ROMRÜ KILIM PAULNÜ ATHRÜTKHI KIHÜM HUHTANYU 5:13 - AMÜSÜH HÜM CL Bible (BSI)

¹³ Yakzan müjihyide neak ju alomi ching lakheah, tüshe yakzan mülapung ching a neak ju mükhe.

ROMRÜ KILIM PAULNÜ ATHRÜTKHI KIHÜM HUHTANYU 5:13 Iomraidhean Croise

THRÜNTAN 13:13

Tüshe Sodom mihtsürübo hodakde mihbukmuyuk tüsho Atungpuh azhihde neak yihbeaka lakheah.

THRÜNTAN 18:20

Tüsho Atungpuhnü tha, “Tümütüsho Sodom tüsho Gomorra azhihde azhikhi tüsho arü neak tode lah,

THRÜNTAN 19:32

Arang, ikenü ike abuh yukhu yungshihanü tüsho api ki yapanü, junangde api mung jimulopü tsührü labah.”

THRÜNTAN 19:36

Junangde Lot tsührübe ane chido ane abuh hode khungarü lakheah.

THRÜNTAN 19:4

Arü ayappü müngüh Sodom kiuto amühit aban chingnü athunurü tüsho azorü mihtsürü alalanü thüyam zündo.

THRÜNTAN 38:10

Tüsho apinü arhimokhi ju Atungpuh miki mihbukmuyuk lakheah; jumonü apinü anihbuh she sheshih.

THRÜNTAN 38:7

Tüshe Juda tsührü adüjibuh Er ju Atungpuh miki mihbukmuyuk lakheah, tüsho Atungpuhnü api sheshih.

THRÜNTAN 6:11

Alomi ju Thrünpuh miki amütsü tüsho athsümünimnü mide alakheah.

THRÜNTAN 8:21

Atungpuhnü arhümthüneakhi münim tüsho api mulong chingnü tha: “Mihtsürü dünkheaknü, api azükinü mulong amütsü laa lalashe, kheaküa inü alo muthrumünean müthsü. Tüsho inü arhimokhi nangde rhangdung lakhi lorilokobo küyimkishe müdükheakshih.

ROMRÜ KILIM PAULNÜ ATHRÜTKHI KIHÜM HUHTANYU 3:20

Tümüde mihtsürü sheshe yakzan rhimokhinü api miki alim müthsü, tümütüsho yakzan hode neak mükheahkhi arüchoh.

ROMRÜ KILIM PAULNÜ ATHRÜTKHI KIHÜM HUHTANYU 4:15

tümütüsho yakzannü bukakhiuk hande arüchoh, tüshe küching yakzan mülanü athsümünim müla.

1 KORINT 15:56

Ashe thsünübe ju neak, tüsho neak wu ju yakzan.

1 JOHAN 3:14

Isanü keoniorü muzhokhinü ashe chingnü rhangdung lapü ching wukhiukdo de isanü mükheahlah. Shepünü mümuzhonü ashekhi ching lah.

1 JOHAN 3:4

Neak yihbeakrü abannü yakzan thsümünimkhi amülim lah; neak ju yakzan thsümünimkhi ah.