ROMRÜ KILIM PAULNÜ ATHRÜTKHI KIHÜM HUHTANYU 4:6 - AMÜSÜH HÜM CL Bible (BSI)

⁶ Junangde rhimo kheaknü büthsüde mihtsürü kilim Thrünpuhnü thiyuro-lungki khejihkhi Davidnü she müngühmühi tha:

ROMRÜ KILIM PAULNÜ ATHRÜTKHI KIHÜM HUHTANYU 4:6 Iomraidhean Croise

MUNGSHIKHÜN 112:1

Atungpuh shiang! Mihtsürü shepünü Atungpuh trecho, shepünü api yukhümbo ching tode asühchonü müngühmühi.

ISAIA 54:17

Nü azhihde athsükhi thsühnuk tümü she mütsüp, tüsho mahkhap ching nü azhihde athakhi yubo alala nünü alokhukbah. Ha Atungpuh yamlarü yamrüplurüp tüsho I kilimnü arü thiyuro-mütsan lah, Atungpuhnü thachoh.

JEREMIA 22:6

Tümüde Juda kiulongthsüpuh dünkheak Atungpuhnü ha thachoh: Nü a I ki Gilead nangde Lebanon wung nangde lah; tüshe nü sunglo, mihtsürü mülakhi kiuto kamshihpü inü thiyuchihchimchoh.

JEREMIA 33:16

Ju nimungbo ching Juda khümkhitbah tüsho Jirusalem sühakhim ching labah. Tüsho arünü tamde ajipü mung ha: “Atungpuh ju isa thiyuro-lungki.”

DANIEL 9:24

“Thünenü shu nerü kambo ju nü mihtsürü tüsho amüsüh kiuto thsungkheak akhua zojihlah: alakmihkhi banshihpü, neak kheamshihpü, amülim dünthsükhipü, lün thsungkheak thiyuro-lungki hanyukpü, michih tüsho wukihrü chido yümdopü, tüsho khide Amüsüh Dangpung müsükhitpü lah.

MATHI 25:19

“Kim ashang dunglim jurü yamlarübo putungrü arü tüsho arübo lung khezükhedode mütsanmüküh.

ROMRÜ KILIM PAULNÜ ATHRÜTKHI KIHÜM HUHTANYU 1:17

Tümüde ju ching Thrünpuh thiyuro-lungki ju akin chingnü akin hode akhiuka lah; ha thrüta lah, “Shepü thiyurolungkianü akin hode arhang alabah.”

ROMRÜ KILIM PAULNÜ ATHRÜTKHI KIHÜM HUHTANYU 3:27

Dale tüsho isa lülüshishikhi tümü kamcho? Tümü müla! Ha thsungkheak amütsan tümü a? Isanü yakzan animonüa shi? Yung, tüshe isanü akinkhinü ah.

ROMRÜ KILIM PAULNÜ ATHRÜTKHI KIHÜM HUHTANYU 4:11

Apinü tsütabahkhi ju api tsütamübahyichoki akin hode alakhi thiyuro-lungki amütsan yungsho mütsanyüm khülang nangde leangkhi. Jumonü api ju tsütamübahde akinrü alala abuh ah, junangde arü ki thiyurolungki khejihbah.

ROMRÜ KILIM PAULNÜ ATHRÜTKHI KIHÜM HUHTANYU 4:24

tüshe isa thsungkheak she ah. Isa Tungpuh Jisu ashe chingnü arhang kamloshihbuh Thrünpuh kheak kinrü isa ki khejihbah.

ROMRÜ KILIM PAULNÜ ATHRÜTKHI KIHÜM HUHTANYU 4:5

Tüsho shepü mürhimo tüshe amükinrü alim kamshihbuh kinrü kilim api akin ju thiyurolungki khejihchoh.

ROMRÜ KILIM PAULNÜ ATHRÜTKHI KIHÜM HUHTANYU 4:7

“Shepü amülimbo bahjihcho, tüsho shepü neakbo lüpdojihchonü müngühmühi;

ROMRÜ KILIM PAULNÜ ATHRÜTKHI KIHÜM HUHTANYU 4:9

Ha müngühmühi ju tsütabahrü ki lang akhipkhitkhea shi, tsütamübahrü ki she a? Akin ju Abraham kilim thiyuro-lungki khejih de isanü thachoh.

1 KORINT 1:30

Api ju Thrünpuhnü isa lümlung, isa thiyuro-lungki, atsangkhitrü tüsho rhokhitrü kamshihbuh Jisu Khrista ching nüsa rhangdung limro ah;

2 KORINT 5:21

Tümüde isa ju api lung Thrünpuh yo thiyuro-lungkirü kampü thsüde apinü isa dünkheaknü neak mümükheahbuh neak yihbeakshih.

GALATIA 3:14

Abraham kilim jihkhi müngühmühi Jisu Khrista hode khiungkerü kheak arüpü thsüde apinü isa rhokhit, junangde akin hode isanü Menü alokhikhi leangkhibah.

GALATIA 4:15

Nüsa asühkhi tümü kama la? Kukkhülaa nüsanü nüsa mükjibo khünkhita I kilim jihbah de inü nüsa ki thiyumütsan thsüchoh.

EFISIA 1:3

Yinmi kiulongthsü ching me müngühmühibo Khrista ching isa müngühjihbuh, isa Atungpuh Jisu Khrista Abuh Thrünpuh shiang.

YUZÜNGTHALO 33:29

O Israel, nü asühpü! Shepü nü nangde la, Atungpuhnü khümkhitkhi mihtsürübo, nü rungpü thsungkheak tsung tüsho nünü akukpü thsungkheak thsühnuk! Thiriribonü nüsa miki mükhümde arübah; tüsho nüsanü arü düthsün kheak thrümbah.”

FILIPI 3:9

tüsho yakzan yande I küdahnü thiyuro-lungki kamkhi yung tüshe Khrista ching akin hode akin kheak ningkihkhi Thrünpuh kilimnü arükhi thiyuro-lungkinü I api kheak ngübah;

2 TIMOTHI 1:9

shepünü isa khümkhit, tüsho amüsüh jikhi ching isa jikhea, isa rhimobo dünkheaknü yung, tüshe api lümkhi tüsho adüso kambo ching Jisu Khrista hode apinü isa kilim jihkhi amüthsüm dünkheaknü,

JAKOB 2:18

Tüshe khürünü athabah, “Nü akin lah tüsho I a rhimobo lah.” Nü rhimobo mübede I ki nü akin huhang, tüsho I rhimobo hode inü nü ki I akin huhbah.

2 PETER 1:1

Jisu Khrista tankihrü tüsho amüsüh-thsangyurü Simon Peter kilimnü, Isa Thrünpuh tüsho akhümkhitrü Jisu Khrista thiyuro-lungki ching isa thülünde akin larübo kilim: