ROMRÜ KILIM PAULNÜ ATHRÜTKHI KIHÜM HUHTANYU 2:9 - AMÜSÜH HÜM CL Bible (BSI)

⁹ Amütsü rhimorü mihtsürü aban akhuhde Jihudarü tüsho Greekrü thsungkheak thsümütsü tüsho lümthsünü labah;

ROMRÜ KILIM PAULNÜ ATHRÜTKHI KIHÜM HUHTANYU 2:9 Iomraidhean Croise

2 KIUTHSÜYUKHEAN 6:23

nünü yinmi chingnü sojang, rhimoang tüsho nü yamlarübo mahkhapang, amülim larübo ki arü thülünkhinü thsümüchiang tüsho thiyuro larübo dükheang.

MUNGSHIKHÜN 32:10

Mihbukmuyuk kilim mulong rozhak ahihdo labah; tüshe shepü Atungpuh kheak kinchonü mihmüthsümnü api mükamdobah.

MÜCHITMUDU 11:23

Thiyuro-lungkirünü alunekhi ju atsü lang ah, tüshe mihbukmuyuk mükkin thsükhi ju mulong zhipzhip ah.

EZEKIEL 18:4

Tümüde arhang lakhi me aban I yo ah, buhrü tüsho tsührü–ane chido I yo ah. Me küpünü neak yihbeakchonü ashebah.

EZEKIEL 22:31

Jumonü inü arü kheak I mulong zhipzhip dungkihkheah; arü rhimo dünkheak I bukakhiukkhi monü inü arü thsümünimbah; Atungpuh Thrünpuhnü thachoh.

AMOS 3:2

Alomi ching yamkhün alala lung inü nü lang mükheahlah; jumonü nü neak alala dünkheak inü nü thsümüchibah.

MATHI 16:26

Mihtsürü khülangnü alomiküp athrünkhi kuka lubah anihbuh me dükheaksho api tümü alü thsüba? Yungsho mihtsürü khülangnü nihbuh me müthri tümü jihba?

LUKNÜ ATHRÜTKHI THIYUSHEAK-ATSÜ HUHTANYU 24:47

junangde mulong müthripü tüsho neak bahpü api mung chingnü Jirusalem chingnü tankihbah trükshih alala ki thsangyuthsangrabah.

YUNIRÜBO RHIMO 11:18

Küyimki arünü ha sokheanü zhikde kamabah. Tüsho arünü Thrünpuh müretahde tha, “Judüasho khiungkerü kilim she Thrünpuhnü rhangdung lapü mulong müthrishihpü mülüjih-a lah.”

YUNIRÜBO RHIMO 13:26

“Keoniorübo, Abraham yamkhün tsührübo, tüsho nüsa bolung Thrünpuh trerübo, ha akhümkhit yu isa kilim arüshihdo.

YUNIRÜBO RHIMO 20:21

mulong müthride Thrünpuh kilim rholopü tüsho isa Atungpuh Jisu kheak akin lashihpü Jihudarü tüsho Greekrü chido ki inü thiyumütsan thsü.

YUNIRÜBO RHIMO 26:20

tüshe akhuhde Damaska ching larü ki, jushu Jirusalem le Judea lomi alala ching, tüsho khiungkerü ki arünü mulong müthride Thrünpuh kilim rholobah ju thülünde rhimo rhimopü thsüde thsangyuthsangra.

YUNIRÜBO RHIMO 28:17

Nimung mahsam dunglim apinü Jihudarü limberübo jimukhung; tüsho küyimki arübo mukhungkhea, apinü arü ki tha, “Keoniorübo, inü I mihtsürü yungsho isa jipürü yakli azhihde tümü mürhimomo she Jirusalem ching I ram tüsho Romrü kilim jih.

YUNIRÜBO RHIMO 28:28

“Junangde ha Thrünpuh akhümkhit khiungkerü kilim yüshihdo de nüsanü mükheahang.”

YUNIRÜBO RHIMO 3:26

Thrünpuhnü api yamlarü mokhita, nüsa mihbüm aban amülimbo chingnü rholode müngühshihpü nüsa kilim akhuhde arüshih.”

ROMRÜ KILIM PAULNÜ ATHRÜTKHI KIHÜM HUHTANYU 1:16

Tümütüsho inü thiyusheakatsü dünkheak machih: ha akin larü aban kilim akhuhde Jihudarü tüsho Greekrü kilim akhümkhit thsungkheak Thrünpuh wu lah.

ROMRÜ KILIM PAULNÜ ATHRÜTKHI KIHÜM HUHTANYU 10:12

Tümüde Jihudarübo le Greekrü dükeak achamnak müla; ju Atungpuh alala Tungpuh tüsho api mung jirü alala kilim api lakhitbo jihchoh.

ROMRÜ KILIM PAULNÜ ATHRÜTKHI KIHÜM HUHTANYU 2:10

tüshe atsü rhimorü aban, akhuhde Jihudarü tüsho Greekrü thsungkheak müretah, wüntre tüsho mungtsü labah.

ROMRÜ KILIM PAULNÜ ATHRÜTKHI KIHÜM HUHTANYU 8:35

Shepünü Khrista amuzho chingnü isa chamkhiba? Thsümütsü-ato, lümthsünü, thsümüchi, khümzung, bünkeang, atrebe yungsho thsühnuk a shi?

ROMRÜ KILIM PAULNÜ ATHRÜTKHI KIHÜM HUHTANYU 9:24

Tümüde isa ju Jihudarü chingnü lang yungde khiungkerü chingnü she apinü ajikhi mihtsürübo ah.

GALATIA 3:28

Jumonü Jihudarü yungsho Greek, azhorü yungsho zuzu, athrürü yungsho aliberü dükeak tümü büthsüde müla; tümüde nüsa alala Jisu Khrista ching khülang ah.

KOLOSI 3:11

Ha ching Greek tüsho Jehudarü, tsütabahkhi tüsho tsütamübahkhi, yakzan mülakhi mihtsürü, yakli mümükheahrü, azhorü tüsho zuzu de müla, tüshe Khrista ju alala, tüsho alala ching lah.

2 TESALONIKA 1:6

Tümütüsho Thrünpuh ju thiyuro lakhinü sherünü nüsa küpkhuk jihbanü apinü küpkhuk jihlobah,

1 PETER 4:17

Tümüde Thrünpuh yamkhün chingnü mahkhap tankihpü arüdo; tüsho ju isa kheaknü tankihsho, Thrünpuh thiyusheakatsü mihyumanirü küde akheam thsüba?