ROMRÜ KILIM PAULNÜ ATHRÜTKHI KIHÜM HUHTANYU 7:6 - AMÜSÜH HÜM CL Bible (BSI)

⁶ Tüshe kheakü isa rhüka lakhi ching shekhinü, yakzan chingnü zuzu kam, junangde thrüta lakhi awün ching yung tüshe Me aso ching isanü tankihchoh.

ROMRÜ KILIM PAULNÜ ATHRÜTKHI KIHÜM HUHTANYU 7:6 Iomraidhean Croise

EZEKIEL 11:19

Inü arü kheak mulong khülang jihbah tüsho arü kheak me aso khülang yukjihbah; inü arü shih chingnü lung mulong yihkhitbah tüsho arü kilim shihtsü mulong jihbah.

EZEKIEL 36:26

Inü mulong aso khülang nü kilim jihbah, tüsho me aso khülang nü kheak yukjihbah; tüsho inü nü pang chingnü lungto mulong yihkhitbah tüsho nü kilim shihtsü mulong khülang jihbah.

ROMRÜ KILIM PAULNÜ ATHRÜTKHI KIHÜM HUHTANYU 1:9

Api tsührü thiyusheak-atsü ching I menü atankihkhi Thrünpuh ju I thiyumütsan lah, junangde I tamkhüntamnü ching kamruhroro müdüchingde inü nüsa lümkhitchoh,

ROMRÜ KILIM PAULNÜ ATHRÜTKHI KIHÜM HUHTANYU 12:2

Ha lomi yakli yande düla tüshe nüsa lümkhi aso kamde thsüphuloang, junangde nüsanü Thrünpuh lümkhi tümü atsü a, aleangkhikhukbe a tüsho khiukdahkhi lanü amütsanbah.

ROMRÜ KILIM PAULNÜ ATHRÜTKHI KIHÜM HUHTANYU 6:11

Jumonü nüsa she neak ching shebah Jisu Khrista ching Thrünpuh kilim lakhi lümang.

ROMRÜ KILIM PAULNÜ ATHRÜTKHI KIHÜM HUHTANYU 6:19

Nüsa yakli mukhiukdahkhinü inü mihtsürü lalim yande thachoh. Khülangki nüsa pang shihcham mütsangkhitkhi tüsho amülim atobe lim jihkhi nangde kheakü nüsanü atsangkhitpü thsungkheak thiyuro-lungki lim jihang.

ROMRÜ KILIM PAULNÜ ATHRÜTKHI KIHÜM HUHTANYU 6:2

Jude yung! Isanü küde thsah neak ching shebah judü lang rhangdung lakhukpü?

ROMRÜ KILIM PAULNÜ ATHRÜTKHI KIHÜM HUHTANYU 6:22

Tüshe kheakü nüsa neak chingnü zuzu kam tüsho Thrünpuh yo azhorü kam, ju müthri nüsanü atsangkhitkhi ngü tüsho akheam ju lün rhangdung lah.

ROMRÜ KILIM PAULNÜ ATHRÜTKHI KIHÜM HUHTANYU 6:4

Jumonü ashekhi ching baptikhinü isa api lung kiuyukabah, junangde Abuh müretahkhi hode Khrista ashe chingnü asürüshihkhi ruk isa she rhangdung aso ching tsahbeah.

ROMRÜ KILIM PAULNÜ ATHRÜTKHI KIHÜM HUHTANYU 7:1

I keoniorübo, inü nüsa ki thapü lakhi tsükjide nüsanü anikhitbah, tümütüsho nüsa alalanü yakzan dünkheak mükheahlah. Arü la khiungde yakzannü mihtsürü kurungkheak yakzan shuhchoh.

ROMRÜ KILIM PAULNÜ ATHRÜTKHI KIHÜM HUHTANYU 7:2

Junangde arhangkhi liberü ju api la khiungde aniubuh kilim yakzannü rhüka labah; tüshe api shesho, api kilim rhüka lakhi yakzan chingnü alibe zuzu kamchoh.

ROMRÜ KILIM PAULNÜ ATHRÜTKHI KIHÜM HUHTANYU 7:4

Junangde, I keoniorübo, Khrista pang hode nüsa yakzan ching she, jude athsükhinü isanü Thrünpuh thsungkheak aso asopü thsüde ashekhi chingnü asürübuh kilim nüsa khülangnü khülang yo labah.

2 KORINT 3:6

Apinü isa ju yakzan thrütkhi yo yungde Me ching tangzüng aso tankihrü thsüpü thülünde kamshih; tümüde yakzan thrütkhinü laksahchoh, tüshe Menü rhangdung jihchoh.

2 KORINT 5:17

Jumonü khürü Khrista ching lasho, api aso thrünlokhi ah; awünbe hode tsodo, kheahang, aso arüdo.

GALATIA 3:13

Isa thsungkheaknü muthrumünean kamde yakzan muthrumünean chingnü Khristanü isa rhokhit, tümüde ha thrüta lah: “Shepü sangdung kheak zhinbanü muthrumünean.”

GALATIA 6:15

Tsütabahkhi yungsho tsütamübahkhi tümü she yung; aso thrünlokhi ju lang khechoh.

EFISIA 4:24

tüsho thiyuro-lungki tüsho amüsüh ching Thrünpuh kiphahkhi ching thrünkhi yakli aso khümyukang.

FILIPI 3:3

Tümüde isa ju me ching Thrünpuh kingaünrü, Jisu Khrista ching müretahrü, tüsho shih ching mulongram mülakhi thiyuro tsütabahkhi lah.

KOLOSI 3:10

tüsho athrünrü mejak yande mükheahmudu ching aso kamlokhi yakli aso yihbah.