ROMRÜ KILIM PAULNÜ ATHRÜTKHI KIHÜM HUHTANYU 2:15 - AMÜSÜH HÜM CL Bible (BSI)

¹⁵ Arü mulong ching yakzan thrüta lakhi rhimonü ahuhkhi arü lümkhinü thiyumütsan thsüchoh, tüsho arü dükeak ching arü lümkhinü amülim jihchoh yungsho amülim bahachihchoh.

ROMRÜ KILIM PAULNÜ ATHRÜTKHI KIHÜM HUHTANYU 2:15 Iomraidhean Croise

THRÜNTAN 20:5

Apinü, ‘I niurü ah’ de athakhi yung de? Tüsho alibenü she aküdah thsüde tha, ‘Api I khiung ah.’ Ha inü I lümkhi müsühde tüsho I khah müsühde arhimokheah.”

1 KIULONG THSÜRÜ 2:44

Kiulongthsüpuhnü Shimei ki thalo, “Nünü I buh David kheak amütsü rhimokhi alala nü mulong chingnü mükheahlah; jumonü Atungpuhnü amütsü rhimo nü ku kheak hanlodarübah.

JOB HU H T ANYU 27:6

Inü thiyuro-lungki düngdüng ramlolah tüsho inü ju mutsoshih; I lakhi khiungde I mulongnü I müthürüh.

T H S AN GYU T H S AN GR ARÜ 7:22

nünü ahihdo ki mührü athrukhi nü mulongnü mükheahlah.

JOHAN 8:9

Judüki sherünü ju sokheanü, arü küdah thsüde lümkhiungbah azopünü akhuhbah khülang khülangnü tsoabah. Alibe ju ching zhipde Jisu zangrü aning.

YUNIRÜBO RHIMO 23:1

Tüsho Paulnü kiuthsürü kheak kheahmürip tüsho tha, “Keoniorübo, khihni khiungde lümkhi atsü alala ching inü Thrünpuh miki lado.”

YUNIRÜBO RHIMO 24:16

Junangde inü Thrünpuh tüsho mihtsürü kilim lümkhi müsühde alapü kamruhroro mürangchoh.

ROMRÜ KILIM PAULNÜ ATHRÜTKHI KIHÜM HUHTANYU 2:14

Küyimki yakzan mülarü khiungkerünü yakzannü yihnüpü lakhi yande mihnü arhimobanü, arübo yakzan mülaa lalashe arü thsungkheak ju yakzan kamchoh.

ROMRÜ KILIM PAULNÜ ATHRÜTKHI KIHÜM HUHTANYU 2:27

Nü shepü athrütkhi la tüsho tsütabah-a lalashe yakzan thsümünimkhi lanü, shih tsütamübah tüshe yakzan zobuhnü nü bahyukbah.

ROMRÜ KILIM PAULNÜ ATHRÜTKHI KIHÜM HUHTANYU 9:1

Khrista ching inü thiyuro thachoh, inü akeangyu mütha; Amüsüh Me ching I lümkhinü thiyumütsan jihchoh,

2 KORINT 1:12

Tümüde isa kükheangkhi ju ha: isanü alomi ching tüsho nüsa miki, amüsühkhinü tüsho kinde kurhangkhinü, alomi lümlungnü yung tüshe Thrünpuh amüthsüm hode yakli huhdo de isa lümkhinü thiyumütsan lah.

2 KORINT 5:11

Jumonü, Atungpuh trekhi mükheahde isanü mihtsürübo münityukchoh; tüshe isa tümüanü Thrünpuhnü mükheahlah, tüsho nüsa lümkhi ching she ju mükheahlah de inü akin lah.

1 TIMOTHI 4:2

Hadürü thsangyukhibo ju yinchi takmürümkhinü athsahkhi nangde arü lümkhibo shekhirü akeangyu tharü hode bushihchoh.

TITA 1:15

Atsangkhitkhi ching alala tsangkhitlah, tüshe athsümünim tüsho mükinkhi ching tümü she atsangkhitkhi müla; arü lümkhi tüsho sulümbo athsümünim lah.