ROMRÜ KILIM PAULNÜ ATHRÜTKHI KIHÜM HUHTANYU 8:31 - AMÜSÜH HÜM CL Bible (BSI)

³¹ Dale tüsho isanü ha küde athaba? Thrünpuh ju isa thsungkheak a sho, isa azhihrü she la?

ROMRÜ KILIM PAULNÜ ATHRÜTKHI KIHÜM HUHTANYU 8:31 Iomraidhean Croise

THRÜNTAN 15:1

Ha dunglim Atungpuh yu michih khülang ching Abram kilim arüde tha, “Dütre Abram. I nü tsung, khide ato nü thsambah ah.”

1 KIULONG THSÜRÜ 8:57

Api isa jipürü lung lakhi nangde Atungpuh isa Thrünpuh isa lung laang; apinü isa düdükhe shi yungsho isa dübahyuk shi,

2 KIULONG THSÜRÜ 6:16

Apinü alo, “Dütre, tümüde arü lung lakhi kheaknü ike lung lakhi ahihbeah.”

1 KIUTHSÜYUKHEAN 19:15

Küyimki Siriarü tsokhi Amonrünü angükhea, junangde arü she Joab niurü Abishai müngüh tso, tüsho kiuto ching yüzah. Jushu Joabnü Jirusalem ching arü.

1 KIUTHSÜYUKHEAN 5:22

Ahihdo laksah, tümütüsho thirithsü ju Thrünpuh lümkhi lakheah. Tüsho ramtsokhi khiungde arübo arü lomi ching la.

MUNGSHIKHÜN 118:6

Atungpuh I kilim tsanglah; inü mütre. Mihtsürünü I ki tümü thsükhukpü?

MUNGSHIKHÜN 46:11

Wuto Atungpuh isa lung lah; Jakob Thrünpuh ju isa tsoyukpung.

MUNGSHIKHÜN 46:7

Wuto Atungpuh isa lung lah; Jakob Thrünpuh ju isa tsoyukpung.

MUNGSHIKHÜN 56:11

Inü api kheak kinchoh, tüsho mütrede alabah. Mihtsürünü I ki tümü thsükhukpü?

MUNGSHIKHÜN 56:4

Inü Thrünpuh kheak kinchoh tüsho I mütre; apinü alokhikhi dünkheak inü api shichoh. Mihtsürünü I ki tümü thsükhukpü?

MUNGSHIKHÜN 56:9

Inü nü ki zhichoki, I riribo rholode atsobah; ha inü mükheahlah, tümütüsho Thrünpuh ju I thsungkheak–

ISAIA 41:10

dütre, tümüde I nü lung lah, dütre, tümüde I nü Thrünpuh ah; inü nü reangzahshihbah, inü nü rungbah, inü nü I thiyuro khah tsülimnü tholobah.

ISAIA 54:17

Nü azhihde athsükhi thsühnuk tümü she mütsüp, tüsho mahkhap ching nü azhihde athakhi yubo alala nünü alokhukbah. Ha Atungpuh yamlarü yamrüplurüp tüsho I kilimnü arü thiyuro-mütsan lah, Atungpuhnü thachoh.

ISAIA 8:10

Rukhühnü lümkhi thsang, tüshe ju akeangkeang kambah; thiyu thaang, tüshe ju müzhip, tümüde Thrünpuh isa lung lah.

JEREMIA 1:19

Arünü nü bede keochihbah; tüshe arünü nü mukuk, tümüde nü bekhitpü I nü lung lah, Atungpuhnü thachoh.

JEREMIA 20:11

Tüshe Atungpuh ju atrebe thirithsürü nangde I lung lah; jumonü I thsümüchirü jing mükhebah tüsho arünü mukuk. Arü tode achih ngübah,tümüde arünü akuk müngü. Arü akheam müla achihkhi küyimkishe mümih.

JEREMIA 42:11

Babilon kiulongthsüpuh ki kheaküa dütre; api dütre, Atungpuhnü thachoh, tümüde api khah chingnü nüsa khümkhitpü tüsho bekhitpü I nüsa lung lah.

WÜHKHE 14:9

Atungpuh azhihdü lang duwusu; tüsho lomi ching larü mihtsürü dütre, tümüde arübo isa thsungkheaknü yikhap ah; arü tsungdojihbuh Thrünpuh arü kheaknü akhinabahdo, tüsho Atungpuh isa lung lah; arübo dütre.”

MATHI 1:23

Kheahang, atsangkhitkhi khülang mübünkeangde akambah tüsho tsührü khülang zübebah, tüsho arünü api mung Immanuel de ajibah, ju amütsan, “Thrünpuh isa lung lah.”

ROMRÜ KILIM PAULNÜ ATHRÜTKHI KIHÜM HUHTANYU 3:5

Tüshe isa mihbukmuyukkhinü Thrünpuh thiyuro huhpü thsüsho, isanü tümü thaba? Apinü isa thsümüchichoki Thrünpuhnü amülim thsüchoh de isanü athakhukba de? (Inü mihtsürü ayannü thachoh.)

ROMRÜ KILIM PAULNÜ ATHRÜTKHI KIHÜM HUHTANYU 4:1

Dale tüsho isa jipürü Abraham dünkheak hadürü yimkhitkhi ching tümü thaba?

YUZÜNGTHALO 33:29

O Israel, nü asühpü! Shepü nü nangde la, Atungpuhnü khümkhitkhi mihtsürübo, nü rungpü thsungkheak tsung tüsho nünü akukpü thsungkheak thsühnuk! Thiriribonü nüsa miki mükhümde arübah; tüsho nüsanü arü düthsün kheak thrümbah.”

JIHUSUA 10:42

Tüsho Jihusuanü kiulongthsürübo tüsho ju lomi khülang kinü lukham, tümüde Atungpuh Israel Thrünpuhnü arü thsung thsüde keochih.

1 JOHAN 4:4

I tsührübo, nüsa Thrünpuh yo ah, tüsho arü kukdo; tümüde shepü nüsa kheak lanü alomi ching labuh kheaknü atobe ah.

1 SAMUEL 14:6

Jonathannü api thsühnuk hanbuh athrününgtsüngbuh ki tha, “ Arang, ike harü tsütamübahkhi thiriri boto kilim wutuanü; khükia Atungpuhnü ike thsung thsüde arhimobah; tümüde hihang yungsho nükang Atungpuhnü akhümkhitpü ching tümünü she müzhipdokhuk.”