ROMRÜ KILIM PAULNÜ ATHRÜTKHI KIHÜM HUHTANYU 8:38 - AMÜSÜH HÜM CL Bible (BSI)

³⁸ Tümüde inü amütsankhi ju ashepü, rhangdung, yunirü, yakzanshuhrü, kheakü lakhi yungsho arüpü lakhi,

ROMRÜ KILIM PAULNÜ ATHRÜTKHI KIHÜM HUHTANYU 8:38 Iomraidhean Croise

JOHAN 10:28

Inü arü kilim lün rhangdung jihchoh, tüsho arübo küyimkishe müdükheak; yungsho shenü she I khah chingnü arübo jangkhide mutso.

ROMRÜ KILIM PAULNÜ ATHRÜTKHI KIHÜM HUHTANYU 14:7

Isa shenü she nihbuh thsungkheak lang mülachoh tüsho isa shenü she nihbuh thsungkheak lang müshechoh.

ROMRÜ KILIM PAULNÜ ATHRÜTKHI KIHÜM HUHTANYU 14:8

Isa lasho, isa Atungpuh thsungkheak lachoh; tüsho isa shesho Atungpuh thsungkheak shechoh. Jumonü isa lala she yungsho sheshe she, isa ju Atungpuh yo ah.

ROMRÜ KILIM PAULNÜ ATHRÜTKHI KIHÜM HUHTANYU 4:21

Thrünpuhnü alokhikhi arhimokhukbah de apinü mütsandakde alakheah.

ROMRÜ KILIM PAULNÜ ATHRÜTKHI KIHÜM HUHTANYU 6:23

Tümüde neak mihkhah ju ashekhi, tüshe Thrünpuh akeang thsambah ju Atungpuh Jisu Khrista ching lün rhangdung lah.

1 KORINT 15:24

Judüki apinü yakzanshuhrü, thiyukhüm-sühmüh tüsho wu alala dükheakshih dunglim Abuh Thrünpuh kilim kiulongthsü jihabahchoki akheam arübah.

2 KORINT 11:14

Tüsho amüyinsahpü müla, tümüde Arimrinü she api ju ayin yo yunirü ah de müthria huhchoh.

2 KORINT 4:13

Amüsühyunü thachoh, “Inü akinkhi hode inü asukchoh.” Ju akin me rukhühnü isanü she kinchoh tüsho asukchoh.

EFISIA 1:21

thiyuzüng, thiyukhümsühmüh, yakzan shuhkhi, tüsho ha lün ching lang yungde arüpü lakhi ching she mung jia lakhi alala kumung changlah;

KOLOSI 1:16

tümüde api hode alala thrün: Yinmi ching tüsho alomi kheak angübe tüsho amüngübe, kiulongthsü-binkiubo yungsho wubo yungsho yakzanshuhrübo yungsho thiyukhüm-sühmühbo; alala api hode tüsho api thsungkheak thrün.

KOLOSI 2:15

Wubo tüsho thiyukhüm-sühmühbo kheamshihde, apinü sangkimnü jurü kurungkheak akuk ngüde botonü kheahshih.

2 TIMOTHI 1:12

jumonü harü dünkheaknü I thsünüchoh tüshe inü machih tümüde shepü kheak inü akinkheanü inü mükheahlah, tüsho api ki thiyikhi nimung khiungde apinü aheangpü kukbah de inü mütsanlah.

IBRI 11:13

Harü mihtsürü alala akin ching lade she. Alokhia lakhi arünü müleangkhi; arünü limshu chingnü lang ngü tüsho leangkhi. Tüsho arübo alomi kheak khiungkerü tüsho hanrü ah de mütsan.

1 PETER 3:22

shepü yinmi ching yü tüsho Thrünpuh khah tsülim la–yunirübo lungnü, thiyukhüm-sühmüh tüsho wubonü api ki anide lah.