ROMRÜ KILIM PAULNÜ ATHRÜTKHI KIHÜM HUHTANYU 2:4 - AMÜSÜH HÜM CL Bible (BSI)

⁴ Yungsho Thrünpuh tsükhinü nü mulong müthripü lim bechoh de mümükheahde api tsükhi, arümkheam tüsho arorikhi mükhemükimcho de?

ROMRÜ KILIM PAULNÜ ATHRÜTKHI KIHÜM HUHTANYU 2:4 Iomraidhean Croise

MUNGSHIKHÜN 10:11

Apinü amulong ching thachoh, “Thrünpuhnü mihabahdo; api miro jiklah, apinü küyimkishe I müngü.”

MUNGSHIKHÜN 104:24

O Atungpuh , nü rhimobo küdükhüh she la! Lümlung ching nünü arü alala thrün. Alomi ju nü lorilokobonü milah.

MUNGSHIKHÜN 31:19

Mihtsürü tsührübo miki nü trerü tüsho nü kheak kinrü thsungkheak nünü azojihkhi nü tsükhi küdükhüh ato a!

MUNGSHIKHÜN 78:38

Tüshe api amüthsümnü mide arü mülimkhibo neak bahjih, tüsho arü müdükheakshih. Kim aban api bukakhiukkhi tuklo, tüsho api mulong müzhipzhip.

MUNGSHIKHÜN 86:15

Tüshe O Atungpuh , nü a muzhomüyi tüsho amüthsüm ah, arünnü bukakhiukchoh, amuzho tüsho thiyuro ching muzhomopungde lah.

MUNGSHIKHÜN 86:5

Tümüde Atungpuh , nü tsülah tüsho neak bahjihpü thsakhamlah, tüsho nü ki jirü alala kilim mihmüthsüm ching suhdahlah.

ABEKHIT 34:6

Tüsho apinü Mosa miki tsahhode zhiyuk, “Atungpuh , Atungpuh , mihmuzho tüsho mihmüthsüm Thrünpuh, arünnü bukakhiukchoh, amuzho tüsho thiyuro ching suhdahlah,

T H S AN GYU T H S AN GR ARÜ 8:11

Tümütüsho amütsü-rhimo azhihde nahde müthsümüchimonü, mihtsürü mulong ju amütsü rhimopünü milah.

ISAIA 30:18

Jumonü Atungpuhnü nüsa ki müthsümpü aleangchoh; nüsa ki amüthsüm huhpü api asürübah. Tümüde Atungpuh ju thiyuro Thrünpuh; api aleangrü alala müngühmühi.

JEREMIA 7:10

tüsho arübah ha yam ching I miki zhipba de, küpü I mungnü ji, tüsho harü athraneanbe lang arhimopü isa ki jihdo de athabea de?

EZEKIEL 11:19

Inü arü kheak mulong khülang jihbah tüsho arü kheak me aso khülang yukjihbah; inü arü shih chingnü lung mulong yihkhitbah tüsho arü kilim shihtsü mulong jihbah.

EZEKIEL 16:63

Judüki inü küyimki nünü arhimokhi alala dünthsükhibanü, nünü alümkhitbah tüsho achihbah tüsho nü junokhi dünkheaknü küyimkishe nünü nü mün mükhimshuh, Wuto Atungpuhnü thachoh.

HOSEA 3:5

Ju dunglim Israelrünü rholobah tüsho Atungpuh arü Thrünpuh, tüsho arü kiulongthsüpuh David yimbah; akheam nimungbo ching arünü Atungpuh trede api müngühmühi lim arübah.

JONA 4:2

Apinü Atungpuh ki tamkhüntamnü tüsho tha, “ O Atungpuh ! Ha inü I lomi ching lachoki thakhi yung de? Hamonü inü atankih ching Tarshish lim tsokheah; tümüde nü a amuzho tüsho mihmüthsüm Thrünpuh, arünnü bukakhiukchoh, amuzhodakkhi ching suhdahlah, tüsho thsümüchipü chingnü lümalopü thsakhamlah de inü mükheahlah.

WÜHKHE 14:18

‘Atungpuhnü bukakhiukpü müniokheamchoh tüsho mihmüthsüm ching suhdahlah, neak tüsho azhihde-wusukhi bahjihchoh; tüshe apinü arü bebuhrü neak dünkheaknü tsührübo tüsho tsührü-tsührübo kheak lün mahsam tüsho lün phüyi khiungde mülakphahde athsümüchihbah.’

ROMRÜ KILIM PAULNÜ ATHRÜTKHI KIHÜM HUHTANYU 10:12

Tümüde Jihudarübo le Greekrü dükeak achamnak müla; ju Atungpuh alala Tungpuh tüsho api mung jirü alala kilim api lakhitbo jihchoh.

ROMRÜ KILIM PAULNÜ ATHRÜTKHI KIHÜM HUHTANYU 11:22

Jumonü Thrünpuh mihmuzho tüsho amüküpkhi mütsanang: angaka larü kilim müküplah tüsho nüsanü api amuzho ching mutuklode lasho nüsa kilim mihmuzho lah; jude yungsho nüsa she lipkhia bahbah.

ROMRÜ KILIM PAULNÜ ATHRÜTKHI KIHÜM HUHTANYU 11:33

Thrünpuh lakhitbo küdükhüh ato a! Api lümlung tüsho mükheahmudu küdükhüh sükla? Shepünü api limrobo anikhitkhukba?

ROMRÜ KILIM PAULNÜ ATHRÜTKHI KIHÜM HUHTANYU 3:25

Thrünpuhnü akin hode thiyihnü dünthsükhishihpü, api thiyuro-lungki huhpü arüshih, tümütüsho akhuhlim yihbeakkhi neakbo api arümkheamkhinü Thrünpuhnü khenoabahjih–

ROMRÜ KILIM PAULNÜ ATHRÜTKHI KIHÜM HUHTANYU 6:1

Dale tüsho isanü tümü thaba? Mihmüthsüm suhdahpü thsüde isanü neak ching mutuklode alabea shi?

ROMRÜ KILIM PAULNÜ ATHRÜTKHI KIHÜM HUHTANYU 6:15

Dale tüsho tümü a? Isa yakzan khüp müla tüshe mihmüthsüm khüp lamonü isanü neak yihbeakba shi? Jude yung!

2 KORINT 8:2

tümüde arübo küpkhukbonü mütsüdakde rükaki; tüshe arü zhochih-a lalashe khide salade jih-chungkhinü arü asühpü ato lakheah.

EFISIA 1:18

nüsa anikhitpü mük khimshuhjihbah, junangde apinü ajikhi mulonglam, amüsührü lung api yamrüplurüp müretah lakhitbo nüsanü amükheahbah,

EFISIA 1:7

Api amüthsüm lakhit ayannü neakbo bahjihkhi api thiyih hode api kheak isa rhokhitkhi lah,

EFISIA 2:4

Tüshe Thrünpuh, shepü mihmüthsüm ching alarü la, apinü isa lümrhihkhi amuzho atonü,

EFISIA 2:7

junangde arübe lün ching Jisu Khrista ching isa muzhokhi makekhukbe api amüthsüm lakhitbo huhbah.

EFISIA 3:16

junangde api müretah lakhitbo yande pang lung ching api Me hode sühmüh lade nüsa düküngshihbah,

EFISIA 3:8

Amüsührü bolung alala kheaknü I aninibe thsüa lalashe, khiungkerü kilim müyimkhitkhukbe Khrista lakhit, ha amüthsüm I kilim jihdo,

FILIPI 4:19

Jisu Khrista ching api müretahkhi lakhit ayannü I Thrünpuhnü nüsa yihnüpü lüpdükhi jihbah.

KOLOSI 1:27

Nüsa kheak lakhi Khrista, müretah mulonglam, ha aramyu müretah lakhit khiungkerü bolung mükheahshihpü Thrünpuhnü arü ki mulongkhit.

KOLOSI 2:2

junangde dükde anikhitkhi lakhitbo tüsho Thrünpuh mükheahmudu aramyu, Khrista lapü arü amuzho ching rukhüh kamkhinü arü mulong toshihbah.

1 TIMOTHI 1:16

tüshe I aneakrü bolung amütsübe kheaknü, api kheak lün rhangdung thsungkheak kinpü larü ki amütsan thsungkheak Jisu Khrista azhihayihkhi huhpü thsüde inü ha mihmüthsüm leangkhi.

1 TIMOTHI 6:17

Ha lomi ching mükükheangpü tüsho mümütsankhi lakhit ching yungde, isa asühshihpü lüpdükhi muzhomopungde ajihbuh Thrünpuh kheak arü mulonglam zopü alarü ki thiyukhüm jihang.

1 PETER 3:20

harünü Noanü sangkung thsüde alachoki adüso nimungbo ching Thrünpuhnü arümkheamde aleangchoki mihyumanikheah. Ju ching anükbe, mihtsürü 8 lang ke chingnü khümkhit,

2 PETER 1:11

Junangde isa Atungpuh tüsho akhümkhitrü Jisu Khrista kiulongthsü ching yüzahpü nüsa thsungkheak suhdahde ajihbah.

2 PETER 3:15

Isa keoniorü Paulnü, Thrünpuhnü api kilim jihkhi lümlung hode nüsa kilim thrütkhi nangde, Atungpuhnü arümkheamkhi ju akhümkhit ah de lümang.

2 PETER 3:3

Akhuhde, akheam nimungbo ching luhmünerünü luhmünede tüsho arü nihbuh amütsü künkhi chingnü arübah de nüsanü anikhitbeah.

2 PETER 3:9

Khürünü ruhlah dükhi nangde, Atungpuhnü apinü alokhikhi muruhchoh. Apinü she lang she müdükheakshihne, tüshe mihbüm aban mulong müthrishihpü nüsa kheak arümkheamde lah.

AMIKHEAKAKHIUKKHI 2:21

Inü alibe mulong müthripü kim jih, tüshe anihbenü müzammüram chingnü mulong müthripü mükün.

AMIKHEAKAKHIUKKHI 3:20

Kheahang, I khimdopü ki zhiplah tüsho thrungchoh; khürünü I düsheak sobah ripit khimshuhsho, I api kilim azahbah api lung yimtsühbah, tüsho apinü I lung yimtsühbah.