ROMRÜ KILIM PAULNÜ ATHRÜTKHI KIHÜM HUHTANYU 6:21 - AMÜSÜH HÜM CL Bible (BSI)

²¹ Dale tüsho kheakü nüsanü achihde alakhi rhimokhi chingnü nüsa tümü alü thsüde? Jurübo akheam ju ashekhi lah.

ROMRÜ KILIM PAULNÜ ATHRÜTKHI KIHÜM HUHTANYU 6:21 Iomraidhean Croise

1 KIULONG THSÜRÜ 2:26

Kiulongthsüpuhnü amükeambuh Abiathar ki tha, “Nü lomi lim, Anathoth ching yüang; tümüde nü asheshihpü thülünlah. Tüshe ha kim ching inü nü müsheshih, tümütüsho nünü I buh David müngüh Atungpuh T HRÜNPU H sangdan han, tüsho I buh thsünükhi alala ching nünü berungde alakheah.”

EZRA 9:6

tüsho inü tha, “O I Thrünpuh, nü miki I miro huhpü khide achihlah. I Thrünpuh, tümüde isa müneannü isa ku alapdo; tüsho athsümünimkhinü thüning khiungdo.

JOB HU H T ANYU 33:27

Apinü mihtsürübo kheahbah thachoh, “Inü neak yihbeak, tüsho alungki lakmih tüsho ju I kilim müjihlo.

JOB HU H T ANYU 40:4

Kheahang, I müthülün; inü nü ki tümü aloba? I khahnü I mün kheak hümlah.

JOB HU H T ANYU 42:6

Jumonü inü I mükhemükimchoh tüsho asungthulung le awahbo chingnü mulong müthrichoh.

MUNGSHIKHÜN 73:17

Thrünpuh arüngakopung ching I yüzahkhi khiungde; judüki mihbukmuyuk kheak tümü dünjibanü inü mükheah.

MÜCHITMUDU 1:31

jumonü nünü tümü thülünlanü ju nü ngübah, tüsho nü rhimobonü nü tukhsüshihbah.

MÜCHITMUDU 14:12

Mihtsürü ki limro khülang alungki nangde lah, tüshe ha akheam ju ashekhi lah.

MÜCHITMUDU 16:25

Mihtsürü ki limro khülang alungki nangde lah, tüshe akheam ju ashekhi lah.

ISAIA 3:10

Thiyuro larü ki arü kuhi lakhi thaang, tümüde arünü arü rhimokhi sangaso tsühbah.

JEREMIA 12:13

Arünü wheat hi yang tüshe ayangbo yimludo, arü keakzungdo tüshe tümü alü müla. Atungpuh bukakhiukkhi hode arü yimlukhi ching arü achihbah.

JEREMIA 17:10

I Atungpuhnü alala kilim arü limrobo ayannü, arü rhimobo ayannü ajihpü rükakichoh tüsho mulong yimchoh.

JEREMIA 3:3

Jumonü müngühmühi tsüngbo tholoabah, tüsho mükhean tsüngbo marü; nü a müzammüramrü miro ah, nünü machih.

JEREMIA 31:19

Tümüde I rholode atso dunglim I mulong müthri; inü anikhit dunglim inü I khüh yüm. I achih ngü tüsho mi müdünkhit tümütüsho I athunuchoki achihbe inü han.”

JEREMIA 8:12

Arünü machihde rhimodo, arünü athraneanbe yihbeak; tütüshe judü lang machih, arünü achihpüyak mümükheah. Jumonü sherü angakchonü ju lung arü angakbah; inü arü thsümüchichoki, arü akeamkhamshihbah, Atungpuhnü thachoh.

EZEKIEL 43:11

Küyimki arünü arhimokhi alala dünkheak arü achih ngübanü, arüngyam lümkhi tsangshukhi, ripitbo tüsho düküyukpung, tüsho kilüm alala–thiyuzüng alala, lümkhi athrünkhi tüsho yakzan alala arü ki mükheahshang; tüsho ju arü mük ki thrütang, junangde arünü angükhitbah tüsho lümkhi athrünkhi tüsho thiyuzüng alala arünü ayanbah.

DANIEL 12:2

Asherü ahihdo asürülobah: khürü akheam müla rhangdung labah, tüsho khürü achih ngükhi tüsho akheam müla abahyuk labah.

ROMRÜ KILIM PAULNÜ ATHRÜTKHI KIHÜM HUHTANYU 1:32

Sherünü jurü rhimobanü ashepü thülünlah de arünü Thrünpuh yakzan mükheahkheah she, arünü arhimokhi lang yung tüshe jurü rhimorü she alim jihchoh.

ROMRÜ KILIM PAULNÜ ATHRÜTKHI KIHÜM HUHTANYU 5:12

Jumonü mihtsürü khülang hode alomi ching neak tüsho neak hode ashepü arükhi nangde, mihtsürü alalanü neak yihbeakkhi nangde ashepü ju mihtsürü alala kheak bu.

ROMRÜ KILIM PAULNÜ ATHRÜTKHI KIHÜM HUHTANYU 6:16

Nünü ashe lim bekhi neak yungsho thiyuro-lungki lim bekhi mihyuanikhi, küpü ki mihyuanibanü ju azhorü kamchoh de mümükheah de?

ROMRÜ KILIM PAULNÜ ATHRÜTKHI KIHÜM HUHTANYU 6:23

Tümüde neak mihkhah ju ashekhi, tüshe Thrünpuh akeang thsambah ju Atungpuh Jisu Khrista ching lün rhangdung lah.

ROMRÜ KILIM PAULNÜ ATHRÜTKHI KIHÜM HUHTANYU 7:5

Küyimki isa shih ching lakheanü, yakzannü thurumusukhi neak ching asühbe isa pangbo ching rhimode la, junangde isanü ashepü aso asoshih.

ROMRÜ KILIM PAULNÜ ATHRÜTKHI KIHÜM HUHTANYU 8:13

Tümüde nüsanü shih ayannü lasho nüsa ashebah, tüshe nüsa Me hode pangnü arhimomihkhibo sheshihsho, nüsa arhang labah,

ROMRÜ KILIM PAULNÜ ATHRÜTKHI KIHÜM HUHTANYU 8:6

Shih kheak mulong zokhi ju ashekhi, tüshe Me kheak mulong zokhi ju rhangdung tüsho mungtsü.

2 KORINT 4:2

Ju müthri isanü müyima lakhi tüsho achihbe limrobo bahkhido; isanü mümülapmüji yungsho Thrünpuh yu arükchih mükamshih. Tüshe thiyuro thakhi ching Thrünpuh miki, mihtsürü aban ki isa tsülah dükhinü lah.

2 KORINT 7:11

Ha Thrünpuh lümkhi yande mulong tukthsükhinü nüsa kheak tümü akhiukshih-a lanü kheahang: azhihayihkhi, nüsa müsühde alapü mulongdakkhi, thiyuro, bukakhiukkhi, lamlamsahdo, künsahde, lümrhihpü, thiyuro rhimo kheahpü thsakham. Hadürü alala ching nüsa müsühde alakhi mütsan.

YUZÜNGTHALO 17:6

Shepü ashepü thülünlanü mahne yungsho mahsamnü thiyumütsan jihkhi hode asheshihbah tüshe thiyumütsan khülang hodünü a api müsheshih.

YUZÜNGTHALO 21:22

“Mihtsürü khülangnü ashepü thülünde neak yihbeakbahle api sheshihsho, tüsho nüsanü api sangdung kheak zhinsho,

FILIPI 3:19

Arü akheam ju athsümünim, arü thrünpuh ju buk, tüsho arü müretah ju arü achihbe, alomi kukrukbo kheak lümkhi zolah.

IBRI 10:29

Shepünü Thrünpuh tsührü jing khüp jungde, api tsangkhitkhi tangzüng thiyih müneankhea, tüsho amüthsüm Me mükhemükimrü küdükhüh she athsümüchipü thülünba de nüsanü lümcho?

IBRI 6:8

Tüshe ayangbo le thrümthrukbebo mukhuhsho, ju yihnüpü mülakhi tüsho muthrua bahpü thüninde lah; akheam ching a ju takabahpü lah.

JAKOB 1:15

Amütsü künkhi küyimki mihlabanü neak zübejihchoh; tüsho küyimki neak azorü kambanü ashepü handarüchoh.

JAKOB 5:20

ha lümkhitang: shepünü aneakrü api amülim limro chingnü belode arübanü ashe chingnü api me khümkhitbah tüsho mükhebinkhi neakbo mujumüyita bahjihbah.

1 PETER 4:17

Tümüde Thrünpuh yamkhün chingnü mahkhap tankihpü arüdo; tüsho ju isa kheaknü tankihsho, Thrünpuh thiyusheakatsü mihyumanirü küde akheam thsüba?

1 JOHAN 2:28

Tüsho kheakü azürübo, api kheak laang, junangde api amikheak akhiukchoki isa mulongram labah tüsho api arüchoki api miki achih müngü.

AMIKHEAKAKHIUKKHI 16:6

tümüde mihtsürübonü amüsührü tüsho wukihrübo thiyih bukshihdo, tüsho nünü arü ki thiyih yungshih. Ha arünü athülünkhi ah!

AMIKHEAKAKHIUKKHI 20:14

Judüki Ashe tüsho Thsümüchi ju modüjim ching jipyuk. Ha modüjim, mahnekipü shekhi lah;