ROMRÜ KILIM PAULNÜ ATHRÜTKHI KIHÜM HUHTANYU 2:22 - AMÜSÜH HÜM CL Bible (BSI)

²² Mihtsürünü müzammüram müyihbeakbeah de nünü thabah, nünü müzammüram yihbeakcho shi? Nünü sangthsü thraneanchosho, arüngyam jangkhicho shi?

ROMRÜ KILIM PAULNÜ ATHRÜTKHI KIHÜM HUHTANYU 2:22 Iomraidhean Croise

MUNGSHIKHÜN 50:17

Tümüde nünü adanyukkhi thraneanchoh, tüsho I yubo nü dunglim bahchoh.

JEREMIA 5:7

Küde thsah inü nü neak bahjihpü? Nü tsührübonü I bahyukdo, tüsho akeang thrünpuhbo hode thiyuchihchim. Inü arü bukthsüde yimkip she, arünü müzammüram yihbeak tüsho müzammüramrü yambo ching shode tsah.

JEREMIA 9:2

O loshelo ching I lapung lakhülaa inü I mihtsürübo bahjihbah tüsho arü kheaknü tsoabahbah! Tümüde arü alala müzammüramrü, mülapyukrü boto lah.

EZEKIEL 22:11

Khürünü nihbuh yamhingrü niube kheak athraneanbe yihbeakchoh, püpürünü nihbuh tsühmeakrü thsümünimchoh, tüsho püpürünü nihbuh chiniurü thsümünimchoh.

MALAKI 1:14

Shepü namfimihnu bolung pung la tüsho ju jihpü thiyuchihchimbah Atungpuh kilim lapha kihkhi laksah-a kingaünchonü, rük mütsükhi ju muthrumünean thsang; tümüde I ato kiulongthsürü ah, Wuto Atungpuhnü thachoh, tüsho trükshih bolung I mung wüntre jihchoh.

MALAKI 1:8

Küyimki nüsanü amüktukkhi shiwüh laksah-a kingaünkhi ching jihbanü, ju amülim yung de? Tüsho küyimki nüsanü akikkhi yungsho tukthsükhi jihbanü, ju amülim yung de? Ju nü yo kovünor ki thsambah jih-a kheahang; apinü nü ki asühba de yungsho nü leangkhiba de? Wuto Atungpuhnü thachoh.

MALAKI 3:8

Khürünü Thrünpuh rükakiba de? Tütüshe nüsanü I rükakichoh! Tüshe nüsanü thachoh, “ Künangde isanü nü rükakicho?” Nüsa thürü shihcham tüsho kingaün jihkhibo ching!

MATHI 12:39

Tüshe apinü arü ki alo, “Amütsü tüsho müzammüram lünnü amütsan yimchoh, tüsho wukihrü Jona amütsan kheak hobah tümü amütsan müjihde alabah.

MATHI 16:4

Mihbukmuyuk tüsho müzammüram lünnü amütsan yimchoh, tüsho wukihrü Jona amütsan kheak hode amütsan tümü müjihde alabah.” Tüsho apinü arü zojihbah tsoabah.

MARK 11:17

Judüki apinü arü ki thsangyude tha, “ ‘Trükshih alala thsungkheak I yam ki tamkhüntamnü yam de ajihbah’ de thrüta müla de? Tüshe nüsanü ju ahührü jikpung kamshihdo.”

YUNIRÜBO RHIMO 19:37

Tümüde nüsanü harü mihtsürü isa arüngyambo yungsho isa thrünbe mükhemükim müthsürü bede arüa lah.

ROMRÜ KILIM PAULNÜ ATHRÜTKHI KIHÜM HUHTANYU 12:9

Amuzho ju thiyuro lashang; tümü amütsüanü thraneanang, tümü atsüanü düngde ramrihang;

JAKOB 4:4

Mulong müzamrübo! Alomi lung müyamrü thsükhi ju Thrünpuh kilim thiriri ah de nüsanü mümükheah de? Jumonü shepünü alomi lung müyamrü thsüpü lümchonü api ju Thrünpuh riri kamchoh.