ROMRÜ KILIM PAULNÜ ATHRÜTKHI KIHÜM HUHTANYU 6:3 - AMÜSÜH HÜM CL Bible (BSI)

³ Isa alala Jisu Khrista ching baptirü ju api shekhi ching baptikheah de nüsanü mümükheah de?

ROMRÜ KILIM PAULNÜ ATHRÜTKHI KIHÜM HUHTANYU 6:3 Iomraidhean Croise

MATHI 28:19

Jumonü yüang tüsho Abuh, Atsührü tüsho Amüsüh Me mung chingnü baptide trükshih alala jingyanrübo kamshang,

YUNIRÜBO RHIMO 19:5

Ha sobah arünü Atungpuh Jisu mung chingnü bapti.

YUNIRÜBO RHIMO 2:38

Tüsho Peternü arü ki tha, “Nüsa mihbüm abannü nüsa neak bahpü thsungkheak Jisu Khrista mung chingnü mulong müthriang tüsho baptiang; tüsho nüsanü Amüsüh Me thsambah leangkhibah.

YUNIRÜBO RHIMO 8:16

tümütüsho arü she kheak she ju müyükihyi, tüshe Atungpuh Jisu mung chingnü khülang lang baptia lakheah.

ROMRÜ KILIM PAULNÜ ATHRÜTKHI KIHÜM HUHTANYU 6:16

Nünü ashe lim bekhi neak yungsho thiyuro-lungki lim bekhi mihyuanikhi, küpü ki mihyuanibanü ju azhorü kamchoh de mümükheah de?

ROMRÜ KILIM PAULNÜ ATHRÜTKHI KIHÜM HUHTANYU 6:8

Tüshe isa ju Khrista lung shekhülaa, isa she api lung labah de isanü kinchoh.

ROMRÜ KILIM PAULNÜ ATHRÜTKHI KIHÜM HUHTANYU 7:1

I keoniorübo, inü nüsa ki thapü lakhi tsükjide nüsanü anikhitbah, tümütüsho nüsa alalanü yakzan dünkheak mükheahlah. Arü la khiungde yakzannü mihtsürü kurungkheak yakzan shuhchoh.

1 KORINT 10:2

tüsho alala amo tüsho keto ching Mosa lung bapti,

1 KORINT 12:13

Tümütüsho Jihudarü yungsho Greekrü, azhorü yungsho zuzu larü thsüthsü isa alala pang khülang ching Me khülangnü baptijih tüsho Me khülang yungshih.

1 KORINT 15:29

Kheakü mihtsürübonü asherü thsung thsüde baptikhi amütsan tümü a? Asherü ju arhang mükamlobeasho, tümüde mihtsürübonü arü thsung thsüde baptikhea?

1 KORINT 3:16

Nüsa ju Thrünpuh arüngyam tüsho Thrünpuh Me nüsa kheak lachoh de nüsanü mümükheah de?

1 KORINT 5:6

Nüsa kükheangkhi ju atsü yung. Phaüm anikhühnü yikhap abümnü lamshihchoh de nüsanü mümükheah de?

1 KORINT 6:19

Nüsa pang ju Thrünpuh kilimnü arükhi nüsa kheak lakhi Amüsüh Me arüngyam ah de nüsanü mümükheah de? Nüsa ju nüsa nihbuh yo yung;

1 KORINT 6:9

Thiyuro-lungki mülarünü Thrünpuh kiulongthsü yamrüplurüp mulu de nüsanü mümükheah de? Dümülapyukshih; müzammüram, sangthsü kingaün, yüliyüra yungsho amakham müzammüram,

1 KORINT 9:13

Arüngyam ching rhimorübo arüngyam chingnü arü tsühyungbe ngüchoh tüsho kingaün sadam kheak tankihrü shuhmülanga kingaünkhi chingnü shihcham ngüchoh de nüsanü mümükheah de?

1 KORINT 9:24

Alihachihkhi ching alihrü alalanü alihchoh, tüshe khülangnü lang thsambah ngüchoh de nüsanü mümükheah de? Thsambah ngüpü thsüde alihang.

2 KORINT 13:5

Nüsa akin hode ramlola shi yungnü nüsa küdah thsüde rükakheahang. Nüsabo rükakheahang. Khrista nüsa kheak lah de nüsanü mülümkhitcho de? – nüsanü rükakheahpü lakphah-a lah yungsho!

GALATIA 3:27

Tümüde nüsa alala sherü Khrista ching baptikheanü nüsanü Khrista khümyukdo.

JAKOB 4:4

Mulong müzamrübo! Alomi lung müyamrü thsükhi ju Thrünpuh kilim thiriri ah de nüsanü mümükheah de? Jumonü shepünü alomi lung müyamrü thsüpü lümchonü api ju Thrünpuh riri kamchoh.

1 PETER 3:21

tüsho ha ke ju kheakü nüsa khümkhitkhi baptikhi amütsan lah–pang chingnü dükhüh throa bahkhi yung tüshe Thrünpuh kilim lümkhi atsünü thiyuchihchimkhi lah. Jisu Khrista arhang kamlokhi hode nüsa khümkhitchoh,