ROMRÜ KILIM PAULNÜ ATHRÜTKHI KIHÜM HUHTANYU 2:5 - AMÜSÜH HÜM CL Bible (BSI)

⁵ Tüshe nü nihnihkhi tüsho nü mulong müküpkhinü Thrünpuh bukakhiukkhi, api thiyuro-lungki mahkhap amikheak akhiuk nimung thsungkheak nü azhihde bukakhiukkhi zomukhungchoh.

ROMRÜ KILIM PAULNÜ ATHRÜTKHI KIHÜM HUHTANYU 2:5 Iomraidhean Croise

2 KIUTHSÜYUKHEAN 30:8

Nüsa jipürü nangde yihkhro düla, tüsho Atungpuh ki mihyuaniang tüsho apinü lün thsungkheak tsangkhitkhi api amüsüh dangpung ching arang, tüsho Atungpuh nüsa Thrünpuh tankihang, junangde api bukakhiukkhi amüshak nüsa kheaknü rholode atsobah.

2 KIUTHSÜYUKHEAN 36:13

Apinü Thrünpuh mung ching anihbuh ki thiyuchihchimshihkhi kiulongthsüpuh Nebukednezar kheak she azhih, apinü anihbuh hung chungthülang tüsho Atungpuh Israel Thrünpuh kilim rholopü api mulong müküpde kam.

JOB HU H T ANYU 21:30

junangde thsümütsü nimung mihbukmuyuk wocho de, tüsho bukakhiuk nimung khümkhitcho de?

MUNGSHIKHÜN 110:5

Atungpuh nü khah tsülim lah; api mulong zhipzhip nimung apinü kiulongthsürübo zünakbah.

MUNGSHIKHÜN 95:8

“Nüsa mulong azhihkhi ching nangde, tüsho sunglo ching rükakikhi nimung nangde dümüküp,

ABEKHIT 14:17

Tüsho inü Ijiprü mulong müküpshihbah, junangde arünü arü dunglim yüzahbah, tüsho Pharao le api bonungrü, api khora-lolungbebo, tüsho api khoraberü hode I müretahbah.

ABEKHIT 32:34

Kheakü inü athakhi dangpung ching mihtsürübo bede yüang, tüsho I yunirü nü müngüh yübah. Judüalalashe, küyimki thsümüchipü kim arübanü, inü arü neak dünkheak arübo thsümüchibah.”

ABEKHIT 8:15

Tüshe küyimki Pharaonü keamramkhi ngükhea, apinü amulong müküplo tüsho Atungpuhnü athakhi nangde, apinü ane ki mani.

MÜCHITMUDU 1:18

tüshe arünü arü nihbuh thiyih thsungkheak aleangchoh, arünü arü nihbuh rhangdungbo thsungkheak jimde binchoh.

MÜCHITMUDU 11:4

Bukakhiuk nimung ching lakhit tümü alü müla, tüshe thiyurolungkinü ashe chingnü bekhitchoh.

MÜCHITMUDU 28:14

Shepünü kamruhroro Atungpuh trechonü müngühmühi mihtsürü, tüshe shepü nihbuh mulong müküpchonü thsümütsü ching keamyukbah.

MÜCHITMUDU 29:1

Shepü alochode thsülangjihjih she mulong müküpchonü, müthsüngukhukpü thsüde zukleangnü athsümünimbah.

T H S AN GYU T H S AN GR ARÜ 12:14

Tümütüsho rhimokhi alala, rama lakhi lüpdükhi, atsü yungsho amütsü bede Thrünpuhnü mahkhap ching hande arübah.

ISAIA 48:4

Tümütüsho nü anihnih ah de inü mükheahlah, nü hung ju yinchi-süh ah tüsho nü kingkang ju khahrih-yinchi,

JEREMIA 40:3

tüsho kheakü Atungpuhnü ha handarüdo, tüsho apinü athakhi nangde rhimodo, tümütüsho nüsa alalanü Atungpuh azhihde neak yihbeak tüsho api yu mani. Jumonü hadürü nü kheak arükheah.

EZEKIEL 11:19

Inü arü kheak mulong khülang jihbah tüsho arü kheak me aso khülang yukjihbah; inü arü shih chingnü lung mulong yihkhitbah tüsho arü kilim shihtsü mulong jihbah.

EZEKIEL 3:7

Tüshe Israel yamkhünnü nü ki anipü mümulong tümütüsho arünü I ki anipü mümulong, tümüde Israel yamkhün athrünkhi müküplah tüsho rhükrhüklah.

DANIEL 5:20

Tüshe küyimki api mulong müküpde tüsho kükheangde kamkhea, api kiulongthsü-binkiu kheaknü akishih tüsho api müretahkhi luabahjih.

HOSEA 13:12

Ephraim amülim rhükdoa lah; api neak zomukhunglah.

AMOS 3:10

Atungpuhnü ha thachoh, Sherünü thiyih bukde tüsho ahüh-a arü lapung ching zochonü, arünü alim rhimopü mümükheah.

ROMRÜ KILIM PAULNÜ ATHRÜTKHI KIHÜM HUHTANYU 1:18

Tümüde arü amütsü tüsho mihbukmuyuknü thiyuro zhipdokhi mihtsürü alala azhihde Thrünpuh bukakhiukkhi yinmi chingnü amikheak akhiuka lah,

ROMRÜ KILIM PAULNÜ ATHRÜTKHI KIHÜM HUHTANYU 11:25

I keoniorübo, nüsa küdahnü shia mulushihpü thsüde rama lakhi thiyuro nüsanü mükheahshihnelah. Israel mihtsürü mulong müküpkhi lün thsungkheak yung, tüshe khiungkerü khekhi alala Thrünpuh ki arükhi khiungdü lang ah.

ROMRÜ KILIM PAULNÜ ATHRÜTKHI KIHÜM HUHTANYU 9:22

Tüsho Thrünpuhnü tümü rhimokheanü dükdü ah. Apinü api bukakhiukkhi tüsho api wu huhpü kün. Tüshe athsümünimpü lakhi api bukakhiukkhi kukruk kheak apinü khide arümkheam.

2 KORINT 5:10

Tümüde isa alala Khrista thiyukhap binkiu miki labah, junangde mihbüm abannü pang ching rhimokhi ayannü atsü yungsho amütsü leangkhibah.

YUZÜNGTHALO 2:30

“Tüshe Heshbon kiulongthsüpuh Sihonnü isa muhoshih, tümüde khihni ha nangde, api nüsa khah ching jihpü Atungpuh nüsa Thrünpuhnü api me tüsho mulong müküpshih.

YUZÜNGTHALO 32:34

Arü riribonü arhimokhi Atungpuhnü lümkhitlah, apinü arü kam dükdü ching thsümüchipü aleanglah.

2 TESALONIKA 1:5

Ha Thrünpuh thiyuro-lungki yukhapkhi thiyumütsan ah, junangde küpü thsungkheak nüsa thsünüde lanü, nüsa ju Thrünpuh kiulongthsü thülünde akambah.

IBRI 3:13

Tüshe neak rükakikhinü nüsa sheshe mulong mümüküpshihpü thsüde “Khihni” de ajikhi la khiungde nimung aban nüsa khülangnü khülang tuthsukachihang.

IBRI 3:15

Amüsühyunü ha thachoh, “Khihni, nüsanü api düsheak sochoki azhihkhi ching nangde nüsa mulong dümüküp.”

IBRI 4:7

kheaküshe Thrünpuhnü, “Khihni” de nimung püpü zojih. Kam ahihkhüh dunglim apinü David hode asukkhi amüsühyu ching thaa lah; “Khihni nüsanü api yu sochoki, nüsa mulongbo dümüküp.”

JAKOB 5:3

Nüsa yo suna tüsho shotoyinchi thrungnü tsühabahdo, tüsho thrung ju nüsa azhihde thiyumütsan labah tüsho monü nangde nüsa shihtsü tsühabahbah. Nüsanü ahokhi nimungbo ching lakhitbo hanmukhungdo.

JIHUSUA 11:20

Israelrü bede keochihshihpü Atungpuhnü arü ki lümkihshih, junangde arübo shahde thsümünimde tüsho mihmuzho mülade laksahkhamshihpü thsü. Ha Atungpuhnü Mosa ki thiyukhüm jihkhi ah.

2 PETER 2:9

tüsho junangde arü rükaki chingnü akinrü bekhitpü tüsho mahkhap nimung thsungkheaknü mihbukmuyuk athsümüchi khüp zopü Atungpuhnü mükheahlah,

2 PETER 3:7

Ju yunü kheakü lakhi thüningbo tüsho alomi, mahkhap nimung tüsho amükinrü mihtsürü dükheakshihpü khiungde mo thsungkheak akhua zolah.

JUDNÜ ATHRÜTKHI KIHÜM HUHTANYU 1:6

Tüsho yunirübonü arü lapung dükde mülade amüthrikhi mahkhap ato nimung khiungde akheam müla wuhrünliunü rhüka amiting ching zo;

AMIKHEAKAKHIUKKHI 2:21

Inü alibe mulong müthripü kim jih, tüshe anihbenü müzammüram chingnü mulong müthripü mükün.

AMIKHEAKAKHIUKKHI 6:17

tümüde arü bukakhiukkhi nimung ato arüdo, tüsho shepünü ju müngüh zhipkhukba?”

1 SAMUEL 6:6

Tümüde nüsanü Ijiprü tüsho Pharaonü mulong müküpkhi nangde nüsa mulong müküpcho? Apinü arü kheak thsümüchishu lang arünü mihtsürü chamkhibah mutsoshihkhea de?