ROMRÜ KILIM PAULNÜ ATHRÜTKHI KIHÜM HUHTANYU 8:9 - AMÜSÜH HÜM CL Bible (BSI)

⁹ Atsütsü Thrünpuh Me nüsa kheak lasho, nüsa shih ching müla tüshe me ching lah. Shepü Khrista Me mülanü api yo yung.

ROMRÜ KILIM PAULNÜ ATHRÜTKHI KIHÜM HUHTANYU 8:9 Iomraidhean Croise

EZEKIEL 11:19

Inü arü kheak mulong khülang jihbah tüsho arü kheak me aso khülang yukjihbah; inü arü shih chingnü lung mulong yihkhitbah tüsho arü kilim shihtsü mulong jihbah.

LUKNÜ ATHRÜTKHI THIYUSHEAK-ATSÜ HUHTANYU 11:13

Junangde nüsa amütsü thsüa lalashe, nüsa tsührübo kilim atsü jihpü mükheahsho, nüsa Abuhnü api ki kheangrü kilim Amüsüh Me küdükhüh she ajihba!”

JOHAN 14:17

ju thiyuro Me. Alominü api müleangkhikhuk, müngü yungsho api mümükheah; tüshe nüsanü api mükheahlah, tümüde api nüsa lung lah tüsho nüsa kheak labah.

JOHAN 14:23

Jisunü api ki alo, “Khürünü I muzhosho, apinü I yu zobah; I Buhnü api muzhobah, tüsho ike api kilim arübah tüsho api lung ike yam thsübah.

JOHAN 3:34

Tümüde shepü Thrünpuhnü athiyikheanü Thrünpuh yubo asukchoh, tümütüsho Thrünpuhnü me ju adünbah müjihchoh.

JOHAN 3:6

Shihnü zübekhi ju shih, tüsho menü zübekhi ju me.

YUNIRÜBO RHIMO 16:7

Tüsho küyimki ane Mysia aredungyean arükheanü Bithynia lim yüzahpü mürang, tüshe Jisu Menü ane ki mümülü;

ROMRÜ KILIM PAULNÜ ATHRÜTKHI KIHÜM HUHTANYU 7:5

Küyimki isa shih ching lakheanü, yakzannü thurumusukhi neak ching asühbe isa pangbo ching rhimode la, junangde isanü ashepü aso asoshih.

ROMRÜ KILIM PAULNÜ ATHRÜTKHI KIHÜM HUHTANYU 8:1

Jumonü kheaküa Jisu Khrista ching larü thsungkheak abahyukkhi müla.

ROMRÜ KILIM PAULNÜ ATHRÜTKHI KIHÜM HUHTANYU 8:11

Ashe chingnü Jisu bemusubuh Me nüsa kheak lasho, ashe chingnü Jisu Khrista bemusubuhnü nüsa kheak lakhi Me hode ashepü lakhi nüsa pangbo kilim rhangdung jihbah.

ROMRÜ KILIM PAULNÜ ATHRÜTKHI KIHÜM HUHTANYU 8:2

Tümüde Jisu Khrista ching Me rhangdung yakzannü neak yakzan tüsho ashe chingnü I zuzu kamshih.

1 KORINT 15:23

Tüshe mihbüm aban nihbuh kim ching arhang kamloshih: alala kheaknü akhuh Khrista; jushu api arüchoki api yo thsürü labah.

1 KORINT 3:16

Nüsa ju Thrünpuh arüngyam tüsho Thrünpuh Me nüsa kheak lachoh de nüsanü mümükheah de?

1 KORINT 6:17

Tüshe shepünü Atungpuh lung arihchonü api lung me khülang kamchoh.

1 KORINT 6:19

Nüsa pang ju Thrünpuh kilimnü arükhi nüsa kheak lakhi Amüsüh Me arüngyam ah de nüsanü mümükheah de? Nüsa ju nüsa nihbuh yo yung;

2 KORINT 10:7

Nüsa mükbo ki tümü lanü kheahchoh. Khürünü api Khrista yo ah de mütsansho, isa nangde api ju Khrista yo ah de lümloshang.

2 KORINT 6:16

Thrünpuh arüngyamnü sangthsübo kheak arihkhi tümü la? Tümüde isa ju arhang Thrünpuh arüngyam; Thrünpuhnü tha, “I arü kheak labah tüsho arü bolung tsahbah, I arü Thrünpuh thsübah tüsho arü I mihtsürü thsübah.

GALATIA 4:6

Tüsho nüsa ju api tsührübo thsükhinü, Thrünpuhnü api tsührü Me nüsa mulongbo ching thiyibah, “Abuh, Abuh!” de zhichoh.

GALATIA 5:24

Tüsho sherü Jisu Khrista yoanü akünkhi tüsho amürühkhi bede shih yakli yümkihabahdo.

EFISIA 1:13

Nüsanü akhümkhit thiyusheakatsü thiyuro so dunglim api kheak kin; kheaküshe nüsanü api kheak kinde, alokhikhi Amüsüh Menü amütsan yüm.

EFISIA 2:22

api kheak Me ching Thrünpuh lapung thsüde nüsa thrünkih-a lah.

EFISIA 3:17

tüsho junangde akin hode nüsa mulongbo ching Khrista labah; junangde nüsa amuzho ching aying chinyukde tüsho düküngde,

FILIPI 1:19

Tümüde nüsa tamkhüntamnü tüsho Jisu khrista Me arung hode I adükhebah de inü mükheahlah,

2 TIMOTHI 1:14

isa kheak lakhi Amüsüh Me hode nü ki thiyikhi thiyuro aheangang.

1 PETER 1:11

Khrista thsünüpü tüsho jushu müretah lapü müchitchoki, arü kheak lakhi Khrista Menü ahuhkhi yande küdürü mihtsürü yungsho tümü kim labaki de arünü yimakheah.

1 JOHAN 3:24

Api yuzüng zorü alala api kheak lah, tüsho arü api kheak lah. Tüsho apinü isa kilim jihkhi Me hode api isa kheak lachoh de hanü isanü mükheahchoh.

1 JOHAN 4:13

Ha hode isa api kheak lah tüsho api isa kheak lah de isanü mükheahlah, tümütüsho apinü api Me isa kilim jih.

1 JOHAN 4:4

I tsührübo, nüsa Thrünpuh yo ah, tüsho arü kukdo; tümüde shepü nüsa kheak lanü alomi ching labuh kheaknü atobe ah.

AMIKHEAKAKHIUKKHI 13:8

Alomi ching larü, thrüna lakhi alomi chingnü alaksahkhi Namfimihnunu rhangdung hüm ching mung thrüta mülarü alalanü shiwüh ju kingaünbah.

AMIKHEAKAKHIUKKHI 20:15

khürü mung rhangdung hüm ching thrüta müngüsho, api ju modüjim ching jipyuk.