ROMRÜ KILIM PAULNÜ ATHRÜTKHI KIHÜM HUHTANYU 9:17 - AMÜSÜH HÜM CL Bible (BSI)

¹⁷ Tümüde amüsühyunü Pharao ki thachoh, “Alomi alala ching I mung zhiyukshihpü thsüde nü kheak I wu huhpü inü nü asürüshih.”

ROMRÜ KILIM PAULNÜ ATHRÜTKHI KIHÜM HUHTANYU 9:17 Iomraidhean Croise

ESTER 4:14

Nünü hadürü kim ching sheak makhiukde binsho, yinmi limnü Jihudarü kilim arung arübah, tüsho arü khümkhitbah tüshe nü a ashebah tüsho nü buh yamkhün adükheakbah. Shenü mükheahla, hadürü kim khülang thsungkheaknü nü kiulongthsüberü kamshihkhi she alapü kuklah.”

MUNGSHIKHÜN 76:10

Mihtsürü bukakhiukkhinü nü mung shipü lang akhiukshihchoh, tüsho thirithsü ching aninga larünü nü yo thünio niobah.

ABEKHIT 9:16

Tüshe ha thsungkheaknü inü nü asürüshihkheah, junangde I wu nü kheak huhbah tüsho alomi alala ching I mung khipkhitbah.

MÜCHITMUDU 16:4

Atungpuhnü lüpdükhi api thsungkheak thsü, am, thsümütsü nimung thsungkheak mihbukmuyuk she ah.

ISAIA 19:12

Kheakü nü yo lümlung larü küching la? Wuto Atungpuhnü Ijip azhihde lümkhi tümü lanü arünü nü ki thashang tüsho mükheahshang.

ISAIA 37:20

Jumonü kheakü, O Atungpuh isa Thrünpuh, api khah chingnü isa khümkhitang, junangde alomi kiulongthsübo alalanü nü lang Thrünpuh ah de amükheahbah.”

DANIEL 4:22

ju nü ah, O kiulongthsüpuh! Nü tode zokih tüsho düküngde kam. Nü tokhi alü kam tüsho thüning khiung tüsho nü wunü alomi akheambo khiung.

JOHAN 17:26

Inü arü ki nü mung khipkhitdo, tüsho ju khipkhitbah, junangde nünü I muzhokhi amuzho arü kheak labah tüsho I arü kheak labah.”

ROMRÜ KILIM PAULNÜ ATHRÜTKHI KIHÜM HUHTANYU 11:4

Tüshe Thrünpuhnü api ki alokhi tümü a? “Inü I thsungkheak Baal ki mukhukningrü mihtsürü 7000 zodo.”

GALATIA 3:22

Tüshe Jisu Khrista kheak akin hode akinrü kilim alokhikhi jihpü thsüde alomiküp alala neak bukkhüp lah de amüsühyunü khipkhitchoh.

GALATIA 3:8

Thrünpuhnü akin hode khiungkerü alim kamshihbah de amüsühyunü müchit, tüsho amüngühnü thiyusheak-atsü Abraham ki mükheahshih: “Trükshih alala nü hode müngühmühibah.”

GALATIA 4:30

Tüshe amüsühyunü tümü thacho? “Azhorü liberü tüsho atsührü yankhita bahang, tümüde azhorü liberü tsührünü zuzu liberü tsührü lung küyimkishe yamrüplurüp ching shihcham mulu.”

JIHUSUA 9:9

Jumonü arünü api ki ha yukhean tha, “ Atobuh, isa khide limshu lomi chingnü Atungpuh mungthukhi sobah arükheah, tümüde isanü Atungpuh nüsa Thrünpuhnü Ijip ching tümü rhimokheanü alala sodo,

1 SAMUEL 4:8

Isa are! Harü wuto thrünpuhbo khah chingnü shenü isa bekhitkhukba? Harü thrünpuhbonü sunglo ching Ijiprü arüm aphuaphunü asheshihkheah.