ROMRÜ KILIM PAULNÜ ATHRÜTKHI KIHÜM HUHTANYU 8:37 - AMÜSÜH HÜM CL Bible (BSI)

³⁷ Yung, harü alala ching isa muzhobuh hode isa ju akuk ngürü kheaknü alü ah.

ROMRÜ KILIM PAULNÜ ATHRÜTKHI KIHÜM HUHTANYU 8:37 Iomraidhean Croise

ISAIA 25:8

Judüki Atungpuh Thrünpuhnü alala miro kheaknü chike nanjihbah, tüsho api mihtsürü masühkhi alomi alala chingnü lude atsobah, tümüde Atungpuhnü asukdo.

JOHAN 16:33

I kheak nüsa mungtsü lapü thsüde inü harü nüsa ki asukdo. Alomi ching nüsa thsümütsü-ato labah; tüshe mulong ato thsang, inü alomi kukdo!”

ROMRÜ KILIM PAULNÜ ATHRÜTKHI KIHÜM HUHTANYU 8:35

Shepünü Khrista amuzho chingnü isa chamkhiba? Thsümütsü-ato, lümthsünü, thsümüchi, khümzung, bünkeang, atrebe yungsho thsühnuk a shi?

1 KORINT 15:54

Küyimki adükheakbenü amüdükheakbe, tüsho ashebenü amüshebe phuyubanü, thrüta lakhi müchit dünjibah: “Ashekhi ju akuk ngükhi ching muyuabahdo.”

1 KORINT 15:57

Tüshe isa Atungpuh Jisu Khrista hode isa kilim akuk ngükhi jihbuh Thrünpuh ki makshe jihang.

2 KORINT 12:19

Isanü nüsa ki isa dün chilode arükheah de nüsanü lümde alakhea de? Khrista ching larü nangde isanü Thrünpuh miki asukde alakheah; tüsho amuzho müyamrübo, isanü arhimokhi alala nüsa düküngpü thsungkheak ah.

2 KORINT 12:9

Tüshe apinü I ki tha, “Nü thsungkheaknü I amüthsüm suhdahde lah, tümüde reangmüzahkhi ching I wu khiukdahde kamshihdo.” I reangmüzahkhi dünkheak inü alü asühde kükheangbah, junangde Khrista wu I kheak labah.

2 KORINT 2:14

Tüshe Khrista ching kamruhroro akuk ngükhi ching isa bebuh, tüsho api mükheahkhi rhümthünea isa hode lüpdükhi ching bushihbuh Thrünpuh ki makshe jihang.

GALATIA 2:20

I Khrista lung yümkih tüsho kheaküa I müla, tüshe Khrista I kheak lah. Pang ching I rhangdung lakhi ju, I muzhobuh tüsho I thsungkheaknü api jihabahbuh Thrünpuh tsührü lung akin hode lah.

EFISIA 5:2

Tüsho Khristanü isa muzhode tüsho isa thsungkheaknü rhümthüneade Thrünpuh kilim api shuhmülanga jihkhi nangde amuzho ching laang.

2 TESALONIKA 2:16

Kheakü isa Atungpuh Jisu Khrista tüsho isa muzhobuh tüsho amüthsüm hode isa kilim lünnü sühakhim tüsho atsü jihbuhnü,

1 JOHAN 4:10

Ha amuzho lah: isanü Thrünpuh muzhokhinü yung, tüshe apinü isa muzho tüsho isa neak dünthsükhipü api tsührü arüshih.

1 JOHAN 4:19

Isanü muzhochoh, tümütüsho apinü akhuhde isa muzho.

1 JOHAN 4:4

I tsührübo, nüsa Thrünpuh yo ah, tüsho arü kukdo; tümüde shepü nüsa kheak lanü alomi ching labuh kheaknü atobe ah.

JUDNÜ ATHRÜTKHI KIHÜM HUHTANYU 1:24

Kheakü nüsa mangakde akümpü tüsho areak mükihde api müretah miki asühachihde nüsa yüshihbuh kilim,

AMIKHEAKAKHIUKKHI 1:5

tüsho thiyuro thiyumütsan thsübuh Jisu Khrista ashe chingnü arhang kamlokhi akhuhbuh, tüsho alomi ching kiulongthsürübo kurung yakzanshuhbuh kilimnü. Isa muzhobuh tüsho api thiyih hode isa neakbo chingnü isa zuzu kamshihkhi

AMIKHEAKAKHIUKKHI 12:11

Namfimihnunu thiyih tüsho arü thiyumütsan yu hode arünü api kuk, tümüde arünü ashepü she thsüde nihbuh rhangdungbo mümuzho.

AMIKHEAKAKHIUKKHI 17:14

arünü Namfimihnunu bede thirithsübah, tüsho Namfimihnununü arü kukbah, tümüde api ju atungrübo kurungkheak Atungrü tüsho kiulongthsürübo kurungkheak Kiulongthsürü, tüsho api lung larü ju ajikhi, amokhitkhi tüsho thiyuro lakhi ah.”

AMIKHEAKAKHIUKKHI 21:7

Shepünü akuk ngüchonü ha yamrüplurüp lubah, tüsho I api Thrünpuh thsübah, tüsho api I tsührü thsübah.

AMIKHEAKAKHIUKKHI 3:9

Arimri sinagog ching larübo, arü Jihudarü ah de akeangyu tharü nü jing ki khukningshihbah tüsho inü nü muzhokhi mükheahshihbah.