ROMRÜ KILIM PAULNÜ ATHRÜTKHI KIHÜM HUHTANYU 6:2 - AMÜSÜH HÜM CL Bible (BSI)

² Jude yung! Isanü küde thsah neak ching shebah judü lang rhangdung lakhukpü?

ROMRÜ KILIM PAULNÜ ATHRÜTKHI KIHÜM HUHTANYU 6:2 Iomraidhean Croise

THRÜNTAN 39:9

Ha yam ching I hobah sheshe ato müla; yungsho I kheaknü tümü she tukloa muzo tüshe nü lang ah, tümütüsho nü api niube ah. Dale küde thsah inü ha amütsü ato rhimopü, tüsho Thrünpuh azhihde neak yihbeakpü?”

MUNGSHIKHÜN 119:104

Nü yukhümbo hode inü anikhitkhi ngüchoh; jumonü inü arükchih limro alala thraneanlah.

LUKNÜ ATHRÜTKHI THIYUSHEAK-ATSÜ HUHTANYU 20:16

Apinü arübah kurungasolu thsürübo ju alaksahbah tüsho kurungasolu ju püpürü kilim jihbah.” Tüsho mihtsürübonü ju sobah tha, “Küyimkishe jude düthsü shi!”

ROMRÜ KILIM PAULNÜ ATHRÜTKHI KIHÜM HUHTANYU 5:11

Ju lang yung, tüshe shepü hode kheakü isa tsüarihkhi leangkhia la, isa Atungpuh Jisu Khrista hode Thrünpuh lung she isa asühachihchoh.

ROMRÜ KILIM PAULNÜ ATHRÜTKHI KIHÜM HUHTANYU 6:15

Dale tüsho tümü a? Isa yakzan khüp müla tüshe mihmüthsüm khüp lamonü isanü neak yihbeakba shi? Jude yung!

ROMRÜ KILIM PAULNÜ ATHRÜTKHI KIHÜM HUHTANYU 7:4

Junangde, I keoniorübo, Khrista pang hode nüsa yakzan ching she, jude athsükhinü isanü Thrünpuh thsungkheak aso asopü thsüde ashekhi chingnü asürübuh kilim nüsa khülangnü khülang yo labah.

ROMRÜ KILIM PAULNÜ ATHRÜTKHI KIHÜM HUHTANYU 7:6

Tüshe kheakü isa rhüka lakhi ching shekhinü, yakzan chingnü zuzu kam, junangde thrüta lakhi awün ching yung tüshe Me aso ching isanü tankihchoh.

GALATIA 2:19

Tümüde inü Thrünpuh thsungkheak lapü thsüde yakzan hode yakzan ching I shedo.

GALATIA 6:14

Tüshe küpü hode alomi I lung, tüsho l alomi lung yümkihkhea, isa Atungpuh Jisu Khrista sangkim kheak hode akükheangpü I kheaknü limshuang.

KOLOSI 2:20

Khrista lung nüsa ha lomi yakliyakko ching shekheasho, nüsanü tümüde kheakü khiungde alomi yo nangde lacho le? Tümüde nüsanü hadürü yuzüngbo anicho,

KOLOSI 3:3

Tümüde nü shedo, tüsho nü ju Khrista lung rhangdung Thrünpuh kheak jika lah.

1 PETER 1:14

Mihyuanikhi tsührübo a le, nüsanü akhuhlim shihkünkhi kheak mulong düjih,

1 PETER 2:24

Isanü neak ching shebah thiyuro-lungki ching lapü thsüde apinü anihbuh pang chingnü sangdung kheak isa neakbo han. Api mübo hode nüsa thsüngu.

1 JOHAN 3:9

Thrünpuh tsührü shenü she neak müyihbeakchoh, tümüde api kheak Thrünpuh yakli lah, tüsho apinü neak yihbeakpü mukuk tümütüsho api ju Thrünpuh tsührü ah.