ROMRÜ KILIM PAULNÜ ATHRÜTKHI KIHÜM HUHTANYU 8:39 - AMÜSÜH HÜM CL Bible (BSI)

³⁹ achang, asük, yungsho thrüna lakhi alala ching tümünü she Atungpuh Jisu Khrista amuzho chingnü isa müchamkhikhuk.

ROMRÜ KILIM PAULNÜ ATHRÜTKHI KIHÜM HUHTANYU 8:39 Iomraidhean Croise

MUNGSHIKHÜN 64:6

Isanü amütsü rhimokhi shenü ayimkhitkhukpü? Isanü rük thsüde lümkhi thsükhitdo.” Tümüde mihtsürü lüm tüsho mulong alunglim ju süklah.

MÜCHITMUDU 20:5

Mihtsürü mulong ching lümkhi ju ke asükbo nangde lah, tüshe anikhitkhi mihtsürünü khipkhita luchoh.

KHÜNBOLUNGKHÜN 3:4

Anükhüh labah inü arü hodunglim, I menü amuzhobuh inü ngü, inü api ramlo, tüsho I zübekhi I be yam khiungshak ching bede marüyi khiungde inü api mutsoshih.

ISAIA 10:33

Kheahang, Wuto Atungpuhnü atrebe wunü sangkhahbo ngamshakbah; sangdung ashangshangbo kiushakbah, tüsho achangbo ju abobe kamshihbah.

ISAIA 24:21

Ju nimung Atungpuhnü yinmi ching aputungrübo tüsho alomi kiulongthsürübo thsümüchibah.

DANIEL 4:11

Sangdung ju tode yükih tüsho müküpde kam, tüsho amuyunü thüning khiung, tüsho alomi athrünkhi akheam chingnü ju ngüde alakheah.

MATHI 24:24

Tümütüsho arükchih Khristabo tüsho arükchih wukihrübo akhiukbah tüsho kuksho amokhitrü she bede mülapyukpü amütsan atobe tüsho amüyinsahbebo rhimobah.

JOHAN 16:27

tümüde Abuh küdahnü nüsa muzhochoh, tümütüsho nüsanü I muzhodo tüsho I ju Thrünpuh kilimnü arükheah de kindo.

JOHAN 17:26

Inü arü ki nü mung khipkhitdo, tüsho ju khipkhitbah, junangde nünü I muzhokhi amuzho arü kheak labah tüsho I arü kheak labah.”

JOHAN 3:16

“Tümütüsho Thrünpuhnü alomiküp muzhokhinü api tsührü lapkhiung jih, junangde shepünü api kheak kinbanü müdükheak tüshe akheam müla rhangdung labah.

ROMRÜ KILIM PAULNÜ ATHRÜTKHI KIHÜM HUHTANYU 1:7

Thrünpuhnü muzhokhi, amüsührü thsüpü jikhi Rom ching larü alala kilim: Isa Abuh Thrünpuh tüsho Atungpuh Jisu Khrista kilimnü nüsa amüthsüm tüsho mungtsü lashang.

ROMRÜ KILIM PAULNÜ ATHRÜTKHI KIHÜM HUHTANYU 11:33

Thrünpuh lakhitbo küdükhüh ato a! Api lümlung tüsho mükheahmudu küdükhüh sükla? Shepünü api limrobo anikhitkhukba?

ROMRÜ KILIM PAULNÜ ATHRÜTKHI KIHÜM HUHTANYU 5:8

Tüshe isa aneakrü lachoki isa thsungkheak Khrista shekhinü Thrünpuhnü isa thsungkheak api muzho huh.

ROMRÜ KILIM PAULNÜ ATHRÜTKHI KIHÜM HUHTANYU 6:23

Tümüde neak mihkhah ju ashekhi, tüshe Thrünpuh akeang thsambah ju Atungpuh Jisu Khrista ching lün rhangdung lah.

ROMRÜ KILIM PAULNÜ ATHRÜTKHI KIHÜM HUHTANYU 8:1

Jumonü kheaküa Jisu Khrista ching larü thsungkheak abahyukkhi müla.

ROMRÜ KILIM PAULNÜ ATHRÜTKHI KIHÜM HUHTANYU 8:35

Shepünü Khrista amuzho chingnü isa chamkhiba? Thsümütsü-ato, lümthsünü, thsümüchi, khümzung, bünkeang, atrebe yungsho thsühnuk a shi?

2 KORINT 11:3

Tüshe inü trejihde alakhi ju phurutonü arük hode Eve mülapyukkhi nangde, lümrhangkhi tüsho Khrista kilim shuhmülanga jihkhi chingnü nüsa lümkhibo bephülapde atsobah.

2 KORINT 2:11

jude yungsho arimrinü isa kukbah; tümüde api rük thsükhi isanü mükheahlah.

EFISIA 1:4

Api miki isa amüsüh tüsho areak mükihde alapü alomi khimtan müngühnü apinü isa api lung mokhit.

FILIPI 3:12

I ha ngüabahdo yungsho I khiukdahabahdo de yung; tüshe inü ju tholopü mürangchoh, tümütüsho Khristanü she I tholodo.

FILIPI 3:3

Tümüde isa ju me ching Thrünpuh kingaünrü, Jisu Khrista ching müretahrü, tüsho shih ching mulongram mülakhi thiyuro tsütabahkhi lah.

FILIPI 3:8

Jisu Khrista I Tungpuh de amükheahkhi ching khide athülün lakhinü inü lüpdükhi kukshahkhi khechoh. Tümüde api dünkheaknü alala kukshahkhi inü thsünü, tüsho jurü sünit khejihchoh, junangde inü Khrista alü thsübah

2 TESALONIKA 2:4

Apinü azhihbah tüsho aküdah thsüde Thrünpuh ah de ajikhi yungsho kingaünbe kukruk kurungkheak shuhkihbah, junangde api ju Thrünpuh ah de zhiyukde Thrünpuh arüngyam ching binbah.

1 JOHAN 4:16

Jumonü Thrünpuhnü isa thsungkheak amuzho lah de isanü mükheahlah tüsho kinchoh. Thrünpuh ju amuzho ah, tüsho shepü amuzho ching lanü Thrünpuh kheak lachoh, tüsho Thrünpuh api kheak lachoh.

1 JOHAN 4:19

Isanü muzhochoh, tümütüsho apinü akhuhde isa muzho.

AMIKHEAKAKHIUKKHI 12:9

Tüsho dragon ato, ju jipü phuruto, Amünean tüsho Arimri de ajikhi, alomiküp athrünkhi mülapyukbuh ju api lung anihbuh yunirübo bede alomi ching jipkhia bah.

AMIKHEAKAKHIUKKHI 13:14

khinthiyinbebo hode akhuhbe shiwüh thsung thsüde apinü arhimopü wu jih-a lakhinü, apinü alomi kheak larü mülapyuk. Nukshangnü yuribah arhang lakhi shiwüh wüntre jihde mejak khülang thsüpü arü ki thiyukhüm jih.

AMIKHEAKAKHIUKKHI 19:20

Tüshe shiwüh tüsho api lung anihbuh thsung thsüde khinthiyinbebo rhimokhi arükchih wukihrü bede ram. Harü amütsanbo hode apinü shiwüh amütsan leangkhirü tüsho api mejak kingaünrü rükyukkheah. Ane ju arhangnü modüjim ching jipyuk.

AMIKHEAKAKHIUKKHI 2:24

Kheakü Thyatira ching nüsa aningkhi, anihbe thsangyukhi müramrihrü tüsho Arimri rük asük de ajikhi manikhitrü ki inü thachoh, inü nüsa kheak hahmülang püpü tümü müyihkihjih;

AMIKHEAKAKHIUKKHI 20:3

tüsho trükshihbo mümülapyukshihpü thsüde api ju alokhünbit ching jipyukbah rih tüsho yümdo. Ju dunglim api ju anükhüh thsungkheak dükhepü lah.

AMIKHEAKAKHIUKKHI 20:7

Tüsho küyimki kam chithürü arün thsübanü, Arimri ju rihyam chingnü adükhebah