ROMRÜ KILIM PAULNÜ ATHRÜTKHI KIHÜM HUHTANYU 3:4 - AMÜSÜH HÜM CL Bible (BSI)

⁴ Jude yung! Ha thrüta lakhi nangde mihtsürü aban arükchih lalashe Thrünpuh a thiyuro lashang, “Nünü athachoki nü alim huhbah tüsho nü mahkhapchoki akuk ngübah.”

ROMRÜ KILIM PAULNÜ ATHRÜTKHI KIHÜM HUHTANYU 3:4 Iomraidhean Croise

JOB HU H T ANYU 36:3

Inü I mükheahmudu limshu chingnü hande arübah, tüsho I Thrünrü thiyuro de ahuhbah.

JOB HU H T ANYU 40:8

Nünü I she amülim kamshihba de? Nü thiyuro thsüpü thsungkheak I bahyukba de?

MUNGSHIKHÜN 100:5

Tümüde Atungpuh tsülah; api amüthsüm akheam müla, tüsho api thiyuro lünbo alala ching rünkhiungde lah.

MUNGSHIKHÜN 116:11

Inü niokheamde tha, “Mihtsürü alala akeangyu tharü ah.”

MUNGSHIKHÜN 119:160

Nü yu abümnü thiyuro ah, tüsho nü thiyuro-lungki mahkhapkhibo lünnü rünkhiungde lah.

MUNGSHIKHÜN 138:2

Inü nü amüsüh arüngyam lim kingaünbah, tüsho nü muzho tüsho nü thiyuro dünkheak nü mung shibah; tümüde nünü nü mung alala kurungkheak nü yu thushihdo.

MUNGSHIKHÜN 51:4

Nü azhihdü lang inü neak yihbeakdo, tüsho nü miki tümü amütsüanü rhimodo. Junangde nünü asukchoki nü alim ngübah; tüsho nünü mahkhapchoki amudopü müla.

MUNGSHIKHÜN 62:9

Abobe mihtsürü ju sheak khülang ah, achangbe mihtsürü ju keangtha ah; arübo wuhzhin kheak adünsho, arü rukhüh sheak kheaknü ahiphipbe labah.

MIKA 7:20

Nünü awün nimungbo ching isa jipürü ki thiyuchihchimkhi nangde Jakob ki thiyuro tüsho Abraham ki mihmüthsüm huhbah.

MATHI 11:19

Mihtsürü Tsührü tsühyungde arü, tüsho arünü thachoh, ‘Kheahang, ha ching bukchihrü tüsho amüshangrü, ruk-threrü tüsho aneakrübo müyamrü khülang lah.’ Tüshe Thrünpuh lümlung ju arhimonü alim mütsanchoh.”

LUKNÜ ATHRÜTKHI THIYUSHEAK-ATSÜ HUHTANYU 20:16

Apinü arübah kurungasolu thsürübo ju alaksahbah tüsho kurungasolu ju püpürü kilim jihbah.” Tüsho mihtsürübonü ju sobah tha, “Küyimkishe jude düthsü shi!”

JOHAN 3:33

Shepünü api yusheak leangkhichonü Thrünpuh ju thiyuro de junü adüngakhi thsüchoh.

ROMRÜ KILIM PAULNÜ ATHRÜTKHI KIHÜM HUHTANYU 11:1

Dale tüsho inü keokhichoh: Thrünpuhnü api mihtsürü bahyukdü de? Jude yung! I she Israelrü, Abraham tsühsoniuso, Benjamin trük kheyukrü ah.

ROMRÜ KILIM PAULNÜ ATHRÜTKHI KIHÜM HUHTANYU 11:11

Jumonü inü keokhichoh, arü angakpü jingmükhedü de? Jude yung! Tüshe Israel mükthsüshihpü thsüde arünü alakmihkhi hode khiungkerü kilim akhümkhit arü.

ROMRÜ KILIM PAULNÜ ATHRÜTKHI KIHÜM HUHTANYU 3:31

Dale tüsho ha akin hode yakzan isanü bahkhicho de? Jude yung! Judübüdün a, isanü yakzan shuhchoh.

ROMRÜ KILIM PAULNÜ ATHRÜTKHI KIHÜM HUHTANYU 6:15

Dale tüsho tümü a? Isa yakzan khüp müla tüshe mihmüthsüm khüp lamonü isanü neak yihbeakba shi? Jude yung!

ROMRÜ KILIM PAULNÜ ATHRÜTKHI KIHÜM HUHTANYU 6:2

Jude yung! Isanü küde thsah neak ching shebah judü lang rhangdung lakhukpü?

ROMRÜ KILIM PAULNÜ ATHRÜTKHI KIHÜM HUHTANYU 7:13

Dale tüsho küpü atsüanü junü I kilim ashepü hande arükhea shi? Jude yung! Tümü atsüanü ju hode neaknü I kheak ashebe rhimo, junangde neak ju neak ah de tüsho thiyuzüng hode neak ju amütsübe neak de ahuhpü lakheah.

ROMRÜ KILIM PAULNÜ ATHRÜTKHI KIHÜM HUHTANYU 7:7

Dale tüsho isanü tümü thaba? Yakzan ju neak a de? Jude yung! Tütüshe yakzan hode yungkhülaa inü neak mümükheah-a labah. Yakzannü, “Nünü düyihnelune,” de müthakhülaa inü mümükheahpü lakheah.

ROMRÜ KILIM PAULNÜ ATHRÜTKHI KIHÜM HUHTANYU 9:14

Dale tüsho isanü tümü thaba? Thrünpuh kilim jakkheahkhi la shi? Jude yung!

1 KORINT 6:15

Nüsa pangbo ju Khrista pang ching shihchambo ah de nüsanü mümükheah de? Inü Khrista pang shihcham khülang lubah müzammüramrü pang lung shihcham kamshihba shi? Küyimkishe yung!

2 KORINT 1:18

Atsütsü Thrünpuh ju thiyuro lakhinü, nüsa kilim isa yu “Am” tüsho “Yung” de mülakheah.

GALATIA 2:17

Tüshe isanü Khrista hode alim kampü yimchoki, isa ju aneakrü nangde kamchoh, ju amütsan Khristanü neak bushihcho de? Jude yung!

GALATIA 2:21

Inü Thrünpuh amüthsüm akeangkeang mükamshih; tümüde alim mütsankhi ju yakzan hode lakhülaa, Khrista shekhi amütsan mülabah.

GALATIA 6:14

Tüshe küpü hode alomi I lung, tüsho l alomi lung yümkihkhea, isa Atungpuh Jisu Khrista sangkim kheak hode akükheangpü I kheaknü limshuang.

YUZÜNGTHALO 32:4

Api ju lung, api rhimo khiukdahlah; tümüde api limro alala alungki. Athülünkhi Thrünpuh tüsho amülim mülakhi, api alungki tüsho dükde lah.

1 TIMOTHI 3:16

Isanü alokhikhi isa kingaün aramyu ato lah: Api shih ching akhiuk, me ching alim mütsanjih, yunirübonü ngü, trükshih bolung thsangyuthsangra, alomi alala chingnü kin, müretahkhi ching bekih-a lu.

TITA 1:2

küyimkishe akeangyu müthabuh Thrünpuhnü adüso alokhikhi lün rhangdung mulonglam ching

IBRI 6:18

junangde Thrünpuhnü akeangyu müthakhukbe, mümüthrikhukpü mungji mahne hode isa kilim jihkhi mulonglam kheak ramrihpü isa shande ayürü khide mulong toshihbah.

1 JOHAN 5:10

Shepünü Thrünpuh tsührü kinchonü amulong ching ha thiyumütsan lah. Shepünü Thrünpuh mükinnü api akeangyu tharü kamshihdo, tümütüsho Thrünpuhnü atsührü dünkheak thiyumütsan thsükhi ching apinü mükin.

1 JOHAN 5:20

Thrünpuh tsührü arüdo tüsho thiyuro lakhi api mükheahpü isa kilim anikhitkhi jihdo de isanü mükheahlah; tüsho thiyuro lakhi, api tsührü Jisu Khrista kheak isa lah. Ha thiyuro Thrünpuh tüsho lün rhangdung.

AMIKHEAKAKHIUKKHI 3:7

“Tüsho Philadelphia ching borü yunirü kilim thrütang: ‘Amüsüh tüsho thiyuro, David yo amükhipbe shuhbuh yubo. Apinü tümü khimshuhchonü shenü mürihkhuk, tüsho apinü tümü rihchonü shenü mükhimshuhkhuk.