ROMRÜ KILIM PAULNÜ ATHRÜTKHI KIHÜM HUHTANYU 7:15 - AMÜSÜH HÜM CL Bible (BSI)

¹⁵ Inü I rhimo manikhit. Tümüde inü akünkhi inü mürhimochoh, tüshe inü athraneankhi inü rhimochoh.

ROMRÜ KILIM PAULNÜ ATHRÜTKHI KIHÜM HUHTANYU 7:15 Iomraidhean Croise

1 KIULONG THSÜRÜ 8:46

“Arünü nü azhihde neak yihbeaksho–tümüde neak müyihbeakrü sheshe müla–tüsho arü kheak nü bukakhiukde thiriri kilim jihba, junangde arübo aramrü thsüde thiriri lomi ching limshu yungsho aphüni ching hande tsosho;

MUNGSHIKHÜN 1:6

tümüde Atungpuhnü thiyuro-lungkirü limro mükheahlah, tüshe mihbukmuyuk limro adükheakbah.

MUNGSHIKHÜN 101:3

Inü I mükbo ki mihbukmuyuk tümü muzo; akin mülarü rhimo inü thraneanlah; junü I kheak mükapkih.

MUNGSHIKHÜN 119:104

Nü yukhümbo hode inü anikhitkhi ngüchoh; jumonü inü arükchih limro alala thraneanlah.

MUNGSHIKHÜN 119:113

Inü lümtrüp thsükhi thraneanlah, tüshe inü nü yakzan muzholah.

MUNGSHIKHÜN 119:128

Jumonü lüpdükhi thsungkheak nü yukhüm alala alungki de inü lümchoh; amülim limro alala inü thraneanlah.

MUNGSHIKHÜN 119:163

Inü akeangyu thraneanlah, tüshe inü nü yakzan muzholah.

MUNGSHIKHÜN 119:32

Inü mulongde nü yukhümbo anibah, tümütüsho nünü anikhitkhi alü I kilim jihbah.

MUNGSHIKHÜN 119:40

Kheahang, inü nü yukhümbo mürheangde lah; nü thiyuro-lungki ching I thsüphulojang.

MUNGSHIKHÜN 19:12

Tüshe shenü nihbuh mülimkhi ngükhitkhukla? Rama lakhi alakmihkhibo chingnü I müsühjang.

MUNGSHIKHÜN 36:4

Api yapkiu ching yapde alachoki amütsü lümkhi asahchoh; tüsho apinü arhimokhi tümü she atsü müla, tüsho apinü küyimkishe amütsü mübahyuk.

MUNGSHIKHÜN 65:3

Küyimki neakbonü isa zhidoa lakheanü, nünü isanü alakmihkhibo neak bahjih.

MUNGSHIKHÜN 97:10

Nüsa sherünü Atungpuh muzholanü, amütsü thraneanang! Apinü api yo amüsührü mebo kümchoh; apinü mihbukmuyuk khah chingnü arü bekhitchoh.

MÜCHITMUDU 13:5

Thiyuro-lungkirünü arükchih thraneanchoh, tüshe mihbukmuyuknü achih tüsho mungchih hande arüchoh.

MÜCHITMUDU 8:13

Atungpuh trekhi ju amütsü thraneanpü ah; lülüshishi le akükheang tüsho amütsü limro le mülapmüji mün inü thraneanlah.

T H S AN GYU T H S AN GR ARÜ 7:20

Tsükjide shahde neak müyihbeakde atsü rhimopü alomi kheak khide thiyuro larü müla.

AMOS 5:15

Amütsü thraneanang tüsho atsü muzhoang, tüsho chipimurung ching thiyuro lashang; khükijua Atungpuh , Wuto Thrünpuhnü ha trükshih mihtsürü aningkhi kheak müthsümbah.

NAHUM 1:7

Atungpuh tsülah, küpkhuk nimung ching chipi khülang lah; api kheak tsoyukrü apinü kümchoh.

LUKNÜ ATHRÜTKHI THIYUSHEAK-ATSÜ HUHTANYU 11:48

Nüsanü nüsa buhrü rhimobo leangkhichoh de nüsanü thiyumütsan thsüchoh; tümüde arünü arübo laksah, tüsho nüsanü arü kiuyukbo thsüchoh.

JOHAN 15:15

Kheakü inü nüsa ki yamlarübo de müji, tümüde yamlarünü api putungrünü tümü rhimochonü mümükheah; tüshe inü nüsa ki müyamrübo de ji, tümüde inü I Buh kilimnü asokhi alala nüsa ki mükheahshihdo.

ROMRÜ KILIM PAULNÜ ATHRÜTKHI KIHÜM HUHTANYU 12:9

Amuzho ju thiyuro lashang; tümü amütsüanü thraneanang, tümü atsüanü düngde ramrihang;

ROMRÜ KILIM PAULNÜ ATHRÜTKHI KIHÜM HUHTANYU 14:22

Nü akin lakhi ju nü le Thrünpuh dükeak zoang; apinü am de alümkhi ching nihbuh küdah thsüde mübahyukrü asühpü.

ROMRÜ KILIM PAULNÜ ATHRÜTKHI KIHÜM HUHTANYU 7:16

Kheakü inü amükünkhi inü rhimosho, yakzan ju atsü ah de inü mulungchoh.

GALATIA 5:17

Tümüde shihnü Me azhihde künchoh; tüsho harü khülangnü khülang mübaplapachih, junangde nünü alümkhi rhimopü zhipdochoh.

2 TIMOTHI 2:19

Tüshe ha amütsan bede Thrünpuh yo adüküng khimtan zhiplah: “Sherü api yoanü Atungpuhnü mükheahlah,” tüsho, “Atungpuh mung jirü abannü amülim chingnü chamkhishang.”

IBRI 1:9

Nünü thiyuro-lungki muzhodo tüsho amülim thraneando; jumonü nü Thrünpuhnü nü müyamrübo kheaknü alü thsüde asühkhi müdangkenü nü mujujihdo.”

JAKOB 3:2

Tümüde isa alalanü hihde lakmihchoh, tüsho mihtsürü khülang apinü athakhi ching mülakmihsho api athülünkhi mihtsürü, pang she abümnü adanyukpü kukkhi lah.

JUDNÜ ATHRÜTKHI KIHÜM HUHTANYU 1:23

mo chingnü züngkhitde khürü khümkhitang; tüsho khürü ki trezung thsüde mihmüthsüm huhang, tüshe arü yüliyürakhi neakbonü amüneankhi khimmihbo thraneanang.