ROMRÜ KILIM PAULNÜ ATHRÜTKHI KIHÜM HUHTANYU 5:5 - AMÜSÜH HÜM CL Bible (BSI)

⁵ tüsho mulonglamnü isa müshangmangshih, tümütüsho isa kilim jihkhi Amüsüh Me hode Thrünpuh amuzho isa mulong ching yüzahshih.

ROMRÜ KILIM PAULNÜ ATHRÜTKHI KIHÜM HUHTANYU 5:5 Iomraidhean Croise

JOB HU H T ANYU 27:8

Rükthsürükheanrünü hihde alü thsüthsü she Thrünpuhnü api rhangdung lude tsosho api tümü la?

MUNGSHIKHÜN 119:116

I rhangdung lapü thsüde nü yu yande I tholojang; tüsho I mulonglam achih düngüshih.

ISAIA 49:23

Kiulongthsürübo ju nü kümmusurü buhrübo labah, tüsho arü niuberübo ju nü mütrürü berübo thsübah. Arü miro alo lim kheahbah arünü nü ki khukningbah, tüsho nü jing kheak asungthulung müleakbah. Judüki I Atungpuh de nünü amükheahbah; sherünü I aleangbanü achih müngüshih.”

EZEKIEL 36:25

Inü nü kheak ke amüsüh rhakkihbah, tüsho mümüsühkhibo chingnü nü müsühbah, tüsho nü sangthsübo alala chingnü inü nü müsühbah.

YUNIRÜBO RHIMO 10:45

Tüsho Peter lung arükhi tsütabahrü bolung akinrübonü müyinsah, tümütüsho khiungkerü kheak she Amüsüh Me dungkih.

YUNIRÜBO RHIMO 2:17

‘Tüsho akheam nimungbo ching ha labah, Thrünpuhnü khipkhitchoh, junangde inü mihtsürü alala kheak I me dungkihjihbah, tüsho nüsa tsührübo le tsührübebonü müchitbah, nüsa tsührü athunurübonü michihbo ngübah, tüsho ashinbuhrübonü milimbo mibah;

YUNIRÜBO RHIMO 2:33

Jumonü Thrünpuh khah tsülim shuhkihjihde, tüsho Amüsüh Menü alokhikhi Abuh kilimnü leangkhide, nüsanü angükhi tüsho asokhi ha apinü nüsa kheak dungkihjih.

ROMRÜ KILIM PAULNÜ ATHRÜTKHI KIHÜM HUHTANYU 1:7

Thrünpuhnü muzhokhi, amüsührü thsüpü jikhi Rom ching larü alala kilim: Isa Abuh Thrünpuh tüsho Atungpuh Jisu Khrista kilimnü nüsa amüthsüm tüsho mungtsü lashang.

ROMRÜ KILIM PAULNÜ ATHRÜTKHI KIHÜM HUHTANYU 8:28

Api lümkhi yande jia larü, apinü amuzhorü ki lüpdükhi ching Thrünpuhnü atsü thsungkheak rhimochoh de isanü mükheahlah.

ROMRÜ KILIM PAULNÜ ATHRÜTKHI KIHÜM HUHTANYU 9:33

ha thrüta lakhi nangde, “Kheahang, mihtsürübo jingmükhepü thsüde inü Zion ching lung khülang, arü keamshihbe lungto khülang zochoh; tüsho shepünü api kheak kinbanü achih müngüshih.”

1 KORINT 8:3

Tüshe khürünü Thrünpuh muzhosho, apinü anihbuh mükheahlah.

2 KORINT 1:22

apinü isa kheak mütsanyüm yihkih tüsho mütsanmükhi thsüde isa mulong ching api Me jih.

2 KORINT 13:14

Atungpuh Jisu Khrista amüthsüm, Thrünpuh amuzho tüsho Amüsüh Me arihako nüsa alala lung laang.

2 KORINT 3:18

Tüsho isa miro müyihdode Atungpuh müretah tahkihlode, Me lakhi Atungpuh kilimnü arükhi lünnü rünkihde ayükhi müretah lade api kiphahkhi ching müthriloa lah.

2 KORINT 4:6

Tümüde Thrünpuh, shepünü “Amiting chingnü ayin tahshang,” de athakheanü, Khrista miro ki Thrünpuh müretah mükheahmudu ayin isa kilim jihpü isa mulongbo ching api ayin tah.

GALATIA 4:6

Tüsho nüsa ju api tsührübo thsükhinü, Thrünpuhnü api tsührü Me nüsa mulongbo ching thiyibah, “Abuh, Abuh!” de zhichoh.

GALATIA 5:22

Tüsho Me sangaso ju amuzho, asühpü, mungtsü, arümkheam, tsüyihkhi, tsüde thiyuro lakhi,

EFISIA 1:13

Nüsanü akhümkhit thiyusheakatsü thiyuro so dunglim api kheak kin; kheaküshe nüsanü api kheak kinde, alokhikhi Amüsüh Menü amütsan yüm.

EFISIA 4:30

Arhokhitpü nimung thsungkheak nüsa yümkih-a lakhi Thrünpuh Amüsüh Me mulong dütukthsüshih.

FILIPI 1:20

inü mükkin thsükhi tüsho mulonglamkhi yande tümü ching she I achih müngü, tüshe mulong tode, kamruhroro nangde kheaküshe rhangdungnü yungsho ashepünü thsüthsü I pang ching Khrista wüntre labah.

1 TESALONIKA 4:8

Jumonü sherünü ha bahyukchonü mihtsürü yungde nüsa kilim Amüsüh Me jihbuh Thrünpuh bahyukchoh.

2 TESALONIKA 2:16

Kheakü isa Atungpuh Jisu Khrista tüsho isa muzhobuh tüsho amüthsüm hode isa kilim lünnü sühakhim tüsho atsü jihbuhnü,

2 TIMOTHI 1:12

jumonü harü dünkheaknü I thsünüchoh tüshe inü machih tümüde shepü kheak inü akinkheanü inü mükheahlah, tüsho api ki thiyikhi nimung khiungde apinü aheangpü kukbah de inü mütsanlah.

1 JOHAN 4:19

Isanü muzhochoh, tümütüsho apinü akhuhde isa muzho.