ROMRÜ KILIM PAULNÜ ATHRÜTKHI KIHÜM HUHTANYU 8:30 - AMÜSÜH HÜM CL Bible (BSI)

³⁰ Tüsho apinü mokhita larü apinü ji; tüsho apinü jia larü alim mütsanjih; tüsho apinü alim mütsanjih-a larü apinü müretahshih.

ROMRÜ KILIM PAULNÜ ATHRÜTKHI KIHÜM HUHTANYU 8:30 Iomraidhean Croise

ISAIA 41:9

nü shepü inü alomi akheam chingnü alukhea, tüsho limshu amühit chingnü ajikhea, nü ki tha, “ Nü I yamlarü, inü nü mokhitdo tüsho nü mübahjih”;

JOHAN 17:22

Tüsho isa khülang lakhi nangde arübo khülang lapü thsüde nünü I kilim jihkhi müretah arü kilim jihdo:

JOHAN 17:24

Abuh, nünü I kilim jihrü she I lapung I lung lashihnelah, junangde nünü I kilim jihkhi I müretah ngübah; tümüde alomi khimtan müngühnü nünü I muzho.

JOHAN 5:24

Atsütsü inü nüsa ki thachoh, shepünü I yu anicho tüsho I thiyibuh kheak kinchonü akheam müla rhangdung lah, tüsho mahkhap ching marü, tüshe ashe chingnü hode rhangdung lim yüdo.

ROMRÜ KILIM PAULNÜ ATHRÜTKHI KIHÜM HUHTANYU 1:6

Jisu Khrista yo thsüpü jia larü bolung nüsa she belanü;

ROMRÜ KILIM PAULNÜ ATHRÜTKHI KIHÜM HUHTANYU 11:29

Tümüde Thrünpuh thsambahbo tüsho ajikhibo mululokhukbe ah.

ROMRÜ KILIM PAULNÜ ATHRÜTKHI KIHÜM HUHTANYU 8:1

Jumonü kheaküa Jisu Khrista ching larü thsungkheak abahyukkhi müla.

ROMRÜ KILIM PAULNÜ ATHRÜTKHI KIHÜM HUHTANYU 8:21

tümütüsho thrüna lakhi ju she athsümünim kuhi chingnü Thrünpuh tsührübo müretahkhi zuzu ching bekhitbah.

ROMRÜ KILIM PAULNÜ ATHRÜTKHI KIHÜM HUHTANYU 8:28

Api lümkhi yande jia larü, apinü amuzhorü ki lüpdükhi ching Thrünpuhnü atsü thsungkheak rhimochoh de isanü mükheahlah.

1 KORINT 1:2

Korint ching lakhi Thrünpuh borü, arü tüsho isa Atungpuh Jisu Khrista mung jikhi dangpung aban ching alala lung amüsührü thsüpü rukhüh jikhi Jisu Khrista ching tsangkhitrü kilim:

1 KORINT 1:9

Api tsührü isa Atungpuh Jisu Khrista arihako ching nüsa jikhi Thrünpuh ju thiyuro ah.

1 KORINT 2:7

Tüshe isanü aramyu tüsho rama lakhi Thrünpuh lümlung, isa müretahpü lünbo müngüh Thrünpuhnü athsakhamkhi isanü tha.

1 KORINT 6:11

Tüsho hadürü nüsa khürü lakheah. Tüshe Atungpuh Jisu Khrista tüsho isa Thrünpuh Me mung chingnü nüsa müsüh, tsangkhit tüsho alim kamshih.

2 KORINT 4:17

Tümüde ha anükhühkheak thsünükhi junü makekhukkhi akheam müla müretah isa thsungkheak thsakhamde lah.

GALATIA 1:15

Tüshe küyimki api amüthsüm hode I be buk chingnü I mokhitde ajibuh Thrünpuh asühkhinü,

GALATIA 1:6

Khrista amüthsüm ching nüsa jibuh nahde bahkhibah püpü thiyusheak-atsü lim tsokhi inü müyinsahchoh–

GALATIA 5:8

Ha athsungkhi ju nü jibuh kilimnü yung.

EFISIA 1:11

Lüpdükhi api lümthiyan yande rhimobah, api lümkhi yande akhujungkhinü, isanü api lung yamrüplurüp ngü,

EFISIA 1:5

Api lümkhi ayannü Jisu Khrista hode isa api tsührü thsüpü lümjung,

EFISIA 2:6

tüsho api lung isa asürüshih, tüsho Jisu Khrista lung yinmi kiulongthsübo ching binshih,

EFISIA 3:11

ha isa Atungpuh Jisu Khrista hode akuk ngüshihkhi lün yo lümkhi yande,

EFISIA 4:4

Nüsa mulonglam khülang ching jia lakhi nangde pang khülang tüsho Me khülang,

KOLOSI 3:4

Küyimki isa rhangdung lakhi, Khrista akhiukbanü, nü she müretahkhi ching api lung akhiukbah.

1 TESALONIKA 2:12

Isanü nüsa ki api kiulongthsü tüsho müretahkhi ching nüsa jibuh Thrünpuh ki thülünde rhangdung lapü mulong toshihdo, mulong shukheamdo, tüsho tuthsukde lado.

2 TIMOTHI 2:11

Athakhi ju thiyuro: Isa api lung shea lasho, isa she api lung labah;

IBRI 9:15

Jumonü api ju aso tangzüng limburü ah, junangde sherü jia lanü alokhikhi lün yamrüplurüp leangkhibah, tümütüsho akhuhbe tangzüng bukkhüp thsümünimkhi chingnü arü rhokhitpü ashekhi dünji.

1 PETER 2:9

Tüshe nüsa amokhitkhi trük, kiulongthsü amükeamrü, amüsüh trükshih, Thrünpuh mihtsürü, junangde amiting chingnü nüsa amüyinsahbe ayin ching jikhitkhi amüyinsahbe api rhimobo nüsanü akhipkhitbah.

1 PETER 3:9

Amütsü müthri amütsü düjihlo yungsho luhsho düluhlo; tüshe judübüdün a müngühjang, tümüde nüsanü müngühmühi ngüpü thsüde nüsa ha ching jikheah.

1 PETER 5:10

Tüsho nüsa thsünübah anükhüh dunglim, alala amüthsüm Thrünpuh, Khrista ching api lünnü müretah lim nüsa jibuhnü nüsa laloshihbah, arünkihshihbah tüsho düküngshihbah.

2 PETER 1:10

Jumonü keoniorübo, nü jikhi tüsho mokhitkhi mütsanpü alü künang, tümüde nünü ha rhimosho küyimkishe nü mülakphah.

AMIKHEAKAKHIUKKHI 17:14

arünü Namfimihnunu bede thirithsübah, tüsho Namfimihnununü arü kukbah, tümüde api ju atungrübo kurungkheak Atungrü tüsho kiulongthsürübo kurungkheak Kiulongthsürü, tüsho api lung larü ju ajikhi, amokhitkhi tüsho thiyuro lakhi ah.”

AMIKHEAKAKHIUKKHI 19:9

Yunirünü I ki tha, “Ha thrütang: Namfimihnunu yamkhün kamkhi thünio ching jiyukrü müngühmühi.” Tüsho apinü I ki tha, “Harü ha Thrünpuh thiyuro yubo ah.”