ROMRÜ KILIM PAULNÜ ATHRÜTKHI KIHÜM HUHTANYU 2:2 - AMÜSÜH HÜM CL Bible (BSI)

² Thrünpuh mahkhap ju hadürü rhimorü kheak lungkide keamchoh de isanü mükheahlah.

ROMRÜ KILIM PAULNÜ ATHRÜTKHI KIHÜM HUHTANYU 2:2 Iomraidhean Croise

THRÜNTAN 18:25

Thiyuro-lungkirü ju mihbukmuyukrü lungnü alaksahpü nü kheaknü limshuang, jude thsüsho thiyurolungkirü ju mihbukmuyukrü nangde akambah; ju nü kheaknü limshuang! Alomi alala mahkhaprünü alim mürhimobea de?”

JOB HU H T ANYU 34:23

Tümüde Thrünpuh müngüh mahkhap ching yüpü apinü she ki she kim akhua müla.

MUNGSHIKHÜN 145:17

Atungpuh ju api limrobo alala ching thiyuro-lungki ah, api rhimobo alala ching amüthsüm lah.

MUNGSHIKHÜN 9:4

Tümüde nünü I alim tüsho I dünkheak thsakhamjih; nü thiyuro ching mahkhapde kiulongthsü-binkiu kheak bin.

MUNGSHIKHÜN 96:13

Tümüde api arüchoh, tümüde api alomi mahkhappü arüchoh. Apinü alomiküp thiyuro-lungkinü, tüsho mihtsürü api thiyuronü mahkhapbah.

MUNGSHIKHÜN 98:9

tümüde api alomi mahkhappü arüchoh. Hiyuro-lungkinü apinü alomiküp, tüsho alungkinü mihtsürübo mahkhapbah.

ISAIA 45:19

Inü amiting lomi ching ramde masuk, inü Jakob tsührü ki mütha, “Akeangkeang ching I yimang.” I Atungpuhnü thiyuro asukchoh, inü alungki thachoh.

ISAIA 45:21

Thaang tüsho nü lümkhi handarang; arünü rukhüh keokhikeorashang! Ha adüsonü shenü akhipkhitkhea? Ha müngühlimnü shenü athakhea? I Atungpuhnü yung de? I hobah püpü thrünpuh müla, thiyuro-lungki tüsho Akhümkhitbuh; I hobah she müla.

JEREMIA 12:1

O Atungpuh küyimki inü nü azhihde athabanü nü alim labah; tüshe thiyuro dünkheak inü nü ki keokhianü: Tümüde amütsürü limro müngühmühicho? Tümüde mihyu manirübo tsüshihcho?

EZEKIEL 18:25

Tütüshe nünü thachoh, “Atungpuh limro thiyuro yung.” Aniang, O Israel yamkhün: I limro thiyuro yung de? Nü limrobo thiyuro mülakhi yung de?

EZEKIEL 18:29

Tütüshe Israel yamkhünnü thachoh, “Atungpuh limro thiyuro yung.” I limrobo thiyuro yung de, O Israel yamkhün? Nü limrobo thiyuro mülakhi yung de?

DANIEL 4:37

Kheakü I, Nebukednezarnü yinmi kiulongthsüpuh shijih, wüntre jih tüsho müretahshih; tümüde api rhimobo alala alim tüsho api limrobo thiyuro; tüsho kükheangde atsahrü apinü thokheamkhuklah.

ZEPHANIA 3:5

Ju ching lakhi Atungpuh ju thiyuro-lungki; apinü amülim mürhimo. Yapsu aban apinü mahkhapchoh, anipdokhün mülakphah; tüshe thiyuro mülakhinü achihbe tümü mümükheah.

YUNIRÜBO RHIMO 17:31

tümütüsho apinü amokhitkhi mihtsürünü thiyuro-lungkinü alomiküp mahkhappü nimung khülang akhukhitdo, tüsho ha apinü ashe chingnü arhang kamloshihkhi hode mihtsürü alala kilim adüngakhi jihdo.”

ROMRÜ KILIM PAULNÜ ATHRÜTKHI KIHÜM HUHTANYU 2:1

Jumonü, O mihtsürü, nüsa shepünü püpürü kheak mahkhapchonü amudopü müla; tümüde api kheak mahkhapkhinü nü küdah thsüde bahyukchoh, tümütüsho nü, mahkhaprünü ju nangde rhimochoh.

ROMRÜ KILIM PAULNÜ ATHRÜTKHI KIHÜM HUHTANYU 2:3

O mihtsürü, nünü hadürü rhimode labah ju rhimorü ki mahkhapchoki nünü Thrünpuh mahkhap tsokhibah de lümcho shi?

ROMRÜ KILIM PAULNÜ ATHRÜTKHI KIHÜM HUHTANYU 2:5

Tüshe nü nihnihkhi tüsho nü mulong müküpkhinü Thrünpuh bukakhiukkhi, api thiyuro-lungki mahkhap amikheak akhiuk nimung thsungkheak nü azhihde bukakhiukkhi zomukhungchoh.

ROMRÜ KILIM PAULNÜ ATHRÜTKHI KIHÜM HUHTANYU 9:14

Dale tüsho isanü tümü thaba? Thrünpuh kilim jakkheahkhi la shi? Jude yung!

AMIKHEAKAKHIUKKHI 16:5

Tüsho ke yunirünü thade inü so, nü a harü mahkhapkhibo ching thiyuro lah, nü shepü la tüsho shepü alakhea, Amüsühbuh Khülang;

AMIKHEAKAKHIUKKHI 19:2

tümüde api mahkhapkhibo thiyuro tüsho alungki; anihbe müzammüram hode alomi müneanshihkhi müzammüramberü ato apinü mahkhap, tüsho apinü anihbe kheak api tankihrübo thiyih royimjih.”