ROMRÜ KILIM PAULNÜ ATHRÜTKHI KIHÜM HUHTANYU 5:1 - AMÜSÜH HÜM CL Bible (BSI)

¹ Jumonü akin hode alim kamshihkhinü isa Tungpuh Jisu Khrista hode Thrünpuh lung isa mungtsü lah.

ROMRÜ KILIM PAULNÜ ATHRÜTKHI KIHÜM HUHTANYU 5:1 Iomraidhean Croise

JOB HU H T ANYU 21:21

Api khinu khekhi banshu api dunglim apinü api tsührübo thsungkheak tümü kümpü la?

MUNGSHIKHÜN 122:6

Jirusalem mungtsü thsungkheak tamkhüntamnüang: “Nü muzhorü latsühlayungde kamshang.

ISAIA 27:5

Yungsho hanü I kheak jikpü kapkihshang, junangde apinü I kheak mungtsü thsübah; tüsho apinü I kheak mungtsü thsübah.

ISAIA 32:17

Thiyurolungki rhimokhi ching mungtsü labah, tüsho thiyuro-lungki hode akhiukkhi ju lünnü keamram tüsho akinashu labah.

ISAIA 54:13

Nü tsührü alala Atungpuhnü thsangyubah, tüsho nü tsührü mungtsü tüsho latsühlayung labah.

ISAIA 55:12

Tümüde nü asühachihkhi ching wukhiukbah, tüsho mungtsü ching belodarübah; nü müngüh lakhi awungbo tüsho amujukbonü khün thsüde alanbah, tüsho thulu ching sangbo alalanü khah dambah.

HABAKKUK 2:4

Akükheangrü kheak kheahang! Arü me arü kheak mulungki, tüshe thiyuro-lungkirü arü akin hode alabah.

ZEKARIA 6:13

Atungpuh arüngyam thsüpü ju api labah; apinü kiulongthsü wüntrekhi hanbah; tüsho binbahle api kiulongthsübinkiu kheak yakzan shuhbah. Api kiulongthsü-binkiu ki ane dükeak mungtsü anikhitkhi amükeamrü khülang labah.

LUKNÜ ATHRÜTKHI THIYUSHEAK-ATSÜ HUHTANYU 19:38

“‘Atungpuh mung chingnü arükhi kiulongthsüpuh müngühmühi!’ Yinmi ching mungtsü tüsho achangbe ching müretah lashang!”

LUKNÜ ATHRÜTKHI THIYUSHEAK-ATSÜ HUHTANYU 19:42

tüsho tha, “Khihni ha nü kilim tümünü mungtsü hande arübanü nünü mükheahkhülaa! Tüshe jurü nü mükbo kinü jika lah.

LUKNÜ ATHRÜTKHI THIYUSHEAK-ATSÜ HUHTANYU 2:14

“Achangbe ching Thrünpuh müretahshang, tüshe shepü kheak apinü mulong keamchonü alomi ching mihtsürü bolung mungtsü lashang!”

JOHAN 14:27

Inü nüsa lung mungtsü zojihchoh, I yo mungtsü inü nüsa kilim jihchoh; alominü ajihkhi yung nangde inü nüsa kilim jihchoh. Nüsa mulong düthsümünim, yungsho dütre.

JOHAN 16:33

I kheak nüsa mungtsü lapü thsüde inü harü nüsa ki asukdo. Alomi ching nüsa thsümütsü-ato labah; tüshe mulong ato thsang, inü alomi kukdo!”

JOHAN 20:31

tüshe Jisu ju Khrista, Thrünpuh tsührü de nüsanü akinpü thsüde, tüsho akinkhi hode api mung ching nüsa rhangdung lapü thsüde harü thrüta lah.

JOHAN 5:24

Atsütsü inü nüsa ki thachoh, shepünü I yu anicho tüsho I thiyibuh kheak kinchonü akheam müla rhangdung lah, tüsho mahkhap ching marü, tüshe ashe chingnü hode rhangdung lim yüdo.

YUNIRÜBO RHIMO 10:36

Thrünpuhnü Jisu Khrista–api ju alala yo Atungpuh– hode mungtsü yusheak atsü zhiyukpü Israel kilim thiyusheak yüshihkhi nüsanü mükheahlah.

ROMRÜ KILIM PAULNÜ ATHRÜTKHI KIHÜM HUHTANYU 1:17

Tümüde ju ching Thrünpuh thiyuro-lungki ju akin chingnü akin hode akhiuka lah; ha thrüta lah, “Shepü thiyurolungkianü akin hode arhang alabah.”

ROMRÜ KILIM PAULNÜ ATHRÜTKHI KIHÜM HUHTANYU 1:7

Thrünpuhnü muzhokhi, amüsührü thsüpü jikhi Rom ching larü alala kilim: Isa Abuh Thrünpuh tüsho Atungpuh Jisu Khrista kilimnü nüsa amüthsüm tüsho mungtsü lashang.

ROMRÜ KILIM PAULNÜ ATHRÜTKHI KIHÜM HUHTANYU 10:10

Tümüde mihtsürünü api mulongnü kinchoh, junangde alim mütsando tüsho api münküpnü alokhichoh tüsho api khümkhit.

ROMRÜ KILIM PAULNÜ ATHRÜTKHI KIHÜM HUHTANYU 10:15

Tüsho arü thiyia mülasho mihtsürübonü küde thsah thsangyuthsangraba? Ha thrüta lah, “Thiyusheak atsü thsangyuthsangrarü jing küdükhüh she akhamla!”

ROMRÜ KILIM PAULNÜ ATHRÜTKHI KIHÜM HUHTANYU 14:17

Tümüde Thrünpuh kiulongthsü ju jim tüsho ayungbe yung tüshe Amüsüh Me ching thiyuro-lungki, mungtsü tüsho asühachihkhi lah;

ROMRÜ KILIM PAULNÜ ATHRÜTKHI KIHÜM HUHTANYU 15:13

Mulonglam Thrünpuhnü api kinkhi chingnü nüsa asühachih tüsho mungtsünü mishang, junangde Amüsüh wu hode nüsa mulonglam suhdahde alabah.

ROMRÜ KILIM PAULNÜ ATHRÜTKHI KIHÜM HUHTANYU 15:33

Mungtsü Thrünpuh nüsa alala lung laang. Amen.

ROMRÜ KILIM PAULNÜ ATHRÜTKHI KIHÜM HUHTANYU 3:22

Ha thiyuro-lungki ju Jisu Khrista ching akin hode akinrü alala kilim Thrünpuh kilimnü arüchoh. Ju ching büthsüde tümü müla,

ROMRÜ KILIM PAULNÜ ATHRÜTKHI KIHÜM HUHTANYU 3:30

tümütüsho Thrünpuh ju khülang ah; tüsho apinü tsütabahkhi tüsho tsütamübahkhi arü akin hode alim mütsanjihbah.

ROMRÜ KILIM PAULNÜ ATHRÜTKHI KIHÜM HUHTANYU 4:5

Tüsho shepü mürhimo tüshe amükinrü alim kamshihbuh kinrü kilim api akin ju thiyurolungki khejihchoh.

ROMRÜ KILIM PAULNÜ ATHRÜTKHI KIHÜM HUHTANYU 5:11

Ju lang yung, tüshe shepü hode kheakü isa tsüarihkhi leangkhia la, isa Atungpuh Jisu Khrista hode Thrünpuh lung she isa asühachihchoh.

ROMRÜ KILIM PAULNÜ ATHRÜTKHI KIHÜM HUHTANYU 5:18

Junangde khülangnü alakmihkhinü mihtsürü alala thsungkheak abahyukkhi nangde, khülangnü thiyuro-lungki rhimokhi hode mihtsürü alala thsungkheak rhangdung handarükhi alim mütsanjihchoh.

ROMRÜ KILIM PAULNÜ ATHRÜTKHI KIHÜM HUHTANYU 6:23

Tümüde neak mihkhah ju ashekhi, tüshe Thrünpuh akeang thsambah ju Atungpuh Jisu Khrista ching lün rhangdung lah.

ROMRÜ KILIM PAULNÜ ATHRÜTKHI KIHÜM HUHTANYU 9:30

Dale tüsho isanü tümü thaba? Junangde thiyuro-lungki mümüshamrü khiungkerünü akin hode thiyuro-lungki ngüdo;

GALATIA 2:16

yakzan yande arhimokhinü mihtsürü khülang ju alim mükamshih, tüshe Jisu Khrista kheak kinkhi hode ah de mükheahlah. Jumonü isa she Khrista kheak kinkhi hode alim kampü thsüde Jisu Khrista kheak kinchoh, tüsho yakzan rhimokhinü yung, tümütüsho yakzan rhimokhinü sheshe alim mükamshih.

GALATIA 3:25

Tüshe kheakü akin arükhinü, isa yakzan bukkhüp müla;

GALATIA 5:22

Tüsho Me sangaso ju amuzho, asühpü, mungtsü, arümkheam, tsüyihkhi, tsüde thiyuro lakhi,

EFISIA 2:7

junangde arübe lün ching Jisu Khrista ching isa muzhokhi makekhukbe api amüthsüm lakhitbo huhbah.

FILIPI 3:9

tüsho yakzan yande I küdahnü thiyuro-lungki kamkhi yung tüshe Khrista ching akin hode akin kheak ningkihkhi Thrünpuh kilimnü arükhi thiyuro-lungkinü I api kheak ngübah;

KOLOSI 1:20

tüsho alomi kheak yungsho yinmi ching thsüthsü, api sangkim thiyihnü mungtsü thsüde api hode anihbuh kheak tsüarihlo.

KOLOSI 3:15

Tüsho nüsa pang khülang ching jikhi, Khrista mungtsünü nüsa mulongbo ching yakzan shuhshang. Tüsho makshe jihde laang.

1 TESALONIKA 5:23

Thrünpuh mungtsünü nüsa abümnü tsangkhitshang; tüsho isa Atungpuh Jisu Khrista arüchoki nüsa me rhangdung tüsho pang areak mükihde zoang.

2 TESALONIKA 3:16

Kheakü mungtsü Atungpuhnü kim tüsho limro alala ching nüsa kilim mungtsü jihshang. Atungpuh nüsa alala lung laang.

IBRI 13:20

Lün tangzüng thiyih hode namfimihnu neakrü ato, Atungpuh Jisu Khrista ashe chingnü arhang kamloshihbuh Thrünpuh mungtsünü,