ROMRÜ KILIM PAULNÜ ATHRÜTKHI KIHÜM HUHTANYU 2:29 - AMÜSÜH HÜM CL Bible (BSI)

²⁹ Shepü alunglim lanü api Jihudarü ah tüsho atsütsü tsütabahkhi ju mulong tüsho me ah tüshe atsütsünü yung. Api mungshi ju mihtsürü kilimnü yung tüshe Thrünpuh kilimnü lah.

ROMRÜ KILIM PAULNÜ ATHRÜTKHI KIHÜM HUHTANYU 2:29 Iomraidhean Croise

1 KIUTHSÜYUKHEAN 29:17

I Thrünpuh, nünü mulong yimchoh tüsho thiyuro lungki ching reangkeamchoh de inü mükheahlah; I mulong alungki chingnü inü ha kukrukbo alala akeangnü jihdo, tüsho kheakü nü mihtsürübonü ha ching nü kilim akeangnü tüsho asühde ajihkhi inü ngüdo.

MUNGSHIKHÜN 45:13

Kiulongthsürü tsührübe ju kiulongthsürü-yam ching müretahde lah; anihbe khimmih ju suna bede keaka lah.

JEREMIA 4:14

O Jirusalem, mihbukmuyuk chingnü mulong müsühang, junangde nü khümkhitbah. Nü lümkhi amütsü külokhüh nü kheak laba?

JEREMIA 4:4

Atungpuh kilim nüsa küdah thsüde tsütabahang, nüsa mulong küp muhiukhita bahang, O Juda mihtsürü tüsho Jirusalem ching larübo, yungsho I bukakhiukkhi mo nangde ayübah, tüsho shenü she nüsanü amütsü rhimokhi dünkheaknü müzünmütkhukde atakbah.

JEREMIA 9:25

Atungpuhnü thachoh, küp lang tsütabahrü alala inü athsümüchipü nimung tsükjide arado:

LUKNÜ ATHRÜTKHI THIYUSHEAK-ATSÜ HUHTANYU 11:39

Tüsho Atungpuhnü api ki tha, “Kheakü nüsa Pharisirünü pung tüsho phuru aleanglim müsühchoh, tüshe nüsa alunglim a yihnelune tüsho mihbukmuyuknü milah.

LUKNÜ ATHRÜTKHI THIYUSHEAK-ATSÜ HUHTANYU 17:21

yungsho mihtsürübonü mütha, ‘Ha kheak,’ yungsho ‘Ju kheak lah,’ tümütüsho Thrünpuh kiulongthsü ju nüsa bolung lah.”

JOHAN 12:43

tümüde arünü Thrünpuh mungshi kheaknü mihtsürü mungshi alü muzhodo.

JOHAN 4:23

Tüshe thiyuro kingaünrünü me tüsho thiyuro chingnü Abuh kingaünpü kim arüchoh; tüsho ha kheak lah; tümüde Abuhnü api kingaünshihpü hadürü yimchoh.

JOHAN 5:44

Nüsa khülangnü khülang wüntre luachihchoh tüshe Thrünpuh kilimnü arükhi wüntre müyimde nüsanü küde thsah akinpü?

ROMRÜ KILIM PAULNÜ ATHRÜTKHI KIHÜM HUHTANYU 14:17

Tümüde Thrünpuh kiulongthsü ju jim tüsho ayungbe yung tüshe Amüsüh Me ching thiyuro-lungki, mungtsü tüsho asühachihkhi lah;

ROMRÜ KILIM PAULNÜ ATHRÜTKHI KIHÜM HUHTANYU 2:27

Nü shepü athrütkhi la tüsho tsütabah-a lalashe yakzan thsümünimkhi lanü, shih tsütamübah tüshe yakzan zobuhnü nü bahyukbah.

ROMRÜ KILIM PAULNÜ ATHRÜTKHI KIHÜM HUHTANYU 3:1

Dale tüsho Jihudarü alü tümü la? Yungsho tsütabahkhi alü tümü la?

ROMRÜ KILIM PAULNÜ ATHRÜTKHI KIHÜM HUHTANYU 7:6

Tüshe kheakü isa rhüka lakhi ching shekhinü, yakzan chingnü zuzu kam, junangde thrüta lakhi awün ching yung tüshe Me aso ching isanü tankihchoh.

1 KORINT 4:5

Jumonü kim mukhiungyide tümü thiyudükhap; Atungpuh arükhi khiungde aleangang. Amiting ching rama lakhi apinü ayin ching hande arübah tüsho mihtsürü mulongbo lahkhitbah. Ju kim ching mihbüm aban nihbuh mungshi Thrünpuh kilimnü aleangkhibah.

1 KORINT 7:19

Tümütüsho tsütabahkhi yungsho tsütamübahkhi yungde Thrünpuh yuzüng zokhi khechoh.

2 KORINT 10:18

Tümütüsho nihbuh küdah thsüde shilokhinü yung, tüshe shepü Atungpuhnü shijihchonü athülün lah.

2 KORINT 3:6

Apinü isa ju yakzan thrütkhi yo yungde Me ching tangzüng aso tankihrü thsüpü thülünde kamshih; tümüde yakzan thrütkhinü laksahchoh, tüshe Menü rhangdung jihchoh.

YUZÜNGTHALO 10:16

Jumonü nüsa mulong tsütabahang, tüsho kheaküa nihnihde düla.

YUZÜNGTHALO 30:6

Tüsho nü mulong athrünkhinü tüsho nü me athrünkhinü api muzhopü thsüde Atungpuh nü Thrünpuhnü nü mulong tüsho nü tsühsoniuso mulong tsütabahjihbah, junangde nüsa rhangdung labah.

FILIPI 3:3

Tümüde isa ju me ching Thrünpuh kingaünrü, Jisu Khrista ching müretahrü, tüsho shih ching mulongram mülakhi thiyuro tsütabahkhi lah.

1 TESALONIKA 2:4

tüshe isa kheak thiyusheakatsü reangkihjihpü Thrünpuhnü amulongkhi nangde mihtsürü asühshihpü yung tüshe isa mulong rükakheahbuh Thrünpuh asühshihpü isanü asukchoh.

1 PETER 3:4

tüshe müdükheakbe mürelung azhihayih bede rama lakhi mihtsürü mulong tüsho Thrünpuh miki shoto, zhikde alakhi me lashang.

1 SAMUEL 16:7

Tüshe Atungpuhnü Samuel ki tha, “ Api jak-ku yungsho trungdung dükheah, tümütüsho inü api bahyukdo, tümüde mihtsürünü akheahkhi nangde Atungpuhnü mükheah; mihtsürünü aleanglim kheahchoh, tüshe Atungpuhnü mulong kheahchoh.”