpuhnü tha, “Nü Zeruia tsührü inü nü kheak tümü thsüpü? David athruang de Atungpuhnü api ki thamonü athruchosho, tümüde nünü ha rhimokhea? de shepünü athapü.”

JOB HU H T ANYU 16:3

Apung yünkhi yubo athürün müla de? Yungsho nüsa judü lang athashihpü tümünü bukakhiukshihcho?

JOB HU H T ANYU 33:13

Tümüde nünü api azhihde, “Apinü I yubo malojih” de thacho?

JOB HU H T ANYU 36:23

Shepünü api limro thsungkheak thanakkhea, yungsho shenü thakhukla, “Nünü amülim rhimodo”?

JOB HU H T ANYU 40:2

Wutobuh azhihrünü api thsülangbea de? Shepünü Thrünpuh ki atsangachihchonü apinü aloshang!

JOB HU H T ANYU 40:5

Inü khülang ki asukdo, tüsho inü malo; mahne ki, tüshe kheaküa müthalo.

JOB HU H T ANYU 40:8

Nünü I she amülim kamshihba de? Nü thiyuro thsüpü thsungkheak I bahyukba de?

JOB HU H T ANYU 9:32

Tümüde inü api ki alikhukpü thsüde tüsho ike rukhühnü mahkhappung ching yüpü thsüde, api mihtsürü khülang yung.

ISAIA 10:15

Awünü alangzü achebuh kumung yükihba de, yungsho sangrhütbenü arhütbuh azhihde kükheangba de? Shitso khülangnü mihtsürü khülang mushuhkih; mihtsürü khülangnü shitso shuhkihchoh!

ISAIA 29:16

Nüsanü kimkethürü niukphülapchoh! Phühdamrü ju alo nangde khejihbea de? Kukruknü athsübuh ki, “Apinü I müthsü” de athaba de; yungsho rhimokhitkhi kukruknü rhimokhitbuh ki, “Api anikhitkhi müla” de athabea de?

ISAIA 64:8

Tütüshe, O Atungpuh , nü a isa Abuh; isa ju alo, tüsho nü isa phühdamrü; isa alala nü khah rhimo ah.

JEREMIA 18:6

O Israel yamkhün, ha phühdamrünü athsükhi nangde inü nü kheak rhimopü mukukba de? Atungpuhnü thachoh. Phühdamrü khah ching dujunglo lakhi nangde, nü I khah ching lah, O Israel yamkhün.

DANIEL 4:35

Apinü alomi ching larü alala tümü kheyuka müla, tüsho yinmi putungrü tüsho alomi ching larü ki apinü tümü lümlanü rhimochoh. Api khah leanglorü yungsho api ki, “ Nü tümü rhimocho?” de atharü she müla.

MIKA 6:8

O mihtsürü tsührü, tümü atsüanü apinü nü ki huhdo; tüsho Atungpuhnü nüsa kheaknü alunekhi ju thiyuro, tüsho mihmüthsüm muzhopü, tüsho azhihayihde nü Thrünpuh lung tsahpü lah.

MATHI 20:15

Inü I kukruk kheak I lümkhi rhimopü I alim yung de? Yungsho I salamo nüsanü lungkhangla de?’

LUKNÜ ATHRÜTKHI THIYUSHEAK-ATSÜ HUHTANYU 12:14

Jisunü alo, “Mihtsürü, shepünü I nüke kurungkheak mahkhaprü yungsho achamjihrü kamshihkhea?”

ROMRÜ KILIM PAULNÜ ATHRÜTKHI KIHÜM HUHTANYU 14:4

Khürü yamlarü mahkhappü nü she a? Anihbuh putungrü ki api zhipchoh yungsho lungchoh. Tüsho api bemusubah, tümüde aputungrünü api zhipshihpü kuklah.

ROMRÜ KILIM PAULNÜ ATHRÜTKHI KIHÜM HUHTANYU 2:1

Jumonü, O mihtsürü, nüsa shepünü püpürü kheak mahkhapchonü amudopü müla; tümüde api kheak mahkhapkhinü nü küdah thsüde bahyukchoh, tümütüsho nü, mahkhaprünü ju nangde rhimochoh.

ROMRÜ KILIM PAULNÜ ATHRÜTKHI KIHÜM HUHTANYU 2:3

O mihtsürü, nünü hadürü rhimode labah ju rhimorü ki mahkhapchoki nünü Thrünpuh mahkhap tsokhibah de lümcho shi?

ROMRÜ KILIM PAULNÜ ATHRÜTKHI KIHÜM HUHTANYU 9:21

Phühdamrünü alo neamkhi rukhühnü khülang adungto tüsho püpü ju yancho thsungkheak rhimopü alim müla de?

ROMRÜ KILIM PAULNÜ ATHRÜTKHI KIHÜM HUHTANYU 9:22

Tüsho Thrünpuhnü tümü rhimokheanü dükdü ah. Apinü api bukakhiukkhi tüsho api wu huhpü kün. Tüshe athsümünimpü lakhi api bukakhiukkhi kukruk kheak apinü khide arümkheam.

1 KORINT 1:20

Lümlung larü mihtsürü küching la? Mükheahmudurü küching la? Ha lün ching atsangachihrü küching la? Thrünpuhnü alomi lümlung makhashihkhi yung de?

1 KORINT 7:16

Niuberü, nünü nü niubuh khümkhitba shi yungnü küde thsah mükheahla? Niubuhrü, nünü nü niube khümkhitba shi yungnü küde thsah mükheahla?

1 TIMOTHI 6:5

tüsho thiyuro mülade tüsho akinkhi ju alarü kampü limro ah de alümkhi mihtsürü dükeak atsangachih akhiukshihchoh;

2 TIMOTHI 2:20

Thüyam ato khülang ching suna tüsho shotoyinchi lang yung tüshe sang tüsho alo kukrukbo she lah, tüsho khürü adungto thsungkheak tüsho khürü mübanmukhiung thsungkheak lah.

TITA 2:9

Yamlarübonü arü putungrü bukkhüp lapü tüsho lüpdükhi ching reangkeamde wüntre jihpü thsangdanang; arünü thiyu malolobeah,

JAKOB 2:20

Nü makha mihtsürü, rhimobo mübesho akin ju akeangkeang de nünü thiyumütsan lunela de?