ROMRÜ KILIM PAULNÜ ATHRÜTKHI KIHÜM HUHTANYU 4:20 - AMÜSÜH HÜM CL Bible (BSI)

²⁰ Thrünpuhnü alokhikhi dünkheak apinü akin müniukniuk, tüshe api akin ching düküngde kam tüsho Thrünpuh müretahshih.

ROMRÜ KILIM PAULNÜ ATHRÜTKHI KIHÜM HUHTANYU 4:20 Iomraidhean Croise

THRÜNTAN 15:6

Abramnü Atungpuh kheak kin, tüsho api kilim anihbuh ju thiyuro-lungki khejih.

2 KIULONG THSÜRÜ 7:19

wühkenobuhnü Thrünpuh mihtsürü ki tha, “Atungpuhnü thüning ching ayinripit thsüthsü she, hadürü dünjiba de?” Tüsho apinü alo, “Nünü ju nü mükbonü angübah, tüshe nünü jurü mütsüh.”

2 KIULONG THSÜRÜ 7:2

Judüki kiulongthsüpuh miki arüde alakhi wühkenobuhnü Thrünpuh mihtsürü ki tha, “Atungpuhnü yinmi ching ayinripit thsüthsü she, hadürü dünjikhukba de?” Tüshe apinü tha, “Nünü ju nü müknü angübah, tüshe nünü jurü mütsüh.”

ISAIA 35:4

Mulong ajande alarü ki thaang, “ Reangzahang, dütre! Ha ching nüsa Thrünpuh lah. Apinü atrebe thsüde athrihlopü royimjihpü arübah. Api arübah tüsho nüsa khümkhitbah.”

ISAIA 7:9

Ephraim ku ju Samaria, tüsho Samaria ku ju Remalia tsührü. Nünü akin ching düküngde müzhipsho, nü judü lang müzhip.

DANIEL 10:19

Apinü tha, “Dütre, tode muzhodakbuh, nü mungtsü laang. Reangzahang tüsho mulong toang!” Küyimki apinü I ki asukkhea, I reangzahde kam tüsho tha, “ I tungpuhnü asukang, tümüde nünü I reangzahde kamshihdo.”

DANIEL 11:32

Tangzüng bahyukrü ki apinü rüknü abephülapbah; tüshe Thrünpuh ki thiyuro larünü düküngde api thsolobah.

HAGGAI 2:4

Tütüshe kheakü mulong toang, O Zerubbabel, Atungpuhnü thachoh; mulong toang, O Jihusua, Jehozadak tsührü, achangbe amükeambuh; mulong toang, nüsa lomi mihtsürü alala, Atungpuhnü thachoh; rhimoang, tümüde I nüsa lung lah, Wuto Atungpuhnü thachoh,

ZEKARIA 8:13

Nüsa trükshih bolung muthrumüneankhi lakhi nangde, O Juda tüsho Israel yamkhün, junangde inü nüsa khümkhitbah tüsho nüsa müngühmühi labah. Dütre, tüshe nüsa khahbo mürangde laang.

ZEKARIA 8:9

Wuto Atungpuhnü ha thachoh: Mulong toang! I yo arüngyam thsülopü thsungkheak khimtan thsüchoki wukihrübonü asukkhi yubo nüsanü kheakü sode lah.

MATHI 9:8

Küyimki botonü ju ngükhea, arünü müyinsah, tüsho mihtsürü kilim hadürü wu jihbuh Thrünpuh shijih.

LUKNÜ ATHRÜTKHI THIYUSHEAK-ATSÜ HUHTANYU 1:18

Zakarianü yunirü ki tha, “Ha inü küde amükheahba? Tümüde I lel niube khide shina lah.”

LUKNÜ ATHRÜTKHI THIYUSHEAK-ATSÜ HUHTANYU 1:45

Alibe shepünü akin lachonü müngühmühi, tümüde Atungpuh kilimnü anihbe ki thakhibo adünjibah.”

1 KORINT 16:13

Kurhangang, akin ching düküngde zhipang, mulong toang, reangzahang.

2 KORINT 12:10

Jumonü Khrista dünkheaknü inü reangmüzahkhi, mükhemükim, küpkhuk, thsümüchi, tüsho thsümütsübo kheak reangkeamlah; tümüde küyimki I reangmüzahbanü, I sühmüh lah.

EFISIA 6:10

Akheamde, Atungpuh tüsho wuto sühmüh ching düküngang.

2 TIMOTHI 2:1

Jumonü I tsah-a, Jisu Khrista kheak lakhi amüthsüm ching düküngang,

1 SAMUEL 30:6

David a khide atrebe ching lakheah; tümüde mihtsürübonü api lungnü arupü tha, tümütüsho arü tsührübo thsungkheaknü mihtsürübo mulong thsümünimde alakheah. Tüshe Davidnü Atungpuh api Thrünpuh kheak azangrü reangzahlo.