ROMRÜ KILIM PAULNÜ ATHRÜTKHI KIHÜM HUHTANYU 8:36 - AMÜSÜH HÜM CL Bible (BSI)

³⁶ Ha thrüta lah, “Nü dünkheaknü isa nimung amuyung laksah; isa ju alaksahpü lakhi namfimihnunu nangde khejih.”

ROMRÜ KILIM PAULNÜ ATHRÜTKHI KIHÜM HUHTANYU 8:36 Iomraidhean Croise

MUNGSHIKHÜN 141:7

Khürünü alo kiude tüsho kiuthünakkhi nangde isa robo kiuyuk mün ki hiumüzüta lah.

MUNGSHIKHÜN 44:11

Nünü isa alaksahpü lakhi namfimihnunu nangde kamshih, tüsho trükshihbo lung isa hiumüzütshih.

MUNGSHIKHÜN 44:22

Tütüshe nü dünkheaknü isa nimung amuyung laksahdo; isa alaksahpü namfimihnunu nangde lado.

ISAIA 53:7

Api ajunokheah, tüsho api thsümüchido tütüshe apinü amün mükhimshuh; namfimihnunu alaksahpü bede ayükhi nangde, tüsho namfimihnunu khülang anam rhiprü miki zhikde alakhi nangde, apinü amün mükhimshuh.

JEREMIA 11:19

Tüshe I a azhihayihkhi namfimihnunu alaksahpü bede yükhi ruk lakheah. Tüsho ha I azhihkhi ah de inü mümükheah, junangde arünü amütsü lümkhi thsüde tha, “ Isanü sangaso kihde sangdung kiushakanü, isanü api rhangdung lomi chingnü lipkhianü, junangde api mung kheaküa mülümkhit!”

JEREMIA 12:3

O Atungpuh , tüshe nünü I mükheahlah; nünü I ngülah tüsho I rükakia kheahchoh, I lümkhi nü kilim lah. Namfimihnu nangde alaksahpü arübo züngkhitang, tüsho alaksahpü nimung thsungkheaknü bemuwuhang.

JEREMIA 51:40

Inü arübo namfimihnunubo nangde, namfimihnupungbo tüsho mihnubo nangde alaksahpü bedakibah.

JOHAN 16:2

Arünü nüsa sinagogbo chingnü ayankhitbah; am, shepünü nüsa laksahbanü, apinü ju rhimokhinü Thrünpuh tankihchoh de alümpü kim arüchoh.

YUNIRÜBO RHIMO 20:24

Tütüshe, inü alihpü bansho tüsho Atungpuh Jisunü I kilim jihkhi rhimo Thrünpuh amüthsüm thiyusheak-atsü lang she bansho, inü I rhangdung tümü thülünde mülüm.

YUNIRÜBO RHIMO 8:32

Kheakü khede alakhi amüsühyu ju ha lakheah: “Namfimihnu alaksahpü bede ayükhi yungsho namfimihnununü anam-rhiprü miki zhikde alakhi nangde, apinü amün mükhimshuh.

1 KORINT 15:30

Tümü thsükhi isanü kimkhü aban küpkhuk lucho?

1 KORINT 15:31

Keoniorübo, isa Atungpuh Jisu Khrista ching I nüsa kurungkheak müretahkhinü I nimung aban shechoh de khipkhitshihchoh.

1 KORINT 4:9

Tümüde mihtsürü sheshihkhi nangde akheam thsüde Thrünpuhnü isa amüsüh-thsangyurü ah de huhdo dükhi inü lümlah; tümütüsho isa ju alomi, yunirü tüsho mihtsürübo ki mükkheahdung kamdo.

2 KORINT 1:9

Isa asheshihpü lakheah; tüshe junü isa nihbuh kheak yungde asherü arhang kamloshihbuh Thrünpuh kheak angükihshih;

2 KORINT 11:23

Arü Khrista yamlarübo a de? Makharü nangde inü thachoh– tüshe arü kheaknü I a yamlarü atsü ah. Inü alü mürangde rhimodo, ahihdo ki rihyam ching lado, ahihdo ki shika tsühdo, tüsho ahihdo ki shemüchihdo.

2 KORINT 6:9

mümükheahde la, tüshe tsüde mükheahabah; shede la, tüsho kheahang isa arhang lah; thsümüchia la, tüshe mülaksah;

FILIPI 3:10

junangde inü api tüsho arhang kamlokhi wu mükheahbah tüsho api shekhi ching api ruk kamde thsünükhi ching shihcham lubah,